(၁)
ငွေငါးသိန်းကိုလက်မှာဆုပ်ကိုင်ထားပေမယ့်ထွေးထွေးရဲ့မျက်လုံးများကရီဝေဝေနဲ့တစ်ခုခုကိုစိုးရွံ့နေသလိုခံစားမိသည်။လှိုက်ဖိုနေတဲ့ရင်ကိုထိမ်းချုပ်ရင်းကမ္ဘောဇဘဏ်မှထွက်လာခဲ့သည်။ငွေဟာအရာရာတိုင်းလိုလိုကိုဖြည့်ဆည်းပေးနိုင်တာထွေးထွေးသိသည်။အဓိကအားဖြင့်လူတစ်ယောက်ရဲ့အနာဂတ်ကိုပုံဖော်ဖို့လမ်းခင်းရတာဒီငွေ။ဒီငွေ...ဒီငွေကြောင့်ဘဝတွေဖူးပွင့်ရသလိုဘဝတွေလည်းညှိုးနွမ်းရပြန်တယ်။
တကယ်ဆိုဒီငွေဟာဘာကြောင့်အတိတ်ကိုပြောင်းလဲလို့မရတာလဲ။မေတ္တာတရားတွေကိုဖန်တီးလို့မရတာလဲ။ထွေးထွေးမှာငွေကြေးအလျှံအပယ်မရှိပေမယ့်လုံလုံလောက်လောက်ရှိပြီးသား။ယခုကမ္ဘောဇဘဏ်ကထုတ်ယူလာတဲ့ငွေကိုထွေးထွေးမလိုချင်။ထုတ်လည်းမထုတ်ယူချင်။ဒါပေမယ့်မယူလို့လည်းမဖြစ်ပြန်ဘူးလေ။ရင်နင့်စွာလက်ခံထားရတဲ့ဒီငွေကထွေးထွေးအတွက်နာကျင်မှုများ၊ကြေကွဲမှုများ၊သံယောဇဉ်များရောယှက်နေတယ်ဆိုတာထွေးထွေးမှအပဘယ်သူသိနိုင်မှာတဲ့လေ။
မေတ္တာတရားတို့ဟူသည်နှလုံးသားကိုနုညံ့စေသည်။နာကျင်မှုများကိုဖြေဖျောက်ပေးသည်။ထွေးထွေးရဲ့ရင်ထဲမှာဒီမေတ္တာတရားကြောင့်ဖူးပွင့်လာတဲ့မေတ္တာပန်းအငုံလေးကိုအဖူး၊အတံဝင့်လို့ချီနိုင်ဖို့ပေါင်းသင်မြေဆွကာလမ်းခင်းရပေဦးတော့မည်။
" ပန်းကလေးများပွင့်တော့မည်
ဖူးတံဝင့်လို့ချီ
နေခြည်မှာရွှေရည်လောင်း
ငါတို့စာသင်ကျောင်း... "
အဖြူအစိမ်းဆင်တူဝတ်စုံတွေနဲ့ကျောင်းတစ်ချိန်ဆင်းလာကြဟန်တူသောကလေးတစ်သိုက်၏ကဗျာရွတ်သံကထွေးထွေးရင်ကိုထိရှလှသည်။အော်....ဘဝတွေ..ဘဝတွေ။
..............×..................×.................×..............
(၂)
"ဘော်....ဘော်......ဘော်....."
သင်္ဘောဥဩသံကြောင့်ခရီးသည်များလှုပ်လှုပ်ရွရွဖြစ်လာသလိုထွေးထွေးလည်းရင်ခုန်သံမြန်လာသည်ဟုထင်မိသည်။မျက်လုံးများလည်းပြာဝေသလိုခံစားလာရသည်။ဝမ်းနည်းသလိုလို၊ဝမ်းသာသလိုလိုခံစားမိရင်းလက်ထဲကပဝါလေးနဲ့မျက်ဝန်းအိမ်မှစီးကျလာတဲ့ပီတိလေးတွေကိုသမီးလေးမသိအောင်ခိုးခိုးသုတ်နေမိသည်။
မနေ့ညကတည်းကသမီးလေးကိုစစ်တွေသို့ပို့မည်ဖြစ်ကြောင်းဖုန်းဆက်ထားတော့သူသင်္ဘောဆိပ်ကိုရောက်နေရောမယ်။ထွေးထွေးနဲ့သမီးလေးပန်းသဇင်ကိုစောင့်နေလိမ့်မည်။ဓာတ်ပုံထဲမှာမြင်ဖူးတာမကြာသေးပေမယ့်အပြင်မှာလူချင်းမတွေ့တာနှစ်(၂၀)လောက်ကြာပြီဆိုတော့မြင်ရင်ကောထွေးထွေးသူ့ကိုမှတ်မိနိုင်ပါတော့မလား။သူကကောထွေးထွေးကိုမှတ်မိပါတော့မလား။ထွေးထွေးစဉ်းစားရင်းစိတ်လှုပ်ရှားနေမိသည်။
တစ်ရွာတည်းနေ၊တစ်ရည်တည်းသောက်၊တူတူကစား၊တူတူစားလာခဲ့တဲ့သူတွေ။ထွေးထွေးဘဝမှာသူကအမြဲတမ်းတစ်နေရာကိုဝင်ယူထားတယ်ဆိုတာထွေးထွေးအသိဆုံး။သူ့အတွက်ရင်မောခဲ့ရတဲ့အချိန်တွေ၊သူ့အတွက်ပင်ပန်းခဲ့ရတဲ့အချိန်တွေကိုထွေးထွေးဘယ်အချိန်၊ဘယ်ခါများမေ့လို့ရမှာတဲ့လေ။
"မေမေ..မေမေ"
"အင်း..ဘာလဲသမီး"
"သင်္ဘောကဆင်းရအောင်။လူတွေလည်းအဆင်းပါးသွားပြီ"
"အေး..အေး..ဆင်းကြမယ်"
အထုပ်အပိုးတွေကိုကိုင်ရင်းသင်္ဘောကဆင်းလာတော့မျက်ဝန်းတစ်စုံကသူတို့သားအမိကိုကြည့်နေတယ်ဆိုတာထွေးထွေးအတတ်သိသည်။ပြီးတော့အဲမျက်ဝန်းမှာမိုးတွေရွာနေလိမ့်မည်။ဘေးပတ်ဝန်းကျင်ကိုအသာငဲ့စောင်းကြည့်လိုက်တော့ဟော...တွေ့ပါပြီ။ဒီမျက်ဝန်းကိုထွေးထွေးဘယ်တော့မှမမေ့။ပုံစံတွေဘယ်လိုပြောင်းပြောင်းဒီမျက်ဝန်းနဲ့ဒီခံစားမှုဟာထွေးထွေးကိုလိမ်လို့မရနိုင်။သို့သော်ပြုံးမပြ၊မဲ့မပြဘဲသမီးခေါ်ထားတဲ့ကားပေါ်ကိုတက်လိုက်သည်။
အခြေအနေကိုနှစ်ယောက်သားနားလည်ထားသည်။ထွေးထွေး၏ရင်ထဲကဆန္ဒအတိုင်းသာဆိုလျှင်သူ့ကိုပြေးဖက်လိုက်ချင်သည်။အလွမ်းတွေသီဖွဲ့ပြီးခံစားချက်များကိုဖွင့်လိုက်ချင်သည်။ဒါပေမယ့်..ဒါပေမယ့်လေ..။သူငယ်ချင်းအရင်းခေါက်ခေါက်တစ်ယောက်ကိုတွေ့ပါရက်နဲ့နှုတ်မဆက်ရဲ့တဲ့၊သမီးတစ်ယောက်ကိုမြင်ပါရက်နဲ့ပြေးမဖက်ရဲတဲ့သူ့ရဲ့ဘဝကိုဘယ်လိုနားလည်ရပါ့မလဲလေ။သူ့အတွက်ရင်နာလိုက်တာ။ရင်မောလိုက်ရတာ။ဒီဘဝဒီမျှနဲ့ကျေပါစေတော့အေးမြရယ်...။အတိတ်ဆိုတာကိုသာပြန်ပြင်လို့ရရင်ပြင်လိုက်ချင်သည်။အတိတ်ပန်းချီကားကိုအသစ်တစ်ဖန်ပြန်ဆွဲလိုက်ချင်သည်။အေးမြဆိုတဲ့မိန်းမသားတစ်ယောက်ရဲ့ဘဝကိုပြန်ရေးခွင့်ပြုပါလောကကြီးရယ်....။
.................×.................×................×...............
(၃)
"ဘာ..."
ထွေးထွေးအသံကဟိန်းထွက်သွားသည်။ဒေါသထက်အံ့ဩတုန်လှုပ်သွားခြင်းဖြစ်သည်။
"ဘာ..ဘာပြောတယ်အေးမြ"
"ဟုတ်တယ်ဟာ..ငါ့မှာကိုယ်ဝန်ရှိနေပြီ"
"မိုက်လိုက်တာ..အေးမြရယ်။ဒါကိုကိုမျိုးသူကသိလား"
"ဘယ်သိမှာလဲဟ..သူမှမရောက်သေးတာနင်လည်းသိသားနဲ့"
ဟုတ်ပါတယ်။ကိုမျိုးသူဒီရွာကိုမရောက်တာခုဆိုသုံးလကျော်ရောမယ်။ကိုမျိုးသူကကုန်သည်တစ်ဦး။ပခုက္ကူဖက်ကလို့တော့သူပြောလို့သိရတာပါ။ဒီရွာကိုအဝတ်အထည်၊စောင်၊အိုးခွက်၊ပန်းကန်ကအစသနပ်ခါးတုန်း၊မိတ်ကပ်အထိလှည့်လည်ရောင်းချရင်းရောက်လာတဲ့အထုပ်သည်။ဒီရွာကိုမကြာမကြာလာရောင်းရင်းအေးမြနဲ့တွေ့ပြီးချစ်ကြိုက်ခဲ့တာထွေးထွေးသိသည်။ထွေးထွေးတောင်အောင်သွယ်ပေးလိုက်သေးသည်။ခုလောက်ထိဖြစ်မည်မှန်းထွေးထွေးမသိရိုးအမှန်ပါ။ခုတော့ဘယ်လိုလုပ်ရပါမလဲ။ရင်မောလိုက်ရတာအေးမြရယ်။
"နင်ဘယ်လိုလုပ်မယ်စဉ်းစားထားလဲအေးမြ"
"ငါတော့ဒုက္ခရောက်ပါပြီဟာ..အီး..ဟီး...."
စကားကိုပြန်မဖြေဘဲငိုနေသောအေးမြကိုကြည့်ရင်းထွေးထွေးဒေါသထွက်မိသည်။
"ခုမှငိုမနေနဲ့တော့..ကိုမျိုးသူအလာကိုစောင့်ပြီးအကျိုးအကြောင်းပြောရတာပေါ့"
အေးမြဆီမှဘာအသံမှထွက်မလာ။တစ်ခုခုကိုစဉ်းစားနေတာလား၊နောင်တရနေတာလားဆိုတာထွေးထွေးမခန့်မှန်းနိုင်။ထွေးထွေးသိတာတစ်ခုတော့ရှိသည်။အေးမြဟာထွေးထွေးရဲ့ညီအစ်မလိုချစ်ရတဲ့သူငယ်ချင်း။အေးမြမှာမိဘတွေမရှိတော့သလိုထွေးထွေးမှာလည်းမရှိတော့။အေးမြကဆင်းရဲတဲ့အဖွားနဲ့နေသလိုထွေးထွေးကပြည့်စုံတဲ့အဖွားနဲ့နေရတယ်။မိဘမဲ့ချင်းဘဝတူတွေဆိုတော့ပိုပြီးတစ်ယောက်ကိုတစ်ယောက်ဖေးမကြသည်။တိုင်ပင်ဖော်၊တိုင်ပင်ဖက်နေခဲ့သည်။ငါးရှာ၊ဟင်းခူး၊ပျိုးစိုက်၊မြက်နင်းစတဲ့အချိန်တိုင်းမှာအေးမြနဲ့ထွေးထွေးကတပူးပူးတွဲတွဲရယ်ပါ။
ဆိုးတူကောင်းဖက်သူငယ်ချင်းတစ်ယောက်ခုလိုဒုက္ခဖြစ်နေတော့ထွေးထွေးရင်ထဲမှာတကယ်မကောင်း။ကာယကံရှင်လောက်မခံစားရဆိုပေမယ့်ထွေးထွေးကထပ်တူပြုလိုက်ချင်သည်။အေးမြဘဝကိုထွေးထွေးကိုယ်ချင်းစာသည်။အေးမြဘဝကိုလှပစေချင်သည်။အဆင်ပြေစေချင်သည်။ရင်ထဲမှာတော့ကိုမျိုးသူတစ်ယောက်အမြန်လာပါစေလို့သာအကြိမ်ကြိမ်ဆုတောင်းနေမိတော့သည်။
...............×.................×................×.................
(၄)
အချိန်ကသုံးလ၊လေးလသာကြာသွားသည်။ထွေးထွေး၏ဆုတောင်းပြည့်မလာခဲ့သလိုကိုမျိုးသူတစ်ယောက်လည်းပေါ်မလာခဲ့ချေ။ပြဿနာကလည်းဖုံးမနိုင်၊ဖိမရပေါ်ထွက်လာခဲ့သည်။တစ်ရွာလုံးကတံထွေးတွေအေးမြဆီကိုလာပုံတော့ထွေးထွေးရင်ကျိုးရသည်။နှလုံးသားတို့တစ်စစီကြေပွရသည်။စိတ်ထင်ရာမလုပ်ဖို့လည်းအေးမြကိုနားချရသည်။ထွေးထွေးပြောနေသည့်ကြားကအေးမြဘယ်လိုစိတ်ကူးပေါက်လာသည်မသိ-
"အထွေး...ငါ..ကိုမျိုးသူကိုလိုက်ရှာမယ်ဟာ"
အေးမြ၏အသံကအားမပါလှ။သို့သော်ဆုံးဖြတ်ချက်တစ်ခုကိုချမှတ်ထားသည့်ပုံစံမျိုးဖြစ်နေသည်။
"နင်ကဘယ်မှာသွားရှာမှာလဲ။နင့်ကောင်ကပခုက္ကူဖက်ကလို့ပဲပြောခဲ့တာ။ဘယ်မှာနေမှန်းလည်းမသိ။ဗိုက်တစ်လုံးနဲ့သွားရေးလာရေးကော၊ပြီးတော့ဗမာပြည်ဖက်ကိုရောက်ဖူးတာလည်းမဟုတ်ဘဲနဲ့..စဉ်းစားပါအုံးဟာ"
"ငါမရှာလို့မရဘူးဟာ..ငါ..ဒီရွာမှာလည်းမနေချင်တော့ဘူး။ကိုမျိုးသူကိုရှာမယ်။ငါ့ကိုတစ်ခုတော့ကူညီပါဟာ"
"အကူအညီဆိုတာနင်နဲ့ငါကြားမှာပြောစရာမလိုတာနင်သိပါတယ်အေးမြရယ်။နင်လိုအပ်တာငါလည်းသိတယ်။သွားလာဖို့စရိတ်ငါပေးလိုက်မယ်။ဒါပေမယ်..ဘာပဲဖြစ်ဖြစ်ငါ့ဆီကိုအကြောင်းကြားပါ။နောက်ဆုံးငါတို့ဆီကိုပြန်လာခဲ့ပါသူငယ်ချင်းရယ်.."
အေးမြဘာစကားမှပြန်မဆိုခဲ့။ထွေးထွေးပေးတဲ့ငွေကိုယူပြီးထွေးထွေးကိုနှုတ်ဆက်ခဲ့သည်။အေးမြရဲ့မျက်နှာမှာယုံကြည်မှုလေလား။အချစ်ရဲ့ဒဏ်ရာတွေလားဆိုတာထွေးထွေးမသိ။မျက်ဝန်းအိမ်မှာမျက်ရည်စက်တို့ဝေနေပေမယ့်အေးမြအတွက်ဆုတောင်းပေးနေမိသည်။သူငယ်ချင်းအေးမြတစ်ယောက်သွားလေရာမှာခလုပ်မထိ၊စူးမငြိဘဲအဆင်ပြေပါစေ။ချစ်သူနဲ့အတူဆုံပြီးဘဝကိုအေးအေးချမ်းချမ်းဖြတ်သန်းနိုင်ပါစေ။အေးမြ..နင့်ဘဝလေးသာယာလှပပါစေဟာ...။
................×..............×...............×....................
(၅)
"အထွေး...အထွေး"
ထွေးထွေးနားထဲမှာခေါ်သံတစ်ခုကြားလိုက်သည်။အသံကအေးမြအသံ။ရက်တွေလတွေကြာခဲ့ပေမယ့်အေးမြကိုထွေးထွေးတစ်နေ့မှမေ့လို့မရ။အေးမြတစ်ယောက်အဆင်များပြေနေမလား။ဒုက္ခများရောက်နေလား။ထွေးထွေးအစိုးရိမ်ကြီးစိုးရိမ်ခဲ့သည်။အိပ်မက်တွေလည်းမကြာမကြာမက်ခဲ့ပြန်သည်။ခုလည်းနားထဲမှာထွေးထွေးကိုခေါ်သံလိုလိုကြားလိုက်သည်။မျက်လုံးကိုအားစိုက်ဖွင့်လိုက်ပြီးအနားမှာရှိတဲ့ဓာတ်မီးနဲ့နာရီကိုကြည့်တော့ဆယ့်တစ်နာရီခွဲနေပြီ။ညည့်နက်ပါပကောလား။
"အထွေး..အထွေး..ငါပါဟ"
"အေးမြလား.."
ထွေးထွေးအံ့ဩစွာဖြင့်ပြန်မေးမိသည်။အိပ်မက်မဟုတ်။တကယ်အေးမြခေါ်သံ။
"အဲ..ငါပါ"
"ငါလာပြီ..ငါလာပြီ"
ထွေးထွေးလက်နှိပ်ဓာတ်မီးကိုယူပြီးအောက်ကိုဆင်းလာလိုက်သည်။ပြီးတော့အိမ်ရှေ့တံခါးကိုဖွင့်ပြီးအေးမြတို့ကိုအိမ်ထဲသို့ခေါ်လာခဲ့သည်။အေးမြတို့မှာအေးမြနဲ့ရွယ်တူကောင်မလေးတစ်ယောက်၊ယောင်္ကျားတစ်ယောက်၊အိပ်နေတဲ့နို့စို့အရွယ်ကလေးတစ်ယောက်၊စုစုပေါင်းလေးယောက်ဖြစ်သည်။ထွေးထွေးအံ့လည်းအံ့ဩ၊ဝမ်းလည်းဝမ်းသာသလိုခံစားမိသည်။ပြီးတော့ဘာကြောင့်မှန်းမသိစိတ်ထဲမှာစိုးတထိတ်ထိတ်ခံစားမှုတစ်ခုကတိုးဝင်လာသည်ဟုထွေးထွေးထင်မိသည်။
"ထွေးထွေး..အဖွားကောနေကောင်းလား"
"အင်း..အင်း..နေကောင်းတယ်"
ထွေးထွေး၏စိတ်ကပစ္စုပ္ပန်နဲ့အစေးမကပ်ချင်။အံ့ဩမှု၊ဝမ်းသာမှု၊စိုးထိတ်မှုတို့ကထွေးထွေးကိုဖုံးလွှမ်းထားသည်။အေးမြ၏မျက်နှာကယခင်ကထက်နုပျိုနေသည်ဟုထွေးထွေးထင်သည်။ပြီးတော့ဆံပင်ပုံစံပြောင်းနေသည်။မျက်လုံးများကရဲတင်းမှုကိုပြနေသလိုလို။ထွေးထွေးစဉ်းစားမရ။ခဏနေတော့အေးမြကစကားစသည်။
"နင်..ငါ့ကိုတစ်ခုကူညီပါလားဟာ"
အေးမြအသံကတကယ့်အကူအညီတောင်းသံ။အားကိုးလိုမှု၊ယုံကြည်မှုတို့ပါနေတယ်ဆိုတာထွေးထွေးသိသည်။အေးမြ၏မျက်ဝန်းမှလည်းအကူအညီတောင်းခံနေသည်။ပထမအိမ်ထဲကိုဝင်လာတဲ့မျက်လုံးနဲ့မတူတော့။ထွေးထွေးစိတ်ထဲမှာအေးမြကိုသနားမိပြန်သည်။ညီအစ်မလိုနေလာခဲ့တဲ့သံယောဇဉ်၊ဆိုးတူကောင်းဖက်နေခဲ့တဲ့အချိန်တွေကထွေးထွေးရင်ကိုကရုဏာတရား၊မေတ္တာတရားတို့စီးဝင်စေသည်။
"ဘာကူညီရမှာလဲ..ငါကူညီဖို့အသင့်ပါဟာ"
ထွေးထွေးပြန်ဖြေတော့အေးမြကသူ့ရင်ခွင်မှာအိပ်နေတဲ့ကလေးကိုငုံ့ကြည့်ရင်းထွေးထွေးလက်ထဲသို့ကမ်းပေးသည်။ပြီးတော့...
"ဒီကလေးဟာ..ငါ့ကလေးပါအထွေး။နင်ဒီကလေးကိုလူဖြစ်အောင်မွေးစားပေးပါဟာ။နင့်ကလေးအဖြစ်နဲ့ထားပေးပါ။နင့်ကိုဒုက္ခပေးသလိုဖြစ်နေရင်းလည်းငါ့ကိုခွင့်လွှတ်ပြီးကူညီပေးပါတော့ဟာ။ငါက..ငါ့ဘဝကိုငါကျောင်းရအုံးမယ်။နက်လက်ခံတယ်ဆိုရင်ငါတို့သွားတော့မယ်။"
"လက်ခံပါတယ်ဟာ။ဒါနဲ့ငါမေးစရာတွေရှိတယ်။မနက်မှသွားပါလား"
"နင်ဘာမေးမလဲဆိုတာငါသိနေတယ်။သိရမှာပေါ့ဟာ..။ခုတော့ငါသွားလိုက်တော့မယ်။ကျေဇူးအထူးပါ..အထွေးရယ်"
အေးမြကအထွေးကိုပြောရင်းကလေး၏ပါးပြင်ကိုဘယ်ပြန်၊ညာပြန်နမ်းရှိုက်လိုက်သည်။အေးမြရင်ထဲမှာငိုနေတယ်ဆိုတာထွေးထွေးအလိုလိုသိနေသည်။မိခင်တစ်ယောက်၏နှလုံးသားကိုထွေးထွေးနားလည်သည်။ဒါပေမယ့်ဘာကြောင့်ခုလိုလုပ်ရတာလဲ..အေးမြရယ်။ဘာကြောင့်များလဲဟာ..။
"သွားတော့မယ်နော်..အထွေး"
"အင်း"
ထွေးထွေးစကားအရှည်မပြောလိုတော့။ရင်ထဲမှာအတွေးပေါင်းမြောက်များစွာနဲ့အေးမြတို့ကျောပြင်ကိုကြည့်ရင်းရင်ခွင်ထဲမှကလေးကိုပွေ့ဖက်ထားလိုက်သည်။ဘဝတွေဘယ်လောက်များခက်ခဲနေတာလည်းအေးမြရယ်။ဘာတွေလုပ်လို့ဘာများဖြစ်နေတာလဲ။ဘာကြောင့်..ဘာကြောင့်ဆိုတဲ့အတွေးများကထွေးထွေးကိုထပ်ခါထပ်ခါမေးနေတော့သည်။
.................×..............×..............×...................
(၆)
သမီးလေးပန်းသဇင်(၉)တန်းရောက်တော့ရွာကနေပြီးမြောက်ဦးကိုပြောင်းလာသည်။သမီးလေးကိုစာသင်ဖို့တစ်ခုတည်းအတွက်ရယ်ပါ။အဖေအမေနဲ့အဖွားတို့မှာကျန်ခဲ့တဲ့လယ်အချို့ကိုရောင်းပြီးမြို့သို့တက်လာခြင်းဖြစ်သည်။အေးမြဆီကလည်းသမီးလေးအတွက်နှစ်လ၊သုံးလတစ်ခါကျငွေပို့ပါရဲ့။မယူချင်ပေမယ့်လူကြုံနဲ့ပို့တာဆိုတော့မယူလို့ကမဖြစ်။အေးမြအကြောင်းကိုမေးသော်လည်းဘာမှစုံစမ်းလို့မရ။ငွေပို့လူကြုံလာတိုင်းလည်းမေးသည်။မရ။ထွေးထွေးနေ့တိုင်းလိုလိုအေးမြအကြောင်းကိုစဉ်းစားမိသည်။သတိရမိသည်။သူငယ်ချင်းတစ်ယောက်ကျန်းမာပါစေလို့ဆုတောင်းရတာအခါခါရယ်ပါ။အဖွားမဆုံးမီထွေးထွေးကိုအိမ်ထောင်ချပေးချင်ခဲ့ပေမယ့်ထွေးထွေးလက်မခံခဲ့။သမီးလေးပန်းသဇင်ကိုမျက်နှာမငယ်စေချင်။သမီးလေးကလည်းထွေးထွေးကိုအမေလို့ပဲသိထားတာကို။ဒီသမီးလေးအတွက်၊ဒီသမီးလေးဘဝလှပဖို့ပဲထွေးထွေးစဉ်းစားမိသည်။
"ထွေးထွေး..ထွေးထွေး"
"ဟုတ်ကဲ့..လာပါပြီ"
ထွေးထွေးအိမ်ပြင်ကိုထွက်ကြည့်တော့ခါတိုင်းငွေပို့နေကျဦးဖိုးထူးဆိုတဲ့လူကြီးဖြစ်သည်။
"ငွေလာပို့တာလားရှင့်"
"အေး..ကလေးမ..ဒီတစ်ခါစာလည်းတစ်စောင်ပါလေရဲ့"
"ဟုတ်ကဲ့ဦးလေး..ကျေးဇူးပါနော..သူကနေကောင်းလားဟင်"
"အင်း..နေကောင်းမှာပါ"
ဦးဖိုးထူးကငွေပေးပြီးရင်းထွက်သွားတော့သည်။ထွေးထွေးကတော့ငွေထက်စာကိုစိတ်ဝင်စားမိသည်။တစ်ခါမှစာမထည့်ဖူးတဲ့အေးမြ။ခုတစ်ခါစာနဲ့ပေနဲ့ဆိုတော့တစ်ခုခုထူးခြားမည်။အိပ်ခန်းကိုရောက်တော့စာအိပ်ကိုအမြန်ဖောက်ဖတ်လိုက်သည်။
သို့...
အထွေး
နင်နေကောင်းပါတယ်နော်။သမီးလေးလည်းဒီနှစ်ကိုးတန်းတက်ရတော့မယ်။နင်တို့မြောက်ဦးကိုပြောင်းလာပြီလို့လည်းငါသိတယ်။ငါလည်းအဆင်ပြေတယ်။
နင်အရမ်းသိချင်တဲ့မေးခွန်းကိုငါဖြေပေးပါမယ်။ငါ..နင့်ကိုပြောမလို့လုပ်တိုင်းမဝံ့မရဲဖြစ်မိခဲ့တယ်။နင့်ကိုအားလည်းနာမိတယ်။ရှက်လည်းရှက်မိတယ်။ကိုယ့်ကိုကိုယ်လည်းစိတ်မသန့်ဘူးဟာ။ဒါကြောင့်မပြောပဲထားခဲ့တာပါ။ခုတော့နင့်ကိုငါပြောပြတော့မယ်နော်။
ငါကိုမျိုးသူနဲ့ပခုက္ကူမှာတွေ့ခဲ့တယ်။သူ့မှာဇနီးနဲ့သားရှိတယ်။သူ့အသိုက်အမြုံလေးကိုငါမပျက်စီးစေချင်ဘူးဟာ။သူငါ့ကိုကြောရရုံကြံပေမယ့်ငါ့နှလုံးသားကသူ့မိသားစုတစ်ခုလုံးပျက်စီးစေရလောက်အောင်မဝံ့ရဲဘူး။ဒီတော့ငါ..ရန်ကုန်ကိုရောက်ခဲ့တယ်။အဲမှာရိုစီဆိုတဲ့မိန်းမကြီးတစ်ယောက်ကငါ့ကိုကလေးမွေးဖွားဖို့၊နေဖို့၊စားဖို့အစစအရာရာကူညီပေးခဲ့တယ်။ဒါပေမယ့်ကံကောင်းမှုတစ်ခုနောက်မှာကံဆိုးမှုးတစ်ခုကပါနေရောလားမသိဘူးအထွေးရယ်။အဲရိုစီဆိုတဲ့မိန်းမကမိန်းမကောင်းတစ်ယောက်မဟုတ်ပြန်ဘူး။နင်နားလည်အောင်ပြောရရင်ခန္ဓာကိုယ်ကိုရောင်းစားတဲ့မိန်းမတစ်ယောက်။ငါညွတ်ကွင်းထဲမှာမိခဲ့တယ်။သူ့လိုလျှောက်ခဲ့တယ်။
ငါ့ဘဝကစက်ဆုပ်စရာဖြစ်ခဲ့ပေမယ့်ငါ့သမီးလေးကိုသန့်ရှင်းစေချင်တယ်။ပညာတတ်ကြီးဖြစ်စေချင်တယ်။ငါ့အကြောင်းကိုသမီးလေးမသိစေနဲ့နော်။ဘယ်တော့မှလည်းမပြောနဲ့။သမီးလေးရဲ့အမေဟာထွေးထွေးပဲဖြစ်နေပေးပါ။
အခုငါစစ်တွေမှာကျင်လည်နေပြီ။နင်တို့နဲ့နီးလာပြီ။ငါ့နာမည်တောင်နှင်းဆိီဖြစ်ခဲ့ပြီဟာ။နင်ငါနဲ့ဆက်သွယ်ချင်ရင်၀၉........ကိုဆက်သွယ်ပါ။နောက်တစ်ခုနင်တို့ဆီမှာကမ္ဘောဇဘဏ်ရှိနေပြီလို့ကြားတယ်။ငွေပို့ရင်ကမ္ဘောဇကပို့တော့မယ်နော်။မယူပဲမနေနဲ့နော်။ငါ့အလုပ်ကမသန့်ပေမယ့်ငါ့နှလုံးသားကသန့်သန့်ရှင်းရှင်းနဲ့ငါ့သမီးလေးကိုထောက်ပံ့တာလေးပါဟာ။ဒီလောက်တော့လုပ်ပေးပါရစေ။တစ်ချိန်ချိန်နင့်ဆီကိုအပူအပင်ကင်းစွာလွတ်လွတ်လပ်လပ်နဲ့ပြန်လာခဲ့ပါမယ်။
ဒီလောက်ပါပဲ။
ကျေးဇူးအထူးပါသူငယ်ချင်း
နင့်ရဲ့တစ်ချိန်က
အေးမြ
စာကိုဖတ်ပြီးထွေးထွေး၏ရင်တစ်ခုလုံးဆို့တက်လာသည်။မျက်ရည်များစီးကျလာသည်။မဖြေဆည်နိုင်တဲ့ခံပြင်းမှု၊မကျေနပ်မှု၊အားမလိုအားမရဖြစ်မှုတို့ကထွေးထွေးရင်ကိုပူလောင်စေသည်။ဖြစ်မှဖြစ်ရလေအေးမြရယ်။လေပွေတစ်ချက်မှာကြွေလွင့်ရတဲ့ပန်းရိုင်းတစ်ပွင့်ဟာတစ်ဘဝစာဒဏ်ရာတွေနဲ့ဖြစ်ရောလား။တော်ဝင်ပန်းတစ်ပွင့်လေလွင့်ရတဲ့အဖြစ်မျိုးကိုငါဘက်မခံချင်ဘူးအေးမြရယ်။အဖူး၊အတံဝင့်ချိန်မှာစောစီးစွာနွမ်းကြွေသွားရတော့မှာလားဟာ။ရိုးသားခြင်း၊ပွင့်လင်းခြင်းဆိုတာလူလည်တွေအတွက်အခွင့်ကောင်းတစ်ရက်လား။ဒါမှမဟုတ်လောကကြီးကပဲဒဏ်ခတ်ခဲ့တာလား။ဘဝတွေ..ဘဝတွေ..ညှိုးနွမ်းရပြီ။ကြေမွရပြီ။လေလွင့်ရပြီ။
နင်ပြန်လာနိုင်အောင်ငါဘာကူညီပေးရမလဲ။နင်ဘာလိုအပ်လဲ။နင်နိုးထကိုနိုးထစေရမယ်။နင့်ကိုအလင်းဆီသို့ခေါ်ခွင့်ရှိပါစေအေးမြရယ်။နင့်ကိုနင်ကျင်လည်နေတဲ့ဘဝမျိုးကကယ်တင်မယ်။ထွေးထွေးဆုံးဖြတ်ချက်တစ်ခုကိုပိုင်ပိုင်နိုင်နိုင်ချမှတ်လိုက်သည်။
............×...............×.................×...................
(၇)
မွေးသမိခင်တစ်ယောက်ပြော၍သာထွေးထွေးယုံလိုက်ရခြင်းဖြစ်သည်။ကြားခါစကသိပ်လက်မခံချင်။သမီးလေးပန်းသဇင်စစ်တွေမှာကျောင်းတက်တာနှစ်နှစ်ရှိခဲ့ပြီ။ခုလိုတစ်ခါမှမကြားဖူးခဲ့။ဆယ်တန်းအောင်ပြီးတက္ကသိုလ်ကျောင်းသူလည်းဖြစ်နေပြီဆိုတော့ထွေးထွေးကသမီးလေးကိုစိတ်ချမိသည်။ယုံလည်းယုံကြည်မိသည်။မိမိတို့မရောက်နိုင်ခဲ့တဲ့တက္ကသိုလ်ကိုသမီးတက်ခွင့်ရနေပြီ။ပြီးတော့သမီးလေးကိုအေးမြကလည်းအဝေးတစ်နေရာကစောင့်ရှောက်နိုင်နေပြီ။အမေနဲ့သမီးတူတူမနေရပေမယ့်အမေတစ်ယောက်ရဲ့မျက်စိအောက်မှာဆိုတော့ထွေးထွေးသမီးလေးကိုစိတ်ချခဲ့သည်။ခုတော့..အမေဖြစ်သူကထွေးထွေးဆီကိုဖုန်းဆက်သတိပေးနေပြန်သည်။
သမီးလေးမှာချစ်သူရှိနေပြီတဲ့။နာမည်ကဝေယံတဲ့။သူကတက္ကသိုလ်ကျောင်းသားဆိုပေမယ့်အေးမြတို့ရဲ့ဖောက်သည်တစ်ဦးတဲ့။မိန်းမအကြောင်းနောကျေတယ်တဲ့။သူ့ကြောင့်ဒူးနဲ့မျက်ရည်သုတ်ခဲ့ရတဲ့မိန်းကလေးတွေလည်းမနည်းတော့ဘူးတဲ့။ပိုက်ဆံရှိတော့အရာအရာကိုပပိုက်ဆံနဲ့ဖြေရှင်းနေတာတဲ့။ဘယ်လိုများပါလိမ့်သမီးရယ်။အချစ်ဆိုတာကိုးကွယ်စရာတစ်ခုမဟုတ်ဘူး။အချစ်ရဲ့နောက်မှာပါလာတဲ့ဂယက်တို့ကဘဝကိုပြောင်းလဲနိုင်သည်။မသန့်စင်တဲ့အချစ်ဟာအမှောင်ကမ္ဘာတစ်ခုရယ်ပါ။ထွေးထွေး..သမီးလေးအတွက်စိတ်ပူရင်း၊ဒေါသထွက်ရင်းဖုန်းကိုကောက်ကိုင်လိုက်သည်။
"ဟဲလို.."
တစ်ဖက်ကသမီးဘေး၏ဖုန်းကိုင်သံကိုကြားတော့ထွေးထွေးစိတ်မှာဒေါသစိတ်တွေကပြေလျော့ရသား။
"သမီး..နေကောင်းလား"
"နေကောင်းပါတယ်..အမေ။အမေကော"
သမီးလေးပန်းသဇင်၏အသံကတက်ကြွလန်းဆန်းနေသည်ဟုထွေးထွေးထင်မိသည်။သမီးလေးပျော်နေတာလား။
"နေကောင်းတယ်သမီးရဲ့။အမေလေ..သမီးကိုပြောစရာရှိလို့"
"ဘာပြောမှာလည်းအမေ..ပြောလေ"
သမီးကရဲရဲတင်းတင်းပြောဝံ့ပေမယ့်ထွေးထွေး၏ရင်ထဲမှာတော့မတင်မကျနဲ့တစ်ခုခုလိုအပ်နေသလိုခံစားမိသည်။
"အမေ..ပြောလေ"
"အင်..သမီးမှာချစ်သူရှိနေပြီဆို.."
သမီးအသံတိတ်ဆိတ်သွားသည်။အံ့ဩနေတာလား၊ဝန်ခံနေတာလား၊ဆူမှာကိုကြောက်နေတာလားဆိုတာထွေးထွေးစဉ်းစားမရ။
"အဲကောင်လေးက..မကောင်းဘူးတဲ့သမီး..အဆက်အသွယ်ဖြတ်လိုက်ပါလား..သမီးရယ်"
"ကိုဝေယံကဘာမကောင်းတာလဲအမေ။သူကတက္ကသိုလ်ကျောင်းသား။သူ့အဖေနဲ့အမေကဒီမြို့မှာနာမည်ကြီးတွေ။ပိုက်ဆံလည်းချမ်းသာတယ်။အဆင့်အတန်းလည်းရှိတယ်။တစ်ဥိးတည်းသောသားဆိုတော့နည်းနည်းအလိုလိုက်ခံရတာတစ်ခုလေးရယ်ပါအမေ။အမေတွေ့ချင်ရင်သူနဲ့တွေ့ပေးမယ်လေ.."
သမီးလေး၏စကားများကထွေးထွေးကိုပိုပြီးမှင်တက်စေသည်။သမီးလေးဟာအချစ်တစ်ခုကိုသာမြင်တော့သည်။အချစ်ထဲမှာနစ်မွန်းနေပြီလို့ထွေးထွေးခံစားမိသည်။
"မဟုတ်ဘူးသမီး..အဆက်ဖြတ်လိုက်ပါသမီးရယ်"
"အမေကလည်း..အကြောင်းပြချက်မရှိဘဲနဲ့..ဘာမှန်းလဲမသိတော့ဘူး..နောက်မှပြောတော့မယ်အမေ..သမီးအတန်းဆက်ရတော့မယ်"
သမီးဖုန်းကို့လျင်စလိုချသွားသည်။ထွေးထွေးရှင်းမပြတတ်တာလည်းပါမည်။ဘယ်လိုရှင်းပြရမလဲလို့လည်းထွေးထွေးမသိ။သမီးအတွက်ရင်လေးမိသည်။ဘဝတစ်ခုကိုပေါ့ပေါ့တန်တန်သဘောမထားသင့်ဘူးဆိုတာသမီးလေးနားမလည်သေးဘူးလားကွယ်..။
"ဟူး..."
ထွေးထွေးသက်ပြင်းရှည်တစ်ချက်ထုတ်လိုက်သည်။သမီးဘဝနောင်ရေးအတွက်စဉ်းစားရင်းထွေးထွေးရင်မောရသည်။ပန်းကလေးတစ်ပွင့်ဖူးတံဝင့်ချိန်မှာနေရောင်ခြည်အနွေးဓာတ်နဲ့အတူရွှေရည်လောင်းပေးပြီးအဖျက်ပိုးမွှားတို့ကိုကာကွယ်ရမည်ဆိုတာထွေးထွေးနားလည်သည်။ဒါပေမယ့်တက္ကသိုလ်ကျောင်းသူုဖြစ်တဲ့သမီးကိုမူလတန်းအဆင့်သာရှိတဲ့အမေကဘယ်လိုပြောပြရမှာလဲ။နောင်ဖြစ်လာမည့်အရေးကိုတွေးပြီးထွေးထွေးအသက်ရှူကျပ်ရပြန်သည်။သမီးလေးဘဝအနာဂတ်ကိုရွှေရောင်လွှမ်းစေချင်တယ်သမီးရယ်...။
................×...............×.............×....................
(၈)
"တီး...တီိး......တီိး......."
"ဟဲလို..ထွေးထွေးပြောနေပါတယ်"
"ဟုတ်ကဲ့..စစ်တွေအမှတ်(၁)ရဲစခန်းကပါ။ဒေါ်နှင်းဆီဆိုတဲ့အမျိုးသမီးရဲ့ပိုက်ဆံအိတ်ထဲကဖုန်းနံပါတ်ရလို့ဆက်တာပါ။ဒေါ်နှင်းဆီနဲ့ဒေါ်ထွေးထွေးသိပါသလား"
"ဟုတ်ကဲ့သိပါတယ်။ကျွန်မသူငယ်ချင်းပါ။သူဘာဖြစ်တာလဲရှင့်"
"ဟုတ်ကဲ့..သူဆုံးသွားပါပြီ။သူနဲ့အတူဝေယံဆိုတဲ့ကောင်လေးတစ်ယောက်ပါအသက်ဆုံးနေတာကိုတွေ့ရပါတယ်။တစ်ယောက်ကိုတစ်ယောက်အသေသတ်ရင်းသေသွားကြတယ်လို့လောလောဆယ်သိရပါတယ်။ဒေါ်ထွေးထွေးအနေနဲ့သိသလောက်ကျွန်တော်တို့ကိုကူညီပါ"
"ဟုတ်ကဲ့.."
ကမ္ဘာကြီးတစ်ခုလုံးအိုးထိမ်းစက်ပမာချာချာလည်နေသည်ဟုထွေးထွေးထင်သည်။ဦးနှောက်ထဲမှာအမှောင်ကမ္ဘာတစ်ခုဆီရောက်သွားသလို။ရင်တစ်ခုလုံးလည်းပွင့်ထွက်မတတ်နာကျင်လှသည်။ဘာတွေဖြစ်လို့ဘာဖြစ်နေလဲဆိုတာထွေးထွေးမသိတော့။ထွေးထွေးနားလည်လိုက်တာအေးမြဆုံးပြီ။ဝေယံဆိုတဲ့ကောင်လေးလည်းမရှိတော့။ဒါဟာအမေတစ်ယောက်ကသူ့ရဲ့သမီးအပေါ်ထားတဲ့မေတ္တာတရားကြောင့်လား။သူခံစားခဲ့ရသလိုသမီးကိုအဖြစ်မခံချင်သောစိတ်၊သမီးဘဝသာယာတင့်တယ်ဖို့အဖျက်ပိုးတစ်ကောင်ကိုနှိမ်နှင်းလိုက်ခြင်းလား။အော်..အေးမြရယ်။နင့်နှလုံးသားကိုငါမြင်နိုင်တယ်ဟာ။နင့်ခံစားချက်ကိုငါသိနေတယ်။ဒါပေမယ့်ဒီလိုနည်းလမ်းတစ်ခုသာကှိလို့လား။ငါဘာမှမပြောချင်တော့ဘူးဟာ။ရောက်လေရာဘဝမှာအေးချမ်းသာယာနိုင်ပါစေ..အေးမြရယ်။
"ပန်းကလေးများပွင့်တော့မည်
ဖူးတံဝင့်လို့ချီ
နေခြည်မှာရွှေရည်လောင်း
ငါတို့စာသင်ကျောင်း...။"
ပန်းကလေးများပွင့်တော့မည်။အဖူး၊အတံတွေဝင့်နေကြပြီ။ဒါပေမယ့်နေရောင်ခြည်အနွေးဓာတ်အောက်မှာရွှေရည်လောင်းခံရသောပန်းကလေးများ၊ရွှေရည်အလောင်းမခံရသောပန်းကလေးများကားဤလောက၊ဤကမ္ဘာမြေ၌အမှန်ရှိနေကြတော့သည်။
အဘာသား
