တစ်ဒင်္ဂ

      သုံးလိပ်မြောက်ဆေးလိပ်ကိုမီးညှိလိုက်သည်။စဉ်းစားလေလေမွန်းကျပ်လေလေ။ဆရာဝန်ကသူ့ကိုဆေးလိပ်မသောက်ပါနဲ့တဲ့။သူဆက်သောက်ဖြစ်သည်။ဆေးလိပ်ကိုကြိုက်၍တော့မဟုတ်။သို့သော်ဆေးလိပ်သောက်ရင်းစဉ်းစားဆုံးဖြတ်ရသည်ကိုသဘောကျမိသည်။
         "ဟူး..."
    ဆေးလိပ်ငွေ့များနှင့်အတူသူ၏သက်ပြင်းချသံပါတစ်ပါတည်းထွက်ကျလာသည်။အခိုးအငွေ့များကားတလိပ်လိပ်တက်နေဆဲ။စိတ်အစဉ်သည်လည်းဇဝေဇဝါဖြစ်နေဆဲ။သူဆုံးဖြတ်ရန်ဝန်လေးနေမိသည်ကအမှန်။သွားရင်ကောင်းမှာလား။မသွားဘဲနေလိုက်ရမှာလား။တကယ်လို့များသူထင်ထားသလိုဖြစ်လာခဲ့လျှင်...။ရင်ဆိုင်ဖို့အင်အားသူ့မှာမရှိ။အဖေအမေကိုဘယ်လိုမျက်နှာနဲ့ပြောရပါမည်နည်း။အရှက်တကွဲအကျိုးနည်းရလိမ့်မည်။
      အမေ။မေတ္တာတရားကြီးမားသောအမေ။သူများမြို့မှာလိမ်လိမ်မာမာနေဖို့၊အရက်သေစာမသောက်ဖို့၊တွေ့တဲ့သူနဲ့သင့်အောင်ပေါင်းဖို့တတွတ်တွတ်မှာတတ်တဲ့အမေ။အမေ့ကိုဘယ်လိုမျက်နှာပြရပါမလဲ။မှတ်မိပါသေးတယ်။ဆယ်တန်းအောင်စာရင်းသိရတဲ့နေ့ကပေါ့။အဲဒီနှစ်ကသူတို့ရွာမှာဆယ်တန်းဖြေသူခုနစ်ယောက်မှာသုံးယောက်ပဲအောင်တယ်။သူကဂုဏ်ထူးတောင်နှစ်ဘာသာပါသေးတော့ရွာမှာမျက်နှာအရှိဆုံး။မျက်နှာအပွင့်ဆုံး။အမေရဲ့မျက်နှာကပြီးပြည့်စုံသောလမင်းကြီးပမာကြည်လင်တောက်ပလို့။မိတ်ဆွေအပေါင်းအသင်း၊ရွာသူရွာသားများကိုတောင်ထမင်းခေါ်ကျွေးတယ်။သူလည်းသူ့သူငယ်ချင်းများကိုခေါ်ပြီးအပျော်စားဖြစ်တယ်။ဆယ်တန်းအောင်တဲ့အထိမ်းအမှတ်နဲ့ရွာချက်အရက်နဲ့ကြက်ခြေထောက်တွေမြည်းပြီးပျော်ခဲ့ကြတယ်။သူတို့မူးမူးရူးရူးနဲ့ကသူက၊ဆိုသူဆိုခဲ့ကြတယ်။အမေကတော့သူ့ကိုစကားတွေပြောချင်ပေမယ့်မပြောခဲ့။နောက်တစ်နေ့မှ..
         "သား...အရက်ဆိုတာအမှားတကာတို့ရဲ့ရှေ့ပြေးဆိုတာသိရဲ့လား။အရက်သောက်ထားရင်သူတစ်ပါးကိုလိမ်ဖို့လည်းဝန်မလေး၊သူတစ်ပါးပစ္စည်းကိုခိုးဖို့လည်းဝန်မလေး၊သူတစ်ပါးအသက်ကိုသတ်ဖို့လည်းဝန်မလေး၊သူတစ်ပါးသားမယားကိုပြစ်မှားဖို့လည်းဝန်မလေးဘူး"တဲ့။ခန့်မှန်းမရနိုင်တဲ့မေတ္တာထုထည်နဲ့ဆုံးမခဲ့တဲ့အမေရဲ့စကားသံတို့ကားသူ့နားထဲမှာပဲ့တင်ထပ်နေသည်။
        ရင်တစ်ခုလုံးမွမ်းကျပ်မှုနဲ့အတူအဖေ၏မျက်နှာကိုလည်းတရေးရေးမြင်မိသည်။နွားတွေနဲ့ရုန်းကန်ရင်းလယ်ထဲမှာဘဝတစ်ခုလုံးကိုနှစ်ထားသူ။သားသမီးတို့အပေါ်တာဝန်ကျေခဲ့သူ။သူဆယ်တန်းအောင်ပြီးစစ်တွေနည်းပညာတက္ကသိုလ်တက်ခွင့်ရတော့အဖေပျော်လိုက်ပုံများ၊သားအတွက်ဂုဏ်ယူလိုက်ပုံများကစာဖွဲ့ကုန်မည်မထင်။လယ်တောထဲမှာရွှံ့တလူးလူး၊ချွှေးတလူးလူးနဲ့နေရပေမယ့်အင်ဂျင်နီယာဖြစ်လာမည့်သားအတွက်ဘယ်တော့မှမျက်နှာမညှိုးခဲ့။
       "စာကိုသာကြိုးစားစမ်းပါသားလေးရယ်။အဖေဘယ်လောက်လုပ်ရလုပ်ရသားအတွက်သေပျော်ပြီ။သားအတွက်အဖေလက်မထောင်နိုင်ပြီ"
        အဖေ၏စကားလုံးများကအားမာန်အပြည့်။သားအတွက်ဆိုလျှင်ဇွဲ၊လုံ့လ၊ဝီရိယတို့ကိုနှစ်ဆ၊သုံးဆမြှင့်တင်ခဲ့သူ။ဘယ်အချိန်ငွေမှာမှာမညည်းညူခဲ့သူ။အဖေ့ကိုသူဘယ်လိုပြန်ပြောရပါမလဲ။ဘယ်လိုရင်ဆိုင်ရပါ့မလဲ။အဖေရဲ့အိပ်မက်တွေကိုရိုက်မချိုးချင်ပါဘူး။
       ကံကြမ္မာကိုယိုးမယ်ဖွဲ့ချင်တဲ့လူသားထဲမှာသူမပါ။ကံဟူသည်အလုပ်တဲ့။မိမိပြုသောကံကမိမိကိုယ်သာသက်ရောက်မှာကိုသူသိသည်။အဖေနဲ့အမေကိုပြောဖို့ရှက်ရွံ့သလိုချစ်သူနွယ်ကိုလည်းရင်မဆိုင်ဝံ့အား။
       သူမနာမည်ကနွယ်သစ္စာ။သူမလည်းပဲသူနဲ့အတန်းတူB.E(Civil)။စစ်တွေနည်းပညာတက္ကသိုလ်မှာငါးနှစ်အတူတူဖြတ်သန်းရင်းချစ်မိခဲ့ရသူ။သူ့အပေါ်ညီမတစ်ယောက်လိုတစ်မျိုး၊အစ်မတစ်ယောက်လိုတစ်ဖုံ၊အမေတစ်ယောက်လိုလည်းဆုံးမသွန်သင်ပြတတ်သူ။နှစ်ယောက်အတူဘဝတစ်ခုကိုဖြတ်သန်းဖို့ဆုံးဖြတ်ထားခဲ့ကြတယ်။
          "အကိုရယ်...နွယ်ကတော့B.Eပြီးရင်လုပ်ငန်းခွင်ကိုဝင်ချင်တယ်။အကိုနဲ့အတူဘဝတစ်ခုကိုထူထောင်ကြမယ်လေ..."
        နွယ်၏ချစ်စဖွယ်စကားသံများကသူ၏ရင်ကိုအထပ်ထပ်အခါခါပဲ့တင်ထပ်စေသည်။ကြည်နူးခဲ့ရသောအချိန်များ။ခုတော့နွယ့်ကိုသူဘယ်လိုရှင်းပြရပါမလဲ။နွယ်ကကောခွင့်လွှတ်နိုင်ပါ့မလား။သို့လော၊သို့လောဖြင့်လည်းဘဝကိုမဖြတ်သန်းချင်။သူဆုံးဖြတ်ချက်တစ်ခုကိုမဖြစ်မနေချရတော့မည်။
         "ဟူး....."
     ဆေးလိပ်မီးခိုးငွေ့များနှင့်အတူသက်ပြင်ရှည်တစ်ချက်ပါမှုတ်ထုတ်လိုက်သည်။ပြီးတော့ဆေးလိပ်ကိုခြေဖြင့်နင်းခြေလိုက်သည်။
         "ဟိုး..ဆိုက္ကား"
     ထိုင်နေရာမှထကာဆိုက္ကားတစ်စီးကိုလက်တားလိုက်သည်။
        "ဘယ်သွားမှာလဲ...ငါ့ညီ"
        " 'ထွန်း'အထွေထွေရောဂါကုဆေးခန်း"
...............×................×................×..................
       စစ်တွေနွေရာသီအပူကပြင်းလွန်းသည်။လမ်းမပေါ်မှကတ္တရာများပင်ပျော့ပျော့ပျောင်းပျောင်းဖြစ်နေကြသည်။လူသွားလူလာလည်းမရှိသလောက်။အပူဒဏ်ကိုရှောင်နေကြခြင်းဖြစ်မည်။သို့သော်သူ၏ရင်ထဲမှအပူမီးတို့ကိုကားရှောင်လွှဲ၍မရ။ရင်ထဲမှမီးသည်အပြင်မှအပူတကာတို့ထက်ပို၍ပူလွန်းသည်ဟုသူထင်သည်။ဆိုက္ကားသမား၏မောဟစ်သံ၊ဆိုက္ကားဘီးလှိမ့်သံတို့ကသူ၏အပူကိုလောင်စာလောင်းပေးနေသည့်အလား။တစ်ဒင်္ဂဖြစ်ရပ်များသည်ဤမျှလောက်ပူလောင်ခဲ့လိမ့်မည်ဟုသူမထင်ခဲ့။တကယ်လို့သာသိခဲ့လျှင်.......။
       River Valleyစားသောက်ဆိုင်ကြီးကားလူစည်ကားနေသည်။မီးပန်းမီးဆိုင်းများဖြင့်အလှဆင်ထားသောခန်းမကြီးထဲ၌စကားပြောသံ၊ရယ်မောသံများဖြင့်အသက်ဝင်နေသည်။လူကုန်ထံအသိုင်းအဝိုင်းများ၏စားသောက်ဝိုင်းများမှစားဖွယ်စုံဟင်းလျာများ၊သောက်ဖွယ်စုံယမကာများကဈေးကြီးလွန်းမည်။Dayကျောင်းသူတစ်စု၏ဖျော်ရည်မှာသံများမှာလည်းလက်ပံပင်မှာဆက်ရက်ကျသည့်နှယ်။ဆူညံပေစွ။
        "ဘာမှာမလဲအကို"
     အနီရောင်ရှပ်အကျီင်္၊အနက်ရောင်ဘောင်းဘီအရှည်ဝတ်ဆင်ထားသောဆိုင်ဝန်ထမ်းမိန်းကလေးမှမေးလာခြင်းဖြစ်သည်။
        "Black Labelဝမ်းလီတာတစ်လုံး"
      မတုံ့မဆိုင်းဖြေလိုက်သည်ကထွန်းဝင်း။
       "ဟ..ဝမ်းလီတာဆိုတော့များမယ်နော်ကိုထွန်းဝင်း"
       "ဒီမှာ..ကျော်ကြီး၊မင်းကိုသီးသန့်ဒကာခံချင်လို့မြောက်ဦးကနေဒီအထိလာခဲ့တာ။မင်းနဲ့ငါမတွေ့တာလည်းတော်တော်ကြာပြီလေ။စကားပြောရင်းသောက်တာပေါ့။မကုန်နိုင်လည်းထားခဲ့လိုက်မယ်လေ။မဟုတ်ဘူးလား။မင်းလည်းစားချင်တာမှာလေ။"
     ထွန်းဝင်း၏စကားကိုသူပြန်မဖြေခဲ့။အမှန်တော့ထွန်းဝင်းဆိုသည်ကသူနှင်ဆယ်တန်းရောက်မှသိလာကြခြင်းဖြစ်သည်။သူ့ထက်အသက်နှစ်နှစ်လောက်ကြီးမည်။သူဆယ်တန်းရောက်တော့ထွန်းဝင်းကဆယ်တန်းမှာနှစ်နှစ်ကျဖြစ်နေပြီ။ဆယ်တန်းအောင်ပြန်တော့လည်းစင်္ကာပူလိုလို၊မလေးလိုလိုထွက်သွားသည်ဟုပြောသံသာကြားလိုက်ရသည်။ရုပ်ဖြှောင့်၊ငွေရွှင်သူတစ်ဦးဟုဆိုရမည်။
      သူတို့စကားတပြောပြောနှင့်သောက်လိုက်ကြသည်မှာအချိန်မည်မျှကုန်သွားသည်မသိ။ပုလင်းထဲမှာယမကာတစ်လက်မလောက်သာကျန်တော့သည်။ထွန်းဝင်း၏နိုင်ငံခြားအတွေ့အကြုံများ၊ငွေရှာခဲ့ပုံများကိုနားထောင်ရင်းသူကတော့စကားသိပ်မပြောဖြစ်။ဦးနှောက်ထဲမှာပြောစရာစကားများလည်းစဉ်းစားလို့မရ။ဆိုင်မှဖွင့်ထားသောသီချင်းသံများကိုပင်ကြားတစ်ချက်မကြားတစ်ချက်။
            "ကျော်ကြီး..ဟဲ့ကောင်ကျော်ကြီး..မင်းမူးနေပြီလား"
            "မမူးသေးပါဘူး..ကိုထွန်းဝင်းရာ"
     မမူးသေးပါဘူးလို့သာပြောရသော်လည်းသူကားသူ၏စိတ်ကိုထိမ်းမရချင်တော့။ရွာမှာလိုစိတ်လွတ်ကိုယ်လွတ်နေလိုက်ချင်မိသည်။ကချင်လည်းကမည်။ခုန်ချင်လည်းခုန်မည်။အိပ်ချင်လည်းအိပ်မည်။လူအများနဲ့ခုလိုဆိုင်မှာတော့သိပ်မကောင်း။
          "ကျော်ကြီး...."
         "ဘာလဲ....ကိုထွန်းဝင်း"
          "ဒီကပြီးရင်..KTVသွားရအောင်ကွာ..."
          "ဟာ..သွား...သွားလေ"
      စစ်တွေနည်းပညာတက္ကသိုလ်တွင်ငါးနှစ်တာကျောင်းတက်လာခဲ့ပေမယ့်KTVတို့၊မာဆပ်တို့ကိုတစ်ခါမှသူမရောက်ဖူးခဲ့။ရောက်ဖူးအောင်လည်းငွေရေးကြေးရေးကမရှိ။ခုလိုကိုထွန်းဝင်းကခေါ်လာတော့သွားချင်မိသည်ကအမှန်။သူငယ်ချင်းများပြောသောဇာတ်လမ်းများကိုနားထောင်ဖူးပြီ။ကိုယ်တိုင်တစ်ခါလောက်တော့ပျော်ဖူးချင်ရဲ့။
        ကိုထွန်းဝင်းကဆိုင်မှာငွေရှင်းနေပေမယ့်သူကတော့ကိုထွန်းဝင်းရဲ့ပါရာဒိုကားထဲမှာစောင့်နေလိုက်သည်။ခဏကြာတော့ကိုထွန်းဝင်းကားထဲဝင်လာပြီးကားကိုအသာအယာမောင်းလိုက်ငည်။
        KTVကိုရောက်တော့ကိုထွန်းဝင်းရဲ့စီစဉ်ဆောင်ရွက်မှုဖြင့်အခန်းတစ်ခန်းထဲတွင်ကောင်းမလေးနှစ်ယောက်နှင့်အတူသီချင်းဆို၊ဘီယာသောက်ဖြင့်အပျော်ကြီးပျော်ခဲ့သည်။
          "ကိုကြီး...သောက်လည်းသောက်၊စားလည်းစား..နော်"
      မြူတူတူစကားသံများနှင့်အတူခွံ့ကျွေးလာသောလိမ္မော်သီးခြမ်းများကိုစားရင်းKTVမေများ၏ဆွဲအားကိုသူရုန်းကန်ရန်ခက်ခဲနေမိသည်။ပေါင်တံသွယ်သွယ်၊ရင်အုံမောက်မောက်၊ဆွဲဆောင်မှုအပြည့်ရှိသောနှုတ်ခမ်းများမှပွင့်ကျလာသောစကားသံမျကိုသူငြင်းဆန်မှုမပြုနိုင်။မိန်းကလေးတစ်ယောက်၏အပြုစုကိုခုလောက်တစ်ကြိမ်တစ်ခါမှသူမခံစားခဲ့ဖူး။နွယ်သည်ပင်သူ့ကိုခုလိုဂရုစိုက်မည်မဟုတ်ဟုသူထင်သည်။နီယွန်မီးတစ်ချက်တစ်ချက်မှာဖြာကျလာတဲ့မျက်ဝန်းအစုံတို့ကားသူ့ရင်ကိုမုန်တိုင်းထန်စေသည်။ဆာလောင်မှုတစ်ခုခုကြောင့်သူ၏အာခေါင်များခြောက်ကပ်လာသည်။အသွေးအသားတို့ကားတဆတ်ဆတ်တုန်ရီနေမိသည်။ကြိုးဖြင့်တုတ်နှောင်ခံထားရသောမြင်းရိုင်းတစ်ကောင်၏လွတ်လပ်လိုမှုများကိုသူတားမဆီးချင်တော့။ရင်ထဲမှာရထားဆယ်စင်းပြိုင်တူမောင်းနှင်နေသည့်နှယ်။
            "ကျော်ကြီး...သွားမယ်ကွာ"
            "ဗျာ..."
             "လာ..သွားမယ်"
      ကိုထွန်းဝင်းခေါ်ရာနောက်သို့သူလိုက်သွားလိုက်သည်။ဘယ်နေရာတော့သူကောင်စွာမမှတ်မိ။ကားဖြင့်ဆယ်မိနစ်လောက်ကြာလိမ့်မည်ထင်သည်။တည်းခိုးခန်းတစ်ခု။သူတို့ဝင်လိုက်ကြသည်။
        ကိုထွန်းဝင်းကသူ့ကိုအခန်းတစ်ခန်းမှာထားပြီးသူကိုယ်တိုင်ကတော့နောက်တစ်ခန်းကိုဝင်သွားသည်။သူ့အခန်းထဲမှာတော့သူ့ဆာလောင်မှုများကိုဖြည်သိမ့်လိုက်မိသည်။လေးကြိုးကိုအခါခါဆွဲ၍လွှတ်မိသည်။ကြိုးတုတ်ခံထားရသောမြင်းရိုင်းကြီးကားကွင်းပြင်မှာကတုန်စိုင်းလို့။ဘယ်အချိန်၊ဘယ်မျှ၊ဘယ်လိုဆိုတာသူမသိနိုင်လိုက်တော့။
      ပြသနာကကိုထွန်းဝင်းပြန်ပြီးတစ်လလောက်အကြာတွင်ဖြစ်သည်။သူ၏အင်္ဂါစပ်တစ်ဝိုက်တွင်ယားယံသောအဖုအဖိတ်များပေါ်လာသည်။ညညဆိုအိပ်မရအောင်ယားယံလှသည်။ခန္ဓာကိုယ်ကလည်းအပူရှိန်တဟိန်းဟိန်းနဲ့ဖျားတော့သည်။အစားအစာများကိုလည်းစားချင်စိတ်မရှိတော့။ဖတ်ဖူး၊မှတ်ဖူးသောဆေးစာအုပ်များကိုလှန်ကြည့်မိတိုင်းကြက်သီးမွှေးညှင်းထမိသည်။ဘဝတစ်ခုလုံးအညွန့်တုံးရမည့်ကိစ္စ။လူမဖြစ်မီလူဖြစ်ရှုံးရတော့မလား။သူ၏ကြောက်လန့်စိတ်တို့ကားထိန်းမရနိုင်။ကိုထွန်းဝင်းကိုဖုန်းဆက်မေးတော့လည်းဘာမှမဟုတ်ကြောင်း၊စိတ်ပူစရာမလိုကြောင်းရယ်ကျဲကျဲသာပြောသည်။သိပ်အလေးထားပုံမရ။ဆရာဝန်ဆီသွားရန်လည်းသူရှက်မိသည်။
        နောက်နှစ်ဆိုလျှင်B.Eပြီးတော့မည်။သူ၏ဘဝကဖြောင့်ဖြူးပြီးသား။ခုတော့တကယ်လို့သာသူထင်ထားသလိုဘဝအညွန့်တုံးခဲ့လျှင်၊ရောဂါပိုးသာကူးစက်ခံခဲ့ရလျှင်....သူဆက်မစဉ်းစားဝံ့။အဖေ၊အမေနှင့်ချစ်သူနွယ်သစ္စာကိုဘယ်လိုရှင်းပြရပါမလဲ။ခွင့်လွှတ်နိုင်ကြပါမလား။လူ့အသိုင်းအဝိုင်းကကောလက်ခံပါတော့မလား။အနာဂတ်ဘဝကိုဘယ်လိုဖြတ်သန်းရပါမည်နည်း။
         "ညီလေး...ရောက်ပြီ"
     သူအချိန်မည်မျှကြာအောင်စဉ်းစားမိသည်မသိ။ဆိုက္ကားသမားကရောက်ကြောင်းပြောမှသာပတ်ဝန်းကျင်ကိုသတိထားမိတော့သည်။"ထွန်း"အထွေထွေရောဂါကုဆေးခန်းကားသူ့ကိုမေးခွန်းပေါင်းမြောက်များစွာမေးနေသည့်အလား။သူ့ရင်ထဲမှာလည်းမေးခွန်းပေါင်းမြောက်များစွာကိုထပ်ခါထပ်ခါဖြေနေမိသည်။
       ဘဝဟူသည်ကြိုတင်စဉ်းစားဆုံးဖြတ်နိုင်သောပုစ္ဆာမဟုတ်။တစ်ဒင်္ဂမေးလာသောပြသနာများကိုတစ်ဒင်္ဂဆုံးဖြတ်ချက်ဖြင့်ဖြေဆိုရသောမေးခွန်း။တစ်ခုခုကိုအမှားလုပ်လိုက်သည်နှင့်အမဲစက်တစ်စက်ကစွန်းထင်းလာမည်။ဖြေဆေးဆိုတာရှိချင်မှရှိလိမ့်မည်။ကံကြမ္မာဆိုတာယိုးမယ်ဖွဲ့စရာမဟုတ်သလိုငိုကြွေးကာတောင့်တ၍ရသောအရာလည်းမဟုတ်။ကိုယ်လုပ်လို့ကိုယ်ဖြစ်လျှင်ကိုယ်ခံ။ကိုယ်လုပ်လို့ကိုယ်ဖြစ်လျှင်ကိုယ်စံရမည်။လိုအပ်ချက်ကသတ္တိ။အမှားရောအမှန်ကိုပါရင်ဆိုင်ရဲသောသတ္တိ။
        နောင်မည်သို့ပင်အဖြေထွက်လာပါစေသူကားနောက်တွန့်မည်မဟုတ်သောစိတ်ဓာတ်ဖြင့်ဆေးခန်းသို့ဦးတည်လိုက်တော့သည်။
                                  အဘာသား

လက်ဖွဲ့

      ဆောင်းဘောက်စ်အသံများကားတိတ်ဆိတ်သွားပေပြီ။ သို့သော်မင်္ဂလာဆောင်အတွက်လုပ်ပေးကြသောယောက်ကျား၊မိန်းမတို့၏အသံများကဆူညံနေသေးသည်။ပွဲအတွက်ငှါးယူထားခဲ့သောစားပွဲ၊ထိုင်ခုန်၊ပန်းကန်များကိုသိမ်းသူကသိမ်း၊ရေတွက်သူကရေတွက်ကာအလုပ်များလျှက်ရှိကြသည်။အိမ်ရှေ့မင်္ဂလာမဏ္ဌပ်ကားဖြိုဖျက်ပြီးနေပြီ။စကားပြောသံ၊တစ်ယောက်နှင့်တစ်ယောက်မေးသံ၊အော်ဟစ်သတိပေးသံတို့ကားဆောင်းဘောက်စ်တီးနေသည့်အလားဆူညံနေပေစွ။
       မင်္ဂလာခန်းမတစ်ဖြစ်လည်းအိမ်ဦးခန်းမှာတော့သတိုး သားနှင့်သတိုးသမီးတို့အလုပ်ရှုပ်နေကြသည်။ရွှေမှင်စာလုံးအကြီးကြီးဖြင့်အဖြူရောင်ပိတ်ချာပေါ်တွင်ရေးထားသောသတိုးသား၊သတိုးသမီးနာမည်ကားထင်ထင်ရှားရှားရှိနေဆဲ။မောင်ခင်မောင်နှင့်မလင်းနွယ်တို့၏ထိမ်းမြားမင်္ဂလာဧည့်ခံပွဲ။သူတို့နှစ်ဦးသည်ယနေ့မှစ၍နှစ်တစ်ရာတိုင်သေတပန်သက်တစ်ဆုံးပေါင်းဖက်ကြမည့်အသစ်စက်စက်မင်္ဂလာမောင်နှံပေတည်း။မိတ်ဆွေသင်္ဂဟများမှလက်ဖွဲ့ထားသောပစ္စည်းများကားတစ်ပုံတစ်ပင်။အကြီး၊အလတ်၊အသေးစသည်ဖြင့်အရွယ်မျိုးစုံ။အရောင်လည်းမျိုးစုံ။သတိုးသားသတိုးသမီးတို့ကလက်ဖွဲ့ပစ္စည်းများကိုတစ်ခုချင်းစီဖွင့်ကြသည်။"ကိုကျော်မှ"လို့ရေးထားသောလက်ဖွဲ့ပါဆယ်ထုပ်ကိုဖွင့်လိုက်ရာဓာတ်ပုံအလ်လဘန်စာအုပ်တစ်အုပ်။နောက်ထပ်"မအိနြေ္ဒမှ"လို့ရေးထားတဲ့ပါဆယ်မှာတော့ကလေးအနှီးများဖြစ်နေသည်။
          သတိုးသားခင်မောင်နှင့်သတိုးသမီးလင်းနွယ်တို့သည်သူ ငယ်ချင်းမိတ်ဆွေများမှပေးလာကြသောလက်ဖွဲ့လက်ဆောင်များကိုတစ်ခုပြီးတစ်ခုဖောက်ဖွင့်နေကြသည်။လင်းနွယ်၏မျက်နှာမှာပြည့်ဝန်းနေသောလမင်းကြီးပမာကြည်လင်ချိုမြလို့။မိန်းကလေးတစ်ယောက်၏ထိမ်းမြားမင်္ဂလာသည်သူ့ဘဝတစ်ခုလုံးနှင့်ရင်းရသောမင်္ဂလာမြတ်တစ်ခုမဟုတ်လား။သို့သော်ခင်မောင့်မျက်နှာကတည်ငြိမ်လွန်းလှသည်။ပျော်ရွှင်ခြင်းလည်းမရှိသလိုမာန်ပါစိတ်ဆိုးနေသောရုပ်မျိုးလည်းမဟုတ်။ပကတိကန်ရည်ပြင်ကဲ့သို့တည်ငြိမ်လျှက်။သူ၏စိတ်တည်ငြိမ်မှု၊ရင့်ကျက်မှုကြောင့်လေလား။
         အမှန်တော့ခင်မောင်ကိုသူငယ်ချင်းများကပျော်ပျော်နေ တတ်သူ၊စကားပြောကောင်းသူလို့သတ်မှတ်ကြသည်။သူ့ကိုကြည့်လိုက်လျှင်ဘယ်တော့မှအပြုံးမပျက်။သူတပါးကိုလည်းပျော်ရွှင်အောင်ပုံတိုပတ်စများဖြင့်ပြောတတ်သေးသည်။သူနှင့်တစ်ဝိုင်းတည်းထိုင်ပြီးစကားပြောနေရလျှင်ထပြန်သွားမည့်သူမရှိသလောက်။သူရှိသည့်နေရာတွင်လူစုသည်။သူပြောသောစကားများတွင်လူအများတို့တဝါးဝါးတဟားဟားရယ်ကြရသည်။ခုတော့ခင်မောင်တစ်ယောက်နှုတ်ဆိတ်လွန်းလှသည်။တည်ငြိမ်လွန်းလှသည်။လက်ဖွဲ့ပစ္စည်းများကိုဖောက်ဖွင့်နေသည်ကစက်ရုပ်ဆန်လွန်းနေသည်။
               "အကိုရယ်...ဒီမှာကြည့်စမ်းပါအုံး။ဒီပါဆယ်မှာနာ မည်လည်းမပါ။ပြီးတော့လေးလည်းလေးသေးတယ် "
          လင်းနွယ်၏ပြောစကားကိုခင်မောင်နားထောင်ယင်း ပါဆယ်ကိုလှမ်းကြည့်လိုက်သည်။ပါဆယ်ဗူးကအလျားတစ်ပေ၊အနံတစ်ပေ၊ထုတစ်ပေလောက်ရှိမည်။ထူးခြားသည်ကပါဆယ်ဗူးမှာမည်သည့်အရောင်မှအဆင်းတန်ဆာခြယ်သထားခြင်းမရှိ။ဒီအတိုင်းအဖြူရောင်ကဒ်ထူဗူး။နာမည်လည်းမပါ။လင်းနွယ်ကပါဆယ်ကိုစိတ်ဝင်တစားနဲ့ဖွင့်ကြည့်လိုက်သည်။
                "ဟော့...တော့..."
          လင်းနွယ်၏အံ့သြသံကြောင့်ခင်မောင်ပါဆယ်ဗူးကိုယူ ပြီးကြည့်လိုက်သည်။ထူးဆန်းပေစွ။မည်သူကမင်္ဂလာဆောင်မှာဒီလိုလက်ဖွဲ့မျိုးကိုလက်ဖွဲ့ပါမည်နည်း။ဒီလိုထူးဆန်းတဲ့စိတ်ကူး၊ထူးခြားတဲ့အတွေး၊ထူးခြားဆန်းပြားတဲ့စိတ်ဓာတ်နဲ့ထူးခြားစွာလုပ်တတ်သူကားတခြားသူမရှိ။သူမတစ်ယောက်တည်းသာလျှင်ဖြစ်ကြောင်းခင်မောင်သိသည်။သူမသာဤသို့တွေးမိလိမ့်မည်။သူမသာဤကဲ့သို့လက်ဖွဲ့မျိုးကိုလက်ဖွဲ့ပါလိမ့်မည်။ထူးခြားစွာဖြင့်ခင်မောင်ကိုတစ်ခုခုပြောနေလိမ့်မည်။သူမကားခင်မောင်၏ဘဝ၊ခင်မောင်၏နှလုံးသားတွင်ထူးခြားစွာသီးသန့်နေရာရှိနေသူ။ခင်မောင်၏အတွေးများကားဟိုး...အတိတ်ဆီသို့လေလွင့် ခဲ့ရလေပြီ။
             .........×........×.........×...........
       အတိတ်
       ကျောက်ဖြူပညာရေးကောလိပ်ဆိုင်းပုတ်ကျောက်စာ တိုင်ကားခန့်ညားလွန်းသည်။ကျောင်းဝင်ဝ၌ရှိသောစိန်ပန်းပင်မှာလည်းကျောင်းသား၊ကျောင်းသူသစ်များကိုအပြုံးနဲ့ကြိုဆိုနေသယောင်။အပတ်စဉ်(၉/၀၄)တက်ရောက်ကြမည့်ကျောင်းသား၊ကျောင်းသူတစ်ဖြစ်လည်းဆရာ၊ဆရာမလောင်းလျာများကပျားပန်းခတ်တမျှထင်မှတ်စရာ။ကျောင်းစဖွင့်ရက်ဆိုတော့ကျောင်းအပ်သူ၊စာအုပ်ထုတ်သူ၊ထရပ်စုဝတ်စုံထုတ်သူတို့များသည်။ခင်မောင်ကကျောက်ဖြူပညာရေးကောလိပ်ဆိုင်းပုတ်ကျောက်တိုင်ရှေ့တွင်ကျောင်းသားကျောင်းသူများ၏မျက်နှာများကိုလိုက်ကြည့်နေမိသည်။တစ်ယောက်ကမရှိသောမုတ်ဆိတ်မွှေးကိုအသာအသာပွတ်ယင်းပတ်ဝန်းကျင်ကိုလေ့လာနေသလိုလို။နောက်တစ်ယောက်ကဇာတ်သဘင်များတွင်အဆိုများသော"အသဲတစ်ခြမ်းကိုလွမ်းဖို့သိမ်းထားမယ်"သီချင်းကိုအသာညည်းလို့။တစ်ယောက်ကပရီးမီးယားလိတ်ဘောလုံးအကြောင်းကိုသူ့တစ်မြို့တည်းသားချင်းဖြစ်ဟန်တူသောသူ့ဘော်ဒါများကိုရှင်းပြနေသည်။သူတို့သည်လည်းပဲကျောင်းအပ်ရန်စောင့်စားနေကြသူများပင်။
             "ဟဲ့...မောင်မောင်၊ဒီကိုလာအုံး.."
         ခင်မောင်ကိုဒီမြို့၊ဒီနေရာတွင်မောင်မောင်လို့ခေါ်သူက သူမတစ်ယောက်ပဲရှိလိမ့်မည်။သူမကားခင်မောင်၏ငယ်ပေါင်းကြီးဖော်ခင်ခင်ပေတည်း။
             "မောင်မောင်...နင့်နာမည်ကိုခေါ်နေပြီ။သွား..တော့.."
              "အင်း...အိုကေ"
           ခင်မောင်ကျောင်းအပ်ရာသို့သွားပြီးလိုအပ်သည်များ ကိုဖြည့်စွက်၊ထုတ်စရာရှိသည်များကိုထုတ်လိုက်သည်။စာအုပ်များ၊အဝတ်အထည်များကိုလက်ကဆွဲယင်းပြန်လာခဲ့သည်။ခင်ခင်ကိုမြင်တော့သူ့မှာလည်းစာအုပ်များ၊အဝတ်များကိုလက်မှာဆွဲလျှက်သား။
               "ခင်ခင်..နင်ဘယ်အဆောင်မှာနေရမှာလဲ"
               "ပင်မဆောင်မှာဟ..နင်ကော"
               "ငါက..ရမ္မာဆောင်မှာလေ။နင့်စာအုပ်တွေကိုငါ့ ကိုပေး။ငါသယ်ပေးမယ်"
                "ဒီမှာမောင်မောင်..နင့်မှာလည်းလက်နှစ်ချောင်း ခြေနှစ်ချောင်း၊ငါ့မှာလည်းလက်နှစ်ချောင်းခြေနှစ်ချောင်းပါနော်။သွား..ကိုယ့်အဆောင်ကိုသွားတော."
                "အေးပါ..အေးပါ"
          ခင်ခင်ကိုနှုတ်ဆက်ပြီးခင်မောင်ထွက်လာလိုက်သည်။ သူမကအဲဒီလိုပဲလေ။သူတပါးကိုအားမကိုးတတ်။သူမ၏ဆုံးဖြတ်ချက်ကိုလည်းမည်သူမှတားလို့မရ။သူမ၏စိတ်တွေကသူများနဲ့မတူ။သူမဆယ်တန်းမှာဂုဏ်ထူး(၆)ဘာသာနဲ့အောင်မြင်ခဲ့သည်။လူအများကတော့ဆေးတက္ကသိုလ်တက်လိမ်မယ်လို့ထင်ကြသည်။သူမဘယ်တက္ကသိုလ်ကိုမှမတက်ဖြစ်ခဲ့။ရိုးရိုးမေဂျာယူပြီးအဝေးသင်ကိုလျှေက်ခဲ့သည်။ပြီးတော့ကျောင်းဆရာမလုပ်ချင်သည်ဆိုပါအုံးစို့။သူမ၏ဆယ်တန်းရမှတ်နဲ့ဆိုရန်ကုန်ပညာရေးတက္ကသိုလ်ကိုတက်လို့ရသည်ပဲ။တခြားသူများတွေကဆေးတက္ကသိုလ်တက်ရဖို့၊ပညာရေးတက္ကသိုလ်တက်ရဖို့ကိုအလူးအလဲကြိုးစားနေကြချိန်မှာသူမကတော့ကျောက်ဖြူပညာရေးကောလိပ်ကိုပဲတက်လာခဲ့သည်။သူမ၏အတွေး၊သူမ၏စိတ်ကူးများကိုခင်မောင်လိုက်မမီ။ခင်မောင်သူမကိုပညာရေးကောလိပ်တက်ဖို့ဆိုရင်ဘာလို့ဒီလောက်ဂုဏ်ထူးတွေပါအောင်ကြိုးစားဖြေခဲ့ရလဲလို့မေးဖြစ်ခဲ့သည်။
             "မောင်မောင်...ငါတို့ဟာငါတို့ရောက်ရှိနေတဲ့နေရာ မှာအကောင်းဆုံးကြိုးစားရမယ်။အကောင်းဆုံးဖြစ်အောင်လုပ်ရမယ်။ဒါပေမယ့်ငါတို့အကောင်းဆုံးလုပ်ခဲ့တာကိုငါတို့စားသုံးချင်မှစားသုံးမယ်။ဥပမာဟာ..ဥယျဉ်မှူးတစ်ယောက်ဟာပန်းက လေးတစ်ပင်ကိုအကောင်းဆုံးစိုက်ပျိုးမယ်။အကောင်းဆုံးပေါင်းသင်မြေဆွနဲ့အကောင်းဆုံးပန်းကိုပွင့်စေမယ်။ဒါပေမယ့်ဥယျဉ်မှူးဟာအဲဒီအကောင်းဆုံးပွင့်လာတဲ့ပန်းကိုခူးချင်မှခူးမယ်။အသုံးပြုချင်မှပြုမယ်။ဂရုစိုက်ချင်မှလည်းစိုက်မယ်။ဒါပေမယ့်နောက်ပန်းတစ်ပင်ကိုသူထပ်ပြီးစိုက်ပျိုးလိမ့်မယ်။သူကအပင်စိုက်သူပဲ။အပွင့်ကသူ့ဟာသူပွင့်လာတာ။ဥယျဉ်မှူးဆိုတာအပင်စိုက်ရတာကိုကသူ့အလုပ်ပဲ။ဥယျဉ်စိုက်ပျိုးနေရရင်ပဲသူကျေနပ်နေတာ။ပန်းပွင့်လှခြင်း၊မွှေးခြင်းကိုသူခံစားမနေဘူးလေ.."
         ခင်မောင်သူမ၏စကားများကိုသိပ်ပြီးနားမလည်ခဲ့။ခင် မောင်ကတော့ရှင်းပါသည်။ဆယ်တန်းကိုဘာဂုဏ်ထူးမှမရှိဘဲရိုးရိုးအောင်ရုံလေးအောင်ခဲ့တာပါ။သူ့အမှတ်နဲ့ဘယ်တက္ကသိုလ်မှလည်းတက်လို့မရ။မြန်မာစာမေဂျာကိုအဝေးသင်လျှေက်ပြီးပညာရေးကောလိပ်ကိုတက်လာသူ။ရောက်တဲ့နေရာမှာပျော်ပျော်ပါးပါးပါပဲ။
          ပညာရေးကောလိပ်ကြီးကားစက်ရုံတစ်ခုလိုပုံမှန်လည် ပတ်နေသည်။မနက်စောစောအိပ်ရာထ၊ပီတီဆင်း၊မနက်စာစား၊ကျောင်းသွား၊ကျောင်းပြန်၊ရေချိုးထမင်းစား၊နောက်ဆုံးဖွံ့ဖြိုးရေးလုပ်ငန်းနဲ့တစ်ရက်တာကျောင်းတက်ချိန်အဆုံးသတ်ရသည်။ညနေစာကျက်ချိန်ပြီးရင်အိပ်ချိန်၊အနားယူချိန်ပါပဲ။သင်ရသည့်ဘာသာရပ်များကအကဲဒမိတ်ဘာသာရပ်များ၊သင်ပြနည်းဘာသာရပ်များ၊ပညာရေးစိတ်ပညာ၊ပညာရေးသဘောတရားနှင့်ဖွံ့ဖြိုးရေးဘာသာရပ်များဖြစ်သည်။ခင်မောင်ကတော့အချိန်နှင့်တပြေးညီပျော်ပျော်ပါးပါးလိုက်ပါနေသည်။သို့သော်ခင်မောင်ကပညာရေးသဘောတရားတို့ပညာရေးစိတ်ပညာတို့ကိုစိတ်မဝင်စား။လပတ်ကျူတိုရီယာတွေမှာမကြာမကြာဆာပလီထိနေကျ။
          ခင်ခင်ကပညာရေးသဘောတရား၊ပညာရေးစိတ်ပညာ တို့ကိုခင်မောင်ကိုရှင်းပြပါရဲ့။ခင်မောင်ကတော့ရယ်ကျဲကျဲနဲ့ဘာမှထူးပြီးဖြစ်မလာ။သူမ၏ပညာရေးအပေါ်အတွေးများကိုခင်မောင်နားမလည်။စာအုပ်မှာလည်းမတွေ့မိ။
             "မောင်မောင်..သေချာနားထောင်နော်။တကယ် တော့ပညာရေးဆိုတာစာမေးပွဲဖြေစရာကိုမလိုတာ.."
             "ဘာတုန်းဟ..ဒါဆိုနင်တို့ငါတို့ဖြေခဲ့တဲ့စာမေးပွဲ တွေကဘာလို့လဲ"
            ခင်မောင်အလန့်တကြားပြန်မေးလိုက်သည်။
               "ငါပြောတာကိုဆုံးအောင်နားထောင်အုံးလေ..ဒီလိုလေဟာ။ဥပမာဆိုပါတော့။နင့်ရှေ့မှာမြင်းတစ်ကောင်၊ငါးတစ်ကောင်၊မျောက်တစ်ကောင်၊ဆင်တစ်ကောင်ရှိတယ်ဆိုပါတော့။အဲဒါကိုနင်ကသစ်ပင်ကိုအမြန်ဆုံးတက်နိုင်တဲ့သူကိုစာမေးပွဲအောင်မယ်လို့ပြောလိုက်မယ်။မြင်း၊ငါး၊ဆင်ကသစ်ပင်ကိုတက်နိုင်ပါ့မလား.."
                "အေးလေ..မျောက်ပဲတက်နိုင်မှာပေါ့"
                "အဲဒါပဲ...မောင်မောင်။ငါတို့လူတွေဆိုတာလည့်းုူကိုယ့်အားသာချက်နဲ့ကိုယ်ပဲ။သင်္ချာကိုအားသာသူကသင်္ချာဘာသာရပ်မှာထူးချွန်လိမ့်မယ်။မြန်မာစာတို့၊သမိုင်းတို့မှာညံ့မှာပေါ့။စာမေးပွဲကျမှာပေါ့။တကယ်တော့အဲဒါကိုကုသဖို့ဥပမာတစ်ခုပြောမယ်နော်။ဆေးရုံတစ်ရုံမှာလူနာတွေအများကြီးပဲ။ဆရာဝန်ဝင်လာတော့လူနာတိုင်းကိုဆေးတစ်မျိုးတည်းသာကျွေးသလား။မကျွေးဘူး။ဒီလူနာကဘာရောဂါ၊ဘာဆေးတိုက်ရမယ်ဆိုတာဆရာဝန်သိတယ်။ငါတို့ဆရာ၊ဆရာမတွေလည်းဒီလိုပဲဟ။ကလေးတွေကိုပြဌန်းစာအုပ်ပါအတိုင်းသင်ချင်မှသင်လို့ရလိမ့်မယ်။ကလေးတစ်ဦးချင်းစီရဲ့အားသာချက်၊အားနည်းချက်ကိုလိုက်ပြီးဆရာဆရာမတွေကပုံစံပြောင်းသင်ချင်သင်ပေးရလိမ့်မယ်.."
          ခင်ခင်ကစိတ်ရှည်လက်ရှည်ရှင်းပြသည်။သို့သော် ခင်မောင်ကသူမ၏အတွေးများကိုလိုက်မမီ။သူမလိုလည်းမတွေးတတ်။
           ရာသီတွေတစ်လီနှစ်လီပြောင်းလဲခဲ့သည်။ပျောက်ဖြူ ပညာရေးကောလိပ်ကြီးလည်းခင်မောင်တို့ဆရာဆရာမလောင်းလျာများကိုနှုတ်ဆက်ချိန်ရောက်ခဲ့သည်။
            ကိုယ်စီကိုယ်စီလုပ်ငန်းခွင်ကိုဝင်ခဲ့ရသည်။ထူးခြား သည်မှာခင်ခင်တစ်ယောက်ပါပဲ။ကျောက်ဖြူပညာရေးကောလိပ်မှပညာရေးတက္ကသိုလ်သို့ပေါင်းကူးတက်ခွင့်ရပါလျှက်မတက်ဘဲလုပ်ငန်းခွင်ကိုဆင်းလာသည်။မွေးရပ်မြေဖြစ်သောမြောက်ဦးမြို့နယ်ကျေးရွာတစ်ရွာတွင်မူလတန်းပြဆရာမအဖြစ်တာဝန်ထမ်းဆောင်ရသည်။ရွာသူရွာသားများအပေါ်၊ကလေးများအပေါ်သူမ၏သတင်းကောင်းကားမြို့နယ်တစ်ခုလုံးမွှေးပျံ့နေသည်။ကျရာကျေးရွာမှမြောက်ဦးသို့လာသည်လို့လည်းသိပ်မရှိ။ခင်မောင်ကသာသူမကိုမကြာမကြာသွားတွေ့ဖြစ်သည်။အဝေးသင်တက်ချိန်ရောက်တော့လည်းသူမမတက်။ဘွဲ့ဆိုတာသတ်မှတ်ချက်တစ်ခုတဲ့လေ။အပတ်စဉ်တူတခြားသူတို့ရာထူးတွေတိုးသွားပေမယ့်ခင်ခင်ကတော့ပိုနေမြဲကျားနေမြဲပါပဲ။
        တစ်နေ့ခင်ခင်တာဝန်ကျရာကျေးရွာတွင်ဖြစ်သည်။ခင် မောင်နှင့်ခင်ခင်တွေု့ဖြစ်ကြသည်။
         "ခင်ခင်..နင့်ကိုနားမလည်ခဲ့တာခုမှတော့မဟုတ်ပါဘူး။ ဒါပေမယ့်ငါတစ်ခုပြောချင်တယ်"
        ခင်မောင်ကထုံးဖြူစေတီဆီသို့လှမ်းကြည့်ယင်းစကားစ သည်။
            "ပြောလေ...မောင်မောင်"
            "အေးဟာ..ငါတို့တွေအသက်တွေလည်းမငယ်တော့ ဘူး။ငါကပျော်ပျော်ပါးပါးပေါ့ပေါ့တန်တန်နေတတ်ပေမယ့်ဒီစကားလေးကိုတော့အလေးအနက်ထားပေးပါဟာ။တကယ်ပါနင့်ကိုငါချစ်တယ်။နင့်ကိုလက်ထပ်ပါရစေ"
          ခင်မောင်၏စကားသံတို့ကားတုန်ရီနေသည်။ရင်ထဲမှ လာသောစကားဆိုတာကြားရသူတိုင်းသိနိုင်လိမ့်မည်။ခင်ခင်ကတော့ပကတိတည်ငြိမ်လျှက်။
             "မောင်မောင်..နင်တစ်နေ့ဒီလိုပြောလာလိမ့်မယ်ဆို တာငါသိနေတယ်။ဒါပေမယ့်ငါ့စကားကိုဆုံးအောင်နားထောင်ပေးပါဟာ"
          ခင်ခင်၏မျက်နှာကားတစ်ခုခုကိုဆုံးဖြတ်ချက်ချထား သည့်မျက်နှာမျိုး။မျက်ဝန်းအိမ်မှာတော့မိုးစက်လေးတွေရဲ့အရိပ်အငွေ့တွေကိုမြင်နေရရဲ့။
              "မောင်မောင်..နင်နဲ့ငါဟာဟိုး..ငယ်ငယ်တုန်းကတည်းကအတူကြီးလာခဲ့ကြတယ်။ခုထိနင်နဲ့ငါတွေ့တုန်း။တစ်ယောက်နဲ့တစ်ယောက်ဆွေးနွေးတုန်း။ဒါပေမယ့်နင်ငါ့ကိုနားမလည်နိုင်သေးဘူး။မောင်မောင်..နင်ကြည့်။ ငါတို့ရခိုင်ပြည်နယ်ဟာဘယ်လောက်တောင်ဆင်းရဲသလဲ။မြန်မာပြည်ရဲ့အဆင်းရဲဆုံးလို့တောင်ငါပြောချက်တယ်။ဘာလို့ငါတို့ရခိုင်တွေဆင်းရဲနေရသလဲ။စဉ်းစားကြည့်စမ်းမောင်မောင်။အဲဒါပညာမတတ်လို့။ပညာအမှောင်တွေဖုံးနေလို့ဟ။ငါငယ်ငယ်ထဲကနယ်မှာစာပြတဲ့ဆရာမလေးတစ်ယောက်ပဲဖြစ်ချင်ခဲ့တာပါ။ဒါကြောင့်ငါဘယ်တော့မှနယ်ကနေပြီးမြို့ပေါ်ကျောင်းတွေကိုတက်လာမှာမဟုတ်ဘူး။မြို့မှာကဆရာဆရာမတွေပြည့်စုံလို့။ဒီမှာကဘာမှမရှိ။ခုဆိုဒီရွာမှာဆယ်တန်းအောင်၊ဘွဲ့ရတဲ့ကလေးတွေရှိလာပြီ။ငါပျိုးတဲ့ပန်းတွေပွင့်လာကြပြီဟ။ပန်းလေးတွေဒီမှာလှိုင်လှိုင်ပွင့်ပြီဆိုရင်ပန်းတွေစိုက်ဖို့နောက်တစ်နေရာကိုငါရှာမယ်။ငါနောက်ထပ်ပျိုးခင်းတွေပျိုးမယ်။နောက်ထပ်ပန်းခင်းတွေလှိုင်လှိုင်ပွင့်စေရမယ်ဟာ။ငါလွတ်လွတ်လပ်လပ်ပန်းလေးတွေပျိုးပါရစေနော်..မောင်မောင်။နင်လည်းငါ့ဘဝထဲမှာအမြဲရှိ နေမှာပါ... "
         ခင်ခင်၏စကားလုံးများကခင်မောင့်ရင်ကိုထိရှလှသည်။ နှလုံးသားတစ်ခုလုံးကိုအရည်ညှစ်ထုတ်ခံရသလိုမွမ်းကျပ်သွားသည်။
             "ခင်ခင်...ငါ့ကိုအိမ်ကအိမ်ထောင်ချပေးကြတော့ မယ်။နင့်ကိုပြောပါရစေအုံးဆိုလို့အဖေအမေကခွင့်ပေးလိုက်တာ။ငါသူ့ကိုမချစ်ဘူးဟာ။အိမ်ထောင်ရှင်မတစ်ယောက်အနေနဲ့တော့လက်ခံနိုင်တယ်။ငါတစ်ခုကြားဖူးတယ်ဟ။အချစ်မပါတဲ့အိမ်ထောင်ရေးဟာမတည်မြဲဘူးတဲ့။ငါကြောက်မိတယ်ဟာ။ငါသူ့ကိုတစ်ချိန်ချိန်စိတ်ကုန်သွားမှာလား.."
          ခင်မောင့်မျက်လုံးများကမငြိမ်မသက်။ရင်တစ်ခုလုံးဆို့ တက်လာသောမျက်ရည်တို့ပင်ထိမ်းမရနိုင်။
            "သူကဘယ်သူလဲမောင်မောင်"
            "နင်သိပါတယ်...သူ့နာမည်က..လင်းနွယ်တဲ့.."
            "အော်...."
        ခင်မောင်ထွက်လာခဲ့သည်။ရင်ထဲမှာပူလောင်နေတာ နင်သိပါလေစ..ခင်ခင်။နင့်ကိုငါဟိုး...ငယ်ငယ်လေးထဲကချစ်နေခဲ့သူရယ်ပါ။နင်ကသူတစ်ပါးထက်ထူးခြားသလိုငါ့နှလုံးသားမှာလည်းထူးခြားစွာနေရာယူထားသူပါ။နင့်ရဲ့စိတ်ကူး၊အတွေး၊ရပ်တည်ချက်တွေကိုငါခုထိနားလည်နိုင်ဖို့ကြိုးစားနေဆဲပါ။ဒါပေမယ့်...ဒါပေမယ့်လေ...ငါ့နှလုံးသားကိုတော့ငါနားလည်တယ်။တကယ်နင့်ကိုချစ်နေခဲ့သူရယ်ပါဟာ....။
           ............×...........×...........×...........
             "အကို..အကို...ဘာတွေစဉ်းစားနေတာလဲဟင်"
        လင်းနွယ်၏ခေါ်သံကြောင့်ခင်မောင်၏အတွေးများရပ် တန့်သွားသည်။ပစ္စုပ္ပန်သို့ခြေချမိတော့သည်။
              "ဘာမှမဟုတ်ပါဘူး"
              "ဒီဆင်းထုတော်ကိုဘုရားကျောင်းမှာထားလိုက်မယ်နော်"
             "အင်...အင်"
     အဖြူရောင်ကဒ်ထူစက္ကူဗူးထဲကဗုဒ္ဓဆင်းထုတော်တစ်ဆူ။ဖြူစင်သောမေတ္တတရားများဖြင့်ကိုးကွယ်ရာဘုရားတစ်ဆူလက်ဖွဲ့လိုက်တာခင်ခင်ပဲဖြစ်မည်။အိမ်ထောင်ပြု၊ဘုရားတည်၊ဆေးမှင်ရည်စုတ်ထိုးဤသုံးမျိုးနောင်ပြင်ရန်ခက်သည့်မျိုးတဲ့။ခင်မောင်ကအိမ်ထောင်ပြုလိုက်သည်။ခင်ခင်ကခင်မောင့်အတွက်ဘုရားတည်ပေးသည်။ဘယ်တော့မှပြန်ပြင်ရန်မဖြစ်နိုင်တော့။
       ခင်မောင်နှင့်အတူလင်းနွယ်ပါဘုရားရှေ့တွင်ထိုင်လိုက် ကြသည်။ပြီးတော့လက်အုပ်ချီ၍ဦးသုံးကြိမ်ချလိုက်သည်။သူတစ်ပါးထက်ထူးခြားတတ်သော၊သူတစ်ပါးထက်အနစ်နာခံတတ်သော၊သူတစ်ပါးထက်မျိုးချစ်စိတ်၊နိုင်ငံချစ်စိတ်ရှိသောသူတော်ကောင်းမကြီးခင်ခင်တစ်ယောက်ကျမ်းမာချမ်းသာပါစေလို့ခင်မောင့်ရင်ထဲကအကြိမ်ကြိမ်ဆုတောင်းနေမိတော့သည်။
                             အဘာသား