အိမ်ရှင်မဘက်သို့အိပ်ဖွင့်ပေးစာ(ပေးစာ)

သို့
       အိမ်ရှင်မ
       သတိရလို့တော့ခါမဟုတ်ယာ။တစ်ရက်နိက မင်းဖုန်းဆက်တေ ကိစ္စနဲ့ပတ်သက်လို့ စကေပြော ချင်လို့ရာ။
       မင်းကကို့ကို ငရဲကြီးလို့၊ အယုံအကြည်မရှိ၊ ဒိတ္ထိလို့ပြောစော် ကိုမာန်မပါပါဝေ။ ဟုတ်တေ မင်းပြောရေပိုင် ကိုရို့ရခိုင်ပြည်က မဟာမြတ်မုနိ ဘုရားရေ ကြည်ညိုစရာ ကောင်းရေ။ ဖူးသင့်ရေ။ ကိုလေ့ ဗုဒ္ဓဘာသာဝင်တစ်ယောက်ပါ။ ဇာဘုရားဆင်း ထုတော်ကိုပင်မဆို ကြည်ညိုရေ။ ရှိခိုးရေ။ ဗုဒ္ဓ ဘုရားရှင်ကို အာရုံပြုလို့ သရဏဂုဏ်ဆောက်တည်ရေ
        တစ်ခုချေလောက်ပြောကြည့်မေနမ်း။ ဓမ္မဓိဌန် ကျကျစိုင်းစားကြည့်ကတ်ဖို့။ မဟာမုနိမှာ နန်းခေါင်၊ စေတီ တိပေါ်ရေဆိုလို့ မင်းလားချင်ရေ မနင်း။ မလား ကေ့လို့ ကိုမဟန့်ပါ။ ဘုရားဖူးရေဆိုစော် ကုသိုလ်ရ ရေ။ ယေလေ့ ဘုရားမှအပ အခြား ဝီစိကိစ္စာ လို့ခေါ် ရေသံသယတိ မထားစီချင်ဝေ။
           အကိုရို့ ဗုဒ္ဓဘုရားရှင်ရေ သဘဝ ကိုမဆန့် ကျင်ရေ ဘုရားတစ်ပါးပါ။ ဖန်တီးလို့လေ့မလုပ် ဖန်လေ့မဖန်ဆင်းပါ။ သဘဝ အတိုင်း ငယ်ရာက ကြီး ကြီးရာကအို အိုရာက သီ ဆိုရေ လောက သဘာဝ ကို
သဘာဝအတိုင်း သူကိုယ်တိုင် နီထိုင်ခရေ။ အပင် တစ်ပင်စော် အချေကအကြီး အကြီးကတစ်ခါ အို၊ အိုက တစ်ခါ သီလားခရေ။ အသီး အပွင့်တိလေ့ ကြွီ ပခရေ။ ယင်းအသီး အပွင့်တိကို ကောက်ထား ချင်လူ ကောက်ထား၊ အသုံးပြုချင်လူပြု၊ အပင်က ဇာတစ်ခု လေ့ပြောလိမ့်မေမဟုတ်။ ဗုဒ္ဓဘုရားရှင်ဟောခရေ တရားတိလေ့ယပိုင်ယာ။ ယင်းအတွက် ဘုရားရှင် သက်ရှိထင်ရှားခါ သူကိုယ်တိုင် သင်္ဃယနာ မတင်ခစော်ကိုကြည့်။
           ဗုဒ္ဓ ပုရိနိဗ္ဗန်ပြုပြီးမှ ရှင်မဟာ ကသပ ရို့ဦးဆောင်ပနာ သင်္ဃယနာ တင်ခကတ်တေ။ အသီး အပွင့်တိဆက်လက် တည်ရှိနီအောင်လို့လေ။ သဘာ ဝအတိုင်းကျင့်သုံးရေ ဘုရားစော်ပုရိနိဗ္ဗန်ပြုရေခါ ဘုရား၏ သီလ သမာဓိ ပညာတိစော် ဒေကမ္ဘာမာ လူတိအတွက် ချန်ထားပခဖို့လို့ မင်းထင်လာ။
           မချန်ခပါဝေ။အပြီးကေ နောက်တစ်ခု ပြော မေ။ဘုရား၏ တန်ခိုးတော် ကိစ္စ။ ဘုရားရှင်ရေ သက်ရှိ ထင်ရှားရှိခါတောင် သူ့တန်ခိုးကို လိုအပ်မှ ပြခစော်။ သူပုရိနိဗ္ဗာန် စံပြီးမှဇာကတန်ခိုးတော်ကိုပြခီဖို့သိလဲ။ ယကေ မင်းစိုင်းစားကြည့်စမ်။
           ဘုရားကို အာရုံပြုလို့ ရှိခိုးကန်တော့ဖို့ လူတိ ပြုလုပ်ဖန်တီးထားရေ ဗုဒ္ဓဆင်းထုတော်တိက တန်ခိုး ပြဖို့သိလား။ တကယ်လို့ ဆင်းထုတိက အရောင်အဝါ ထွက်ပနာ အမျိုးမျိုးမြင်ရကေ သိပ္ပံနည်းနဲ့ရာ စိုင်းစား ကတ်ရဖို့။ ကိုရို့လူသားတိရေ ဗုဒ္ဓဆင်းထုတိကို ပြုလုပ်ရေခါ ရွှေ ငွေ ကျောက်သံပတ္တမြား ဆိုရေ ရတနာတိ ထည့်ကတ်တေ။ ကိုရို့ ရခိုင်က မဟာမုနိ ဘုရားသွန်းခါကဆိုကေ နဝရတ်ကိုးသွယ် အရာ သတ္ထုတိ လေ့ပါသိမ့်ရေ။ ယင်းသတ္ထုတိရေ အရောင် ပြန်တတ်တေ။ အရောင်ကွန့်တတ်တေ။ ပြီးကေ ဖော့ စဖော့ရတ် လို့ခေါ်ရေ မီးစုန်းဓာတ်တိဝါ။ သိပ္ပံနည်း အရ စိုင်းစားကြည့်။
         ကို့ ချစ်အိမ်ရှင်မ မင်းစိုင်းစားမိလာ။ သိပ္ပံနည်း ကို ကိုရို့လိုက်မမီပိုင် ဝိဇ္ဇာကိုလေ့ လိုက်မမီဆိုလိမ့် မေ။ယေလေ့ ဗုဒ္ဓကတော့ အရိုးရှင်းဆုံးရာ။ သဘာဝ အကျဆုံးရာ။
          ကောင်းကင်မှာ နန်းခေါင်ပေါ်စော်ဝါ ဆိုလိမ့် မေ။သေချာရေဝေ ယင်းချင့်စော်ပုံရိပ်ချင့်။ အကြောင်း တရားတစ်ခုမရှိဘဲ အကျိုးတရားတစ်ခုမဖြစ်လာ။ အကြောင်းတရားကို သေချာရှာကြည့်။ ဗုဒ္ဓဘာသာ စော် သိပ္ပံနည်းအကျဆုံးနဲ့ ဝေဖန်အခံနိုင်ဆုံး ဘာသာ။ ဘုရားကလေ့ ဝေဖန်ခွင့်ပြုရေ။ဆန်းစစ်ခွင့်ပြုရေ။
          ကိုယ်တိုင်ကျင့်ကြံအားထုတ်တေ မင်းရင်ထဲ မှာ ဗုဒ္ဓကိုမြင်လိမ့်မေ။ နှလုံးသားထဲမှာ နန်းခေါင် ထက်မက မြင့်မားရေ ဘုံဆင့်တိကိုမြင်လိမ့်။ မင်းရင် ထဲမှာ ဗုဒ္ဓရှိခကေ ကြည့်ချင်ရာကိုကြည့် ဗုဒ္ဓကိုမြင်လိမ့်မေ။ အယင်ဆုံး မင်းစိတ၊် မင်းခန္ဓာ၊ မင်းဝေတနာ၊ မင်းဓမ္မထဲမာ ရှာကြည့်လိုက်ပါလို့ ကို ပြောလိုက်ပါရစီ။
             ကျမ်းမာပြီးကေ ဓမ္မကိုမြင်နိုင်ပါစီ     
                          မင်း၏ချစ်လှပါသော
                                အိမ်ရှင်            
                    (အဘာသား)
                                              

ပန်းလေ(ကဗျာ)

ပန်းလေကသွေး
ရနံ့မွှေး
ပူဆွေးရင်မှာငြိမ်းတော့သည်။
စမ်းရေကအေး
ကြည်လင်မြဲ
ရင်ထဲအပူကင်းတော့သည်။
ပန်းလေစမ်းရေ
ပေါင်းဖက်စေ
ရင်ဝယ်ဘယ်မျှငြိမ်းစေလိမ့်။

                     အဘာသား

ရောဂါနှင့်ဆေး(ဆောင်းပါး)

ပညာ​ရေးဟုဆိုသည်​နှင့်​ နိုင်​ငံတစ်​နိုင်​ငံ၏ အ​ရေးကြီး ​သောမဏ္ဌိုင်​တစ်​ခုဖြစ်​သည်​ကို မည်​သူမျှငြင်း၍ရမည်​ မဟုတ်​ပါ။ ပညာဖြင့်​သာနိုင်​ငံကိုတည်​​ဆောက်​ ကြရပါသည်​။
       ပညာ​ရေးစနစ်​ဆိုသည်​မှာလည်းပညာ​ရေး လုပ်​ငန်းကြီး တစ်​ခုလုံးကို လည်​ပတ်​​စေ​သော ​ရေစီး​ကြောင်း တစ်​ခုဖြစ်​ပါသည်​။ပညာ​ရေးအင်​ဂျင်​ များဖြစ်​​သော ဆရာ၊​ဆရာမများက ကုန်​ကြမ်း ဆို​သော​ကျောင်းသူ​ကျောင်းသားများကို ကုန်​​ချော အဖြစ်​ တနည်းအားဖြင့်​ တန်​ဖိုးရှိ​သော လူသားများ အဖြစ်​ပညာ​ရေးဂဏ္ဌမှ ပုံ​ဖော်​ကြရသည်​။
        ​ရှေးယခင်​​ခေတ်​များက ဘုန်း​တော်​ကြီးသင်​ ပညာ​ရေးစနစ်​တစ်​ခုတည်းကိုသာ အားထားခဲ့ကြရ သည်​။၎င်းပညာ​ရေးစနစ်​သည်​ TCAဟု​ခေါ်​သော ဆရာဗဟိုပြု​စနစ်​ဟု သုံးသပ်​ကြသည်​။ ​ကျောင်းသူ ​ကျောင်းသားအား ​တွေး​တော စဉ်းစားနိုင်​​သောဉာဏ်​
(thinking)ကို ပိတ်​ပင်​ရာ​ရောက်​သည်​ဟု တနည်းအား ဖြင့်​ မ​ကောင်းဟု ဆိုပြီး (CCA)/(CFS)စနစ်​ကို ပုံ​ဖော်​လာပါသည်​။
          မြန်​မာနိုင်​ငံတွင်​ ပညာ​ရေးစနစ်​​ကောင်း တစ်​ခုက်ို ပုံ​ဖော်​လာခဲ့သည်​မှာ ကျွ​န်ှုပ်​တို့တစ်​သက်​ ရှိပါပြီ။ ယင်းနှင့်​အတူ ​အ​ခြေခံပညာ​ကျောင်းများလည်း အ​ရေအတွက်​များလာပါသည်​။ကျေးရွာတိုင်းနီးနီးတွင်​ မူလတန်း/မူလွန်​/လ-ခွဲ ​ကျောင်းများရှိလာပါပြီ။
          ယခု​နောက်​ပိုင်းဖွင့်​​သော မူလွန်​​ကျောင်းများ တွင်​ ၅-တန်း၊၆-တန်းအထိ သင်​ကြားနိုင်​ပါသည်​။ ​ကျောင်းသူ​ကျောင်းသားများ အတွက်​မိမိရပ်​ရွာတွင်​ ပညာဆက်​လက်​သင်​ကြားရခြင်းသည်​  အခွင့်​​ကောင်းတစ်​ခုပင်​ဖြစ်​ပါသည်​။သို့​သော်​ ၅-တန်း၊၆-တန်း ပြီးပါက ပညာ​ရေးဆုံးခန်းတိုင်​ပြီ​လော။
           ၅၊၆-တန်းပြီး​သော်​ ၇၊၈၊၉၊၁၀အတန်းများ သင်​ကြားရန်​ နီးစပ်​ရာရပ်​ရွာ သို့မဟုတ်​ မြို့သို့တက်​ ပြီးသင်​ကြားရပါသည်​။ထိုအခါ သွား​ရေးလာ​ရေး ပြဿနာ ရှိလာခဲ့ပါပြီ။
           မူလွန်​​ကျောင်းများမရှိ​သေးခင်​ကာလက မူလတန်းပြီးလျှင်​ မြို့သို့သွားပြီး​ကျောင်းတက်​ခဲ့ ကြရသည်​။မိဘများကလည်း မိမိ၏သားသမီး များက်ို မြို့ကအိမ်​တစ်​အိမ်​တွင်​ ​နေစရိတ်​ စားစရိတ်​​ပေး၍ ​ကျောင်းထား​ပေးကြရပါသည်​။ ယ​နေ့အချိန်​အခါတွင်​ မိမိတို့၏ရွာ အနီးအနား၌လ-ခွဲ၊ ထခွဲများ ရှိ​နေပြီဖြစ်​၍ မြို့သို့သွားပြီး ​ကျောင်းမထားကြ​တော့​ပေ။ မိမိအိမ်​မှ ​နေ့ချင်းပြန်​ ​ကျောင်းတက်​ရန်​ ဖန်​တီးကြသည်​။ မိဘ အ​နေဖြင့်​လည်း မိမိ၏သားသမီးများကို မိမိ၏မျက်​စိ ​အောက်​တွင်​ ထားရ၍ စိတ်​​ကျေနပ်​ကြရသည်​။ သို့​သော်​ သွား​ရေးလာ​ရေး အခက်​အခဲများ ရှိလာ ပါသည်​။
       အထူးသဖြင့်​ ကျွနှုှုပ်​တို့ ရခိုင်​ပြည်​နယ်​ဆိုလျှင်​ သွား​ရေး လာ​ရေး ပိုမိုခက်​ခဲသည်​ကို​တွေ့ရသည်​။ မြစ်​ ​ချောင်း​ပေါများခြင်း ​တောင်​ကုန်း​တောင်​တန်း​များရှိုခြင်းတို့က အဓိကကျပါသည်​။ မြစ်​ ​ချောင်းများနှင့်​ နီးစပ်​​သော​ဒေသများတွင်​ ​ကျောင်းတက်​ ​ကျောင်းဆင် အတွက်​စက်​​လှေများကို အားကိုးကြရသည်​။ ကုန်းပိုင်း ​ဒေသရှိ​ကျောင်းသူကျောင်းသားများမှာလည်း ကား သုံးဘီး ​ထော်​လာဂျီ များကိုအားကိုးကြရပြန်​ သည်​။အလွန်​အန္တရယ်​များ​သော သွားလာ​ရေးခရီး ဖြစ်​ပါသည်​။
         ​ကျောင်းသူ​ကျောင်းသားများအတွက်​ စိုးရိမ်​ စရာ​ကောင်းလှပါသည်​။  ၁၉.၈.၁၆​နေ့က ရခိုင်​ပြည်​ နယ်​ ရ​သေ့​တောင်​မြို့နယ်​မှ ​အ.ထ.က ​ကျောင်းသို့ တက်​ရန်​လာ​သော စက်​​လှေ နစ်​မြုပ်​​သော ပြဿနာ ကိုကြည့်​ပါ။ပုဏ္ဏားကျွန်း စက်​​လှေနစ်​မြုပ်​မှုကိုကြည့်​ ပါ။အခြားသတင်းမတက်​​သော ပြဿနာများ မည်​မျှ ရှိပါမည်​နည်း။
          ယခင်​ကဆိုလျှင်​ မူလတန်း​ကျောင်း တစ်​​ ​ကျောင်း၌ အလယ်​တန်းတွဲဖက်​ စနစ်​ရှိခဲ့ကြပါသည်​။
(ပညာတန်​​ဆောင်​ စာစီစာကုန်း၊ကဗျာ ပြိုင်​ပွဲများမှာ ​ပင်​လျှင်​" မည်​သည့်​တွဲဖက်​​ကျောင်းမှမ​ဆို ပြိုင်​ပွဲဝင်​ နိုင်​​ကြောင်း " ဟုမှတ်​ချက်​အနည်​ဖြင့်​ တွဲဖက်​စနစ်​ ကိုအသိအမှတ်​ပြုခဲ့ပါသည်​။)တွဲဖက်​စနစ်​​ဆိုသည်​မှာ မူလတန်း​ကျောင်းတစ်​​ကျောင်း၌ မူလတန်းအပြင်​ ၅-တန်းမှ ၈-တန်း အထိ အပြင်​မှအ​တွေ့အကြုံရှိ​သော ဆရာ ဆရာမ များအား​ခေါ်၍ သင်​ကြား ​စေ​သော စနစ်​ဖြစ်​ပါသည်​။ ယင်း၅-တန်းမှ ၈-တန်းအထိ ​ကျောင်းသားများကို သက်​ဆိုင်​ရာ နယ်​​မြေ အလက/အထက များတွင်​​ကျောင်းသားစာရင်းသွင်းရပါသည်​။
ဤသို့တွဲဖက်​စနစ်​ ရှိခြင်း​ကြောင့်​ ​ငွေ​ရေးအရ မြို့​ပေါ် တွင်​သွား​ရောက်​ ပညာမသင်​ကြားနိုင်​​သော ​ကျောင်းသားများမှာ တွဲဖက်​​ကျောင်း၌ သင်​ကြားခွင့်​ ရကြပါသည်​။အလယ်​တန်းအဆင့်​ ပြီး​မြောက်​သည်​ အထိပညာသင်​ကြားခွင့်​ရကြပါသည်​။
         ယခုအခါ တွဲဖက်​စနစ်​ ​ပျောက်​လုနီးပါး ဖြစ်​ပါလိမ့်​မည်​။မူလွန်​၊ လခွဲ၊ထခွဲများ ပွင့်​လာခြင်း​ ​ကြောင့်​ဟုဆိုနိုင်​ပါသည်​။ ပိုမို​ကောင်းမွန်​​သော ​ပြောင်းလဲမှုတစ်​ခုပါ။သို့​သော်​ မူလွန်​အဆင့်​၌ ၅/၆ ​လောက်​ကိုသာ သင်​ကြားခွင့်​ရသည့်​အတွက်​ ၇၊၈ အတန်းများကို အခြား​ကျောင်းများသို့သွား၍ သင်​ရပြန်​ ပါသည်​။
         ကျူရှင်​မပြရ ဥပ​ဒေ ​ကြောင့်​လည်း တွဲဖက်​ စနစ်​ကိုရပ်​ရွာများတွင်​ အ​ကောင်​အထည်​မ​ဖော်​ ဝံ့ကြ​တော့​ချေ။ ပြသမည့်​ ဆရာ ဆရာမများမှာလည်း ​နောက်​တွန့်​သွားကြရသည်​။
         ရခိုင်​ပြည်​နယ်​တွင်​ ​ကျောင်းသူ ​ကျောင်းသား များ​ကျောင်းတက်​ရန်​သွား​သော စက်​​လှေနစ်​မြုပ်​ ခြင်းမှာ ၂ ခါမက​တော့​ပေ။ ကုန်းလမ်းခရီးတွင်​လည်း ​ထော်​လာဂျီ သုံးဘီး ဘယ်​​လောက်​ ​​မှောက်​ပြီးပါသလဲ။ လူအ​သေအ​ပျောက်​မရှိ၍ သတင်းမတက်​ခြင်းသာ ဖြစ်​ပါသည်​။
         ​ရေ​ကြောင်းခရီးအတွက်​ အသက်​ကယ်​ အင်္ကျီ ဖြင့်​ရ​သော်​လည်း ကုန်းလမ်းခရီးအတွက်​မူ မည်​သို့ စဉ်းစားရမည်​နည်း။
         ​ပြဿနာတစ်​ရပ်​ကို​ဖြေရှင်းမည်​ဆိုလျှင်​ ​ရောဂါ တစ်​ခုကို ​အမြစ်​ပြတ်​​ပျောက်​ကင်း​အောင်​ ကုသသကဲ့ သို့ ​ဖြေရှင်းရန်​လိုအပ်​ပါသည်​။ ​လတ်​တ​လော သက်​သာရုံ ​နေကာင်းရုံမျှဖြင့်​ ကုသ၍မရ​ချေ။သို့မ ဟုတ်​ပါက မကြာမီယင်း​ရောဂါ ပြန်​​ပေါ်လာပါလိမ့်​ မည်​။ ကျွန်ှုပ်​တို့ ရခိုင်​ပြည်​နယ်​တွင်​ ​​ရေလမ်းခရီး၌ ကျောင်းတက်​​နေရ​သော ​ကျောင်းသား ​ကျောင်းသူ မျာက်ို အသက်​ကယ်​အင်္ကျီ ဝတ်​​ပေး​စေကာမျှဖြင့်​ ခရီးအခက်​အခဲပြဿနာကို သက်​သာရုံမျှ ကုသ ​ပေး​နေကြရသည်​။
         ပညာ​ရေးအတွက်​ ​ကျေးရွာတိုင်း ​ကျေးရွာ တိုင်းတွင်​ အနည်းဆုံး လ-ခွဲ အဆင့်​ရှိသင့်​ပါသည်​။ ​ကျောင်းသားဦး​ရေ မရှိဟုဆိုချင်​ ဆိုနိုင်​ပါသည်​။
        တစ်​ခါကသတင်းတစ်​ပုဒ်​ ဖတ်​လိုက်ရပါသည်​။ နိုင်​ငံတစ်​နိုင်​ငံတွင်​ဖြစ်​သည်​။ ​​ကျေးရွာ တစ်​ရွာနှင့်​ ဆက်​သွယ်​ထား​သော မီးရထားလမ်းကို ယင်းရွာက ရွာသူရွာသားများ ရထားမစီးကြ​တော့၍ ပိတ်​မည်​ဟု အဆိုပြုကြပါသည်​။ သို​​သော်​ ယင်းရွာက ​ကျောင်းသူ တစ်​ဦးမှာ ယင်းရထားလမ်းမှ ရထားဖြင့်​ ​နေ့တိုင်း ​ကျောင်းတက်​ ​ကျောင်းပြန်​ သွား​နေသည်​ကို ​တွေ့ရှိရ ၍ ရထားနှင့်​ရထားလမ်းကို မပိတ်​ဖြစ်​လိုက်​ပါ။(သတင်းမမှန်​ဆိုပါ​စေဦး​တော့။ လူ့အဖွဲ့အစည်းတစ်​ခုသည်​ ယင်းသို့ ဖြစ်​​နေရမည်​ ဟုယူဆပါသည်​) ​ကျောင်းသူတစ်​ဦး အတွက်​သုံးစွဲလိုက်​​သော ရထား လမ်းတစ်​ခုဖြစ်​သွားပါသည်​။ ​လေးစားအတုယူ စရာ လူ့အဖွဲ့ အစည်းတစ်​ခု ဟုယူဆမိပါသည်​။ ယင်းသည်​ ပင်​လျှင်​ လူ့အခွင့်​ အ​ရေး မဟုတ်​ပါ​လော။
         ကျွန်ှုပ်​တို့ ​ကျေးရွာ များတွင်​လည်းလ-ခွဲအဆင့်​ ​ကျောင်းမရှိသင့်​ပါလား။ ​ကျောင်းသူ တစ်​​ယောက်​ တည်းမဟုတ်​ပါ။ အနည်းဆုံး ၁၀ ဦးနှင့်​ အထက်​ ရှိပါ လိမ့်​မည်​။ အရည်​အတွက်​ နည်းချင်​နည်းပါလိမ့်​မည်​။ အရည်​အချင်းနည်းချင်​နည်းပါလိမ့်​မည်​။ သို့်​သော်​ သူတို့သည်​ ပညာသင်​ကြားခွင့်​ အပြည့်​အဝ ရှိကြပါ သည်​။
          ​ကျောင်းသတစ်​​ယောက်​သည်​အနည်းဆုံး အလယ်​တန်းအဆင့်​ကို မ​ကြောင်းကြ မ​တောင့်​တ သင်​ကြားခွင့်​ရှိရပါမည်​။ ထိုသို့ သင်​ကြားခွင့်​ရရန်​ မည်​သူတို့၌ တာဝန်​ရှိပါသနည်း။
          လက်​ရှိအစိုးရတွင်​တာဝန်​ရှိပါသည်​။ တာဝန်​ ယူရပါမည်​။ ​ဖြေရှင်းရပါမည်​။
          ​ဂေါရာတစ်​ခုကို လုံးဝ​ပျောက်​​အောင်​ အ​ကောင်းဆုံး မကုသနိုင်​​သေးပါက ယခင်​သုံးစွဲခဲ့​ ​သော​ဆေးများ ယခုသုံးစွဲ​နေ​သော ​ဆေးများကို စီစစ်​ ရပါမည်​။( ၁)ပုဂ္ဂလိက​ကျောင်း၊ အစိုးရ​ကျောင်း၊ တွဲဖက်​စနစ်​ များကိုပြန်​လည်​သုံးသပ်​ရပါမည်​။ (သို့မဟုတ်​ပါက)(၂)​ကျောင်းတိုင်းနီးပါးကို လ-ခွဲ အဆင့်​ထိ တိုးမြှင့်​သင့်​ပါသည်​။ (သို့မဟုတ်​ပါက) လမ်း၊ တံထား အ​ဆင်​​ပြေ​စေရန်​ စီစဉ်​​ပေးရပါမည်​။ သို့မှသာ ကျွနှုှုပ်​တို့၏ အနာဂတ်​ကြယ်​ပွင့်​များ၏ ဘဝ အနာဂတ်​ လှပမည်​ ဖြစ်​ပါ​ကြောင်း အကြံပြု​ရေး သားလိုက်​ပါသည်​။
                (နီဝန်းသစ်​)

ကြားခံ(ကဗျာ)

မြေနှင့်ကောင်းကင်
စစ်ပွဲဆင်၍
ရေပြင်လှိုင်းများကြမ်းတော့သည်။
အပူနှင့်အအေး
အားပြိုင်ပြေး၍
လွပ်ရေးမျှော်ကာရှောင်ရသည်။
အချိန်ရယ်တန်
ပြေငြိမ်းပြန်လည်း
နလန်မထူဖေးကူမရှိသည်
ကြားလူအပေါင်းဒုက္ခဆောင်းသော အော်..စစ်..စစ်။

                အဘာသား

ဒီဇင်ဘာ

ဒီဇင်ဘာ
အစည်းပြီခရေဆိုးကျိုးအဖြစ်
အရောင်ညစ်လားရေလခြမ်း
တမ်းတလို့ လွမ်းမိခယင့်......။
ဒီဇင်ဘာ
မှတ်တမ်းကိုပြန်ဖတ်ယင်း
အံကြိတ်နီရေလက်မောင်းတိက
"အား"တစ်ခုမဖြစ်နိုင်သိမ့်ထော...။
ဒီဇင်ဘာ
မင်းပါပါမပါပါ
ကြိုးတစ်ပင်ကျစ်ဖို့
လက်တစ်ဖက်ကမ်း
အလှမ်းမဝီးရေရောင်နီအတွက်
အစည်းကြီးကိုပြန်ချိုင်ကတ်မေ...။

                      အဘာသား

ရီစီးကြောင်း (ဝတ္ထုတို)

        " အကိုး...မောင်ကြီး..ကကောင်းကင်းစွန်းခူးကာ.."
        " အေး..ဝေ..အိမ်နောက်ဖဲ ဈီးဆိုင်တည်ဆိုမနင်း။ မင်းကဇာလားလေ..."
         "ဒေဖက်ကိုတစ်ခေါက်ရာအကိုး.."
    လမ်းကအော်ပနာပြောလားရေ ကျားချေကိုပြန်ပြောယင်း ကျနော်ဆက်ပြီးကေ ကင်းစွန်းခူးလိုက်တေ။ ဒေကင်းစွန်းနဲ့ ဒေနိတစ်ရက်စားရဖို့ဗျယ်။ဒေပိုင် မိုးနှောင်းပိုင်းအချိန် ဒေရွာမှာက ဟင်းတိရှားရေ။ဝယ်စားကေ ချိုင်ပေါင်တစ်စည်း တောင် ၅၀/၁၀၀ လတ်။ ဆန်နဲ့ဆိုကေ တစ်ဗူး တစ်ဗူးအလပ် လားရေ။အိမ်နားမှာစိုက်ထားမှတန်ကာကျစွာ။ကျနော်ရို့အိမ်နား မှာကခြံနည်းနည်းကျယ်လို့ ကင်းစွန်းခင်းချေတစ်ခင်း။ ချိုင်ပေါင်အပင် ၂၀ လောက်စိုက်ထားဖြစ်တေ။ဘူးပင်တစ်ပင် တော့ခါအညွန့်တက်တရာသိမ့်။ဒေပိုင်မစိုက်ထားလို့လေ့မရ။ မိုးတစ်မိုးလုပ်ခီမှစပါး ၁၀၀ ရစွာ။ယင်းချင့်ကိုတစ်အိမ်သားလုံး ထိုင်စားရဖို့အရေးကမလွယ်။ယေကေတောင် ဟင်းတိ၊ငါးတိ ကိုကိုယ့်စော်ရှာစားသိမ့်ယင့်။ ဟူး...လူ့ဘဝကမလွယ်..။
        ကျနော့်လက်မှာကင်းစွန်းသင့်အောင်ဖြစ်နီယာ။အရာ လက်တစ်ဆုပ်လောက်ဆိုကေတော်ဗျယ်။ကင်းစွန်းခင်းကလေ့ မြေဆီမကြဲလို့ရှိဖို့ကောင်းမလှချင်။နည်းနည်းရှာလို့ခူးရဖို့ဗျယ်။
              " ဟီး....ဟီး....အီး..ဟမ်း..ဟမ်း..."
              "အမ်း....အမ်း...ဟီး...ဟီး...ဟမ်း...."
        အချေတစ်ယောက်ငိုသံက အဆက်မပြတ်ထွက်ပါလတ် တေ။ယာ...အိမ်ကငိုစော်လာချင့်။နောက်ကိုလှည့်ကြည့်လိုက် တေ။မဟုတ်။အော်..ဟိုဖက်အိမ်က ဝိုင်းဝိုင်းငိုစော်။ ဝိုင်းဝိုင်း ဆိုစော်ကောင်မချေက ကကောင်းဆိုးရေ။သူလိုချင်ရေပစ္စည်း တစ်ခုဆိုကေ မရ ရအောင်ငိုလီဖို့စော်ယာ။ဖြားတကျငိုရေဆို စော်မျိုး။ဇာပိုင်လေ့မသိ။ကုလားပစီ၊နွားပစီဆိုပိုင်။အမိသေ ဖြူချေကလေ့သမီးကိုမနိုင်။အသက် ၃ နှစ်လောက်ရာရှိသိမ့်ရေ။ အဂုကပင်သမီးကိုမဆုံးမဘဲသမီးအလိုဂျီးယာလိုက်ပီးရေ။ ကိုယ့်မှာဖဲသာလေ့ရှိစော်မဟုတ်။ ဝိုင်းဝိုင်းကတစ်ရက်မှာ ဇာမျှချိန် ပိုင်စရာစားမသိယာ။ဝယ်ဖို့ဆိုကေလေ့အဂုဝယ်ဖို့။ မရကေရရေအထိငိုလီဖို့စော်ယာ။ထား..ထား..ဒေပိုင်သားသမီး မျိုးက။
               " ဟမ်း..အမ်း...ဟီး...ဟီး..."
               "အီး....အမ်း...ဟမ်း........."
        ဟူး.....။ကျနော်သက်ပြင်းချမိရေ။ဇာခါတန့်လီဖို့လဲ။နား ညည်းရေ။အမိသေဖြူချေလေ့တစ်ခုလေ့မပြောကာ။နီပင်နီနိုင် ထော။ငါ့သမီးဆိုကေလာ။တစ်ပတ်လျော့သတ်ပလိုက်ဖို့။ဒေ လောက်ထိရာတစ်ခုဆိုးရဖို့ဆိုကေ။ထွီး...အန္တရာယ်ကျဖို့ ကောင်းလားဗျယ်။တော်ဗျယ်၊တော်ဗျယ်။ကင်းစွန်းလေ့ဒေ လောက်ဆိုကေရဗျယ်။အိမ်ထဲမှာအအီးဆဆေးထိုင်နီခီရဖို့။ မဟုတ်ကေ ဒေအသံတိကိုကြားနီရဖို့သိမ့်။
        ကျနော် ကင်းစွန်းခင်းကအသာအသာအိမ်ဖက်ကိုလာ လတ်တေ။
             " ဟီး...ဟီး..ဟမ်း..အမ်း..."
        ယော်..အရာအချေငိုသံကာ။ဝိုင်းဝိုင်းလား။မဟုတ်။ကျ နော့်သား မောင်လပုငိုနီစော်မနင်း။ဇာဖြစ်လေချင့်။ကျနော်စိုး ရိမ်စိတ်တိဖြစ်လာရေ။သားဆိုစော် ကျနော့်ဘဝ။ကျနော့် ကိုယ်ပွား။ အိမ်ထဲကိုအယင်အယင်ခြီလှမ်းယင်း...
             "အမိသေ...ဇာဖြစ်လေ..ဇာဖြစ်လို့ငိုစော်လေ.."
             "မုန့်စားဖို့လတ်အဖသေ။ထမင်းစားပြီးခါ စားဆိုလို့ မရ။အဂုစားဖို့လတ်။မပီးဆိုလို့ငိုနီစော်.."
          ကျနော့်အိမ်ရှင်မက ကျနော့်လက်ထဲကကင်းစွန်းပင် တိကိုလှမ်းယူယင်းပြောလိုက်တေ။
              "လာ..သားသား..လာ..ဘာဘာနဲ့ဆိုင်ကိုလား ကတ်မေ..."
         ကျနော်ကသားကိုကောက်ရွက်ဗျယ်ချော့ပြောလိုက် တေ။အမိသေကကျနော်ကိုမျက်စောင်းထိုးကြည့်နီယင့်။အပြီး ကေအားမလိုအားမရလီသံနဲ့..
              "အေး..အဖသေ..အလိုလိုက်..အလိုလိုက်.."
              "အူး...ဇာဖြစ်လေဟေ။ လာ..သား...လာ။ ဘာဘာနဲ့ ဆိုင်ကိုလားကတ်မေ..."
          ကျနော့်အိမ်ရှင်မကိုပြုံးပြယင်းသားကိုပက်ခုန်းမှာတင် ဗျယ်ဒင်္ဂါးတစ်ရာခါးမှာလိပ်လို့မုန့်ဆိုင်ဖက်ကိုထွက်ပါလတ်တေ။ ကျနော့်သားချေစားချင်စော်စားပတ်စီ။ကျနော်ငတ်ကေလေ့ ငတ်။ကျနော့်သားဝမ်းတင်းဖို့လိုရေ။သားစော် ကျနော့်ဘဝ။ ကျနော့်အသက်။ကျနော့်အနာဂတ်။ဇာအရာတစ်ခုနဲ့လေ့မလဲ နိုင်။သားဖြစ်ချင်စော်တိရေအားလုံးဖြစ်ရဖို့။
            "သားသား...မုန့်ဆိုင်ကိုရောက်ကေ စားချင်စော်ကို စားနမ်း..."
        ကျနော့်ပါးစပ်က သားကိုပြောရင်း ကျနော့်ခြီလှမ်းတိကရွာ လယ်ကဆိုင်ကိုဦးတည်လိုက်မိပါဗျယ်ယေ။        ။
                  
                  (အဘာသား)

သက်ရောက်မှု(ဝတ္ထုတို)

               ကုလားထိုင်တစ်လုံးကိုပြီးအောင်လုပ်ရစော်လေ့ မလွယ်။သစ်တိပိုင်းရစွာတစ်မျိုး၊ ရပေါ်တိုက်ရစော်တစ်ဖုံနဲ့ တစ်ရက်လုံးလုပ်ရဖို့ယာချင့်။ တစ်ရက်လောက်လုပ်မှ ကုလား ထိုင်တစ်လုံးပြီးဖို့။ လက်သမားလောကမှာပြောကတ်ပိုင် ဆောက်တိုခါးကုန်း၊မယားမုန်းဆိုစွာ အမှန်တကယ်ရာ။ သစ်တိ ကဈီးကြီး၊ သံမှိုတိကခက်၊ လုပ်ရစော်ကပင်ပန်းရရေကြားထဲ ကုလားထိုင်တစ်လုံးရောင်းခီမှ ၄ထောင် ၅ထောင်။ တစ်မိသား စုတစ်ရက်စာ စားဖို့အနိုင်နိင်။ သူများလက်သမားတိပိုင် အိမ် ဆောက်၊တိုက်ဆောက်ဖို့လေ့မတတ်။ တစ်နိုင်တစ်ပိုင် အိမ်ပရိဘောဂ လုပ်ရစော်က လက်သမားမဟုတ်၊ မျောက်မ ဟုတ်ဆိုကေရယင့်။ ဟူး......ဘဝကပီးလာရေအတိုင်း ရှင် သန်ရဖို့ဗျယ်ယေ။
                "အဖသေ.....အဖသေ....ဇာစိုင်းစားနီလေ.."
                "အင်း.....မစိုင်းစား"
                 "အဖသေကို ဝမ်းသာစရာတစ်ခုပြောကဖို့သိမ့်"
            ကျွန်တော့်အိမ်ရှင်မက ဝမ်းသာရေမျက်နှာနဲ့ ပြော လာရေ။ မျက်လုံးတိကတောက်ပလို့။ မှိုရရေမျက်နှာမျိုးနဲ့။ ပြုံး သိပြုံးသွင်။
                "ဇာလဲ..ဟေ"
                 "အေမာ...ဈီးက ဖဲသာအိတ်တစ်အိတ် ကောက် ရခရေ။ ဖဲသာလေ့ ၇ထောင်(၇၀၀၀)တောင်ပါရေ အဖသေ"
                  "ယော်....ပိုင်ရှင်ကိုမရှာခလားယကေ"
            ကျွန်တော်က သိချင်ရေစိတ်နဲ့ ပြန်မိန်းကြည့်မိရေ။ ကျွန်တော့်အိမ်ရှင်မက...
                   "ဘေးပတ်ဝန်းကျင်တော့ခါကြည့်ခယင့်။ တစ် ယောက်လေ့ရှာနီစော်ကို မတွိကာ။ယကေယူခယာမနင်း။ တစ်ရက်အတွက်ပိုင်ရေမနင်းယေ..."
                    "ဟူး....နင်ကလေ့ဟေ....လူများဖဲသာနဲ့။ ထားလိုက်ဟုန့်သိမ့်။ ပိုင်ရှင်ပေါ်လာကေ ပီးလိုက်လို့ရအောင်"
                    "အဖသေကလေ့ ရူးရေဟန်။ ဈီးကရခစော် အိမ်မှာထားလို့ရဖို့သိမ့်လား။ သုံးပစ်လိုက်ဖို့ယာ။ ဒေမာဆိုင် မှာခေါင်းမလျှော်ရစော်ရစွာတောင်ကြာယာ။ ထမင်းစားပြီးကေ ခေါင်းလျှော်ဖို့လားဖို့။ အဖသေအိမ်စောင့်ကျန်လိုက်.."
               ကျွန်တော့်အိမ်ရှင်မက မာန်ပါရေလိုလို၊ အားမလို အားမရလိုလိုနဲ့ သူ့စိတ်ကူးတိကိုပြောပြီးကေ ကျွန်တော်အလုပ် လုပ်နီစော်နားက ထလားခရေ။
                 အော်...လူဆိုစွာလေ့ အလကားရကေ ဇာဖြစ် ဖြစ်လိုချင်စွာမျိုးလား။ ဟုတ်ဖို့တော့ခါမထင်။ ယကေလေ့ ကိုယ့်အတွက် ကောင်းကျိုး၊ကိုယ့်အတွက် သာဖို့ကိစ္စဆိုကေ လိုချင်ကတ်ရေမျိုး။ ကိုယ့်ဘက်ကရှုံးဖို့၊ နာဖို့ဆိုကေ မျက်နှာ မလှည့်ချင်ကတ်။ အေဟင့်သည်ပင် လူ့သဘာဝ၊ လူ့စိတ်၏ပုံ သေနည်းရာဟိဖို့။ အော်....လူ.....လူ.....။
.....................................................................
(၂)
       
            ရမ်းပေါက်လီပေါက်လာဗျယ်။ အဂုမှ အအီးစကေရ ရေ။ဒေပိုင်ကဆုန်လမှာက ကကောင်းအပူဒဏ်ကိုခံရရေ။ ညနီ စောင်းရမ်းပေါက်လီတိုက်မှ အအီးတဖဲ့ချေရကတ်စော်။ ကျွန် တော်လေ့ ဒေပိုင်တန်းခူး၊ ကဆုန်လတိမှာဆိုကေ နိခင်းဖက် ကောင်းအလုပ်မလုပ်ဖြစ်။ ချွေးတိက မတရားထွက်တေ။ယင်း အတွက်နဲ့ ညနီစောင်းရမ်းပေါက်လီ လာမှရာ အလုပ်ကိုစလုပ် ဖြစ်တေ။ မိုးထဖက်ချောထားရေသစ်တို၊သစ်စတိကို လိုအပ် တေပိုင်ဖြစ်အောင် လုပ်ရဖို့သိမ့်။
             လက်သမားဆိုစော်လေ့ တူသံကြားမှထမင်းဝရေ ဆိုမနင်း။ ထိုင်နီလို့ကတော့ခါ ပါးစ စွတ်ဖို့မဟုတ်။ လက်လှုပ် မှ ပါးစ စွတ်ဖို့။ ကျွန်တော်ရေ သစ်တိကို လိုအပ်တေပိုင်ရ အောင် လွှတစ်စင်းနဲ့ လုပ်နီမိရေ။
                  "အော....အဖသေ၊ အဖသေ...."
               ကျွန်တော့်အိမ်ရှင်မ ခေါ်သံတိက အလန့်တကြား ။ဇာမသေလေချင့်....
                     "ဇာလဲ...ဟေ"
                     "တစ်ခေါက်ပါလတ်ချက်...အယင်"
                ကျွန်တော် လုပ်လက်စလွှကိုအသာချပနာ အိမ်ရှင် မရှိရာအိမ်ထက်ကိုတက်ပါလတ်တေ။ အိမ်ထက်မှာတော့ခါ ရှုပ်ပွနီယင့်....။
                      "ဇာဖြစ်လေ..ဟေး..အားလုံးကြင်းနီကာ" ကျွန်တော်အံ့သြစိတ်နဲ့မိန်းမိရေ။
                    "ဇာမှာလေ အဖသေ...နားဒေါင်းတစ်ဖက် ပျောက်လားခယာ။အဖသေမမြင်မိလား..."
                 ကျွန်တော့်အိမ်ရှင်မ မျက်နှာတိက ရွာချဖို့ပျင်နီ ရေ မိုးရိပ်ခဲတိပိုင်။ မျက်လုံးတိက ဆောက်တည်ရာမရ။
                     "မမြင်လိုက်ကာ...အမိသေမှာ ဝတ်ထားရေ မနင်း"
                     "အေ...ဝတ်ထားရေ။မိုးထကသိမ့်ရှိရေ။ ဝက်အူချောင်နီလို့တောင် မကြာမကြာစမ်းနီစော်ချင့်"
                    "အမိသေမှာ ဇာမာကျကျန်ခကမသိ"
                    "အေ..ရှာပီးပလင်တစ်ချက်။ရပ်ကြည့်နီကာ"
            ဒေါသသံတိပါလာဗျယ်။ကျွန်တော့်ဖက်ကို အပူပတ် ပါလတ်ဖို့ချင့်။ ရှာကြည့်ရဖို့ချက်။ ကျွန်တော်  ဟိုနားတစ်ချက်၊ ဒေနားတစ်ချက် ရှာကြည့်မိရေ။ မရ။ ကျွန်တော့်အိမ်ရှင်မ တော့ခါ အိပ်ယာတိ၊ဂေါင်းအုံးတိ၊ ခြင်ထောင်တိပါမကျန် ရှာလီ ယင့်။
            အော်...ကျွန်တော့်အိမ်ရှင်မလေ့ စိတ်မကောင်းဖြစ် ဖို့၊ နှမြောဖို့နမ်းရာ။ ကျွန်တော်နဲ့ရရေလောက်ကပင် တစ်ခုလေ့ ဝယ်ထည့်ပီးနိုင်စော်ကမဟုတ်။ သူ့အမိ အဖရို့ဘက်ကပီးလို့ ဝတ်နီရစော်။ သူ့ခမျာလေ့ သနားဖို့ကောင်းရေ။
           ယာ...ငိုနီယာ။ ဟူး.....မမဆိုစွာလေ့ တေ့ကျကေ ငိုဖို့တတ်လာမသိယာ။ ကျွန်တော် အသာချေ အိမ်ရှင်မနားကို တိုးလိုက်တေ။
                "မငိုကေ့ဟေ...ပျောက်ဖို့ကံပါလို့ ပျောက်စွာလို့ မှတ်လိုက်ဖိ။ အမိသေလေ့ ဟိုလား၊ဒေလား၊ လားပစ်ခီယာ။ ဇာမှာကျကျန်ခကမသိ။ စ်ီးမွာက်က်န္ခလာ။ မဟုတ်ကေ ခေါင်းလျှော်ရေဆိုင်မှာယက် ကျကျန်ခရေဟန်။ ထားဖိ ထားဖိ။ ငါ နောက်တစ်ခု ဝယ်နိုင်အောင်ကြိုးစားမယ်.."
            ကျွန်တော်က စိတ်သက်သာရာ ရလိုရငြား ပြောလိုက်တေ။ အိမ်ရှင်မက ကျွန်တော့်ဖက်ကိုလှည့်လာပြီး ကေ မျက်စောင်းတဝင်းဝင်းနဲ့...
                 "ရဖို့ယေ...အဖသေပိုင်လုပ်နီလို့။ မေမေရို့ ဘာဘာရို့ဘက်က ပီးထားလို့ဝတ်ရစော်ကိုတစ်ခါ။ အမှတ်တရ လေ့ဖြစ်တေချင့်။ အဘာလေ...မပြောချင်ယာ..ဟီး...အီး.."
            စကားပြောယင်း ငိုသံတိကပါလာရေ
                 "ငိုမနီကေ့လေ့ဟေ..အချေလာ"
             ကျွန်တော့်နည်းနည်း စိတ်ဆတ်ပါလတ်တေ။ ဟူး..သူရို့ဗျယ်ခံစား။ဇာပိုင်စော်တိလဲ။ကျွန်တော့်စိတ်ထဲမှာ အိမ်ရှင် မကို စကေအလိုမကျချင်။
                 "အိုး...အရှင်မ....အရှင်မ..အကျွန့်နဒေါင်းကို ကောက်ရလို့ ပြန်မပီးပါက ဖီးကြီးသင့်ပါလီ၊ မိုးကြိုးပစ်ပါလီ၊ မြေကြီ.."
                   "ဟေး...ဟေး..တန့်ဖိကား..."
             သူ့စကားမဆုံးခင် ကျွန်တော့်အသံက ဟိန်းလို့ ထွက်ပါလားရေ။ ဇာဟင့်တိလဲ။စိတ်ထဲမှာလေ့ ကသိက အောက်ဖြစ်လားမိရေ။
                  "ဇာပိုင်လဲဟေ...မိုးထကဖဲသာအိတ်ကောက် ရလို့ ငါကပြန်ပီးဖို့ပြောခါ မရဗျယ်ဆို။အဂုလေ့အမိသေစော် မရဗျယ်။ အမိသေမှာပျောက်စော် ဇာမှာမှန်းမသိ။ အိမ်မှာရှာ လို့ရဖို့လား။ မိုးထက ဖဲသာပျောက်တေလူလေ့ အမိသေပိုင် ကျိန်လီဖို့ယေ။ ယင်းအတွက်နဲ့ အမိသေ ကျိန်စာကျစော်ချင့်"
             ကျွန်တော့်စကားတိက ဇာကိုရောက်လားလဲ ကျွန် တော်မသိ။ ကျွန်တော်ကနှစ်သိမ့်ဖို့၊ စိတ်ပြေအောင်ပြောဖို့ လေ့မတတ်။ ကျွန်တော်ပြောချင်စော်ကို ကောက်ပြောလိုက် စော်ရာ။
             ယေကေလေ့ အမိသေ အသံ...တိတ်လားခရေ။
            သူ့မျက်လုံးတိက ရီဝေဝေနဲ့ တစ်ခုခုကိုအလေးအ နက်စိုင်းစားနီသယောင်ယောင်။ ဇာလဲလို့ကျွန်တော် မပြော တတ်ပါ။ အော်....သူ့နားဒေါင်းကို နှမြောနီစော်လာ။ ကျွန် တော်ပြောလိုက်လို့ မာန်ပါလားခစော်လာ...။ ဇာချင့်လဲဆိုစော် ကျွန်တော် မသိလိုက်ပါဗျယ်။ အော်...လူ....လူ....။
                           (အဘာသား)