ကွင်းလယ်မှာလူပြည့်နေသည်

               ကွင်းလယ်မှာလူပြည့်နေသည်
       ဘောလုံးတစ်သင်းတွင်ကွင်းလယ်ကစားသမားများအလွန်များနေလျင်လိုရင်းဦးတည်ချက်ဖြစ်သောဂိုးရဖို့ရန်မှာအလွန်ခက်ခဲပါလိမ့်မည်။ကွင်းလယ်ကစားသမားများသည်နောက်တန်းနှင့်ရှေ့တန်းကိုထိမ်းညှိပေးသောကစားသမားများသာဖြစ်သည်။ကွင်းလယ်ကစားသမားများသည်အားနည်းသောနောက်တန်းသို့ဆင်းကူနိုင်သော်လည်းရှေ့တန်းသို့တက်ကာဂိုးရှူးဖို့ရန်မှာခက်ခဲလှသည်။ရှေ့တန်းတိုက်စစ်သမားများသည်လိမ္မာပါးနပ်စွာဖြင့်တစ်ဖက်ဂိုးသမား၏အရိပ်အယောင်ကိုကြည့်ပြီးမှန်ကန်တိကျစွာကန်သွင်းရသည်။နောက်တန်းနှင့်အလယ်တန်းများကဲ့သို့ဘောလုံးကိုတစ်ယောက်နင့်တစ်ယောက်ချိတ်ဆက်စကားပေးရုံဖြင့်မရ။တိကျသေသပ်သောဂိုးအဖြစ်ပြောင်းလဲရန်လိုအပ်သည်။
       ပညာရေးဂဏ္ဍတွင်မူလတန်း၊အလယ်တန်း၊အထက်တန်းဟူ၍အုပ်စုသုံးစုခွဲကာပညာသင်ကြားစေပါသည်။မူလတန်းအဆင့်သည်အခြေခံကျသောအဆင့်ဖြစ်သည်။တနည်းအားဖြင့်ဘောလုံးအသင်း၏နောက်တန်းကစားသမားများနှင့်တူသည်။အမှားခံ၍မဖြစ်သော၊အမှားလုပ်ခွင့်မရှိသောမူလအဆင့်ဖြစ်သည်။ဤအဆင့်တွင်တစ်ကြိမ်မှားရုံဖြင့်ဂိုးပေးရနိုင်သည်။အရှုံးနှင့်ရင်ဆိုင်ရနိုင်သည်။
       ဘောလုံးအသင်းတွင်ကွင်းလယ်ကစားသမားများသည်ဘောလုံးကိုပိုင်ဆိုင်မှုများများဖြင့်ထိမ်းကာမိမိအသင်းဂိုးရနိုင်ရန်ကစားကြရသည်။ထို့အတူပညာရေးဂဏ္ဍမှအလယ်တန်းအဆင့်သည်လည်းတိုက်စစ်ဖြစ်သောအထက်တန်းအဆင့်သို့ရည်ရွယ်လျက်ပညာရည်မြင့်မားစေရန်စွမ်းဆောင်ပေးရသည်။အထူးသဖြင့်မူလတန်းမှသင်ယူလာသောအခြေခံကိုယူကာအလယ်တန်းပညာကိုပြည့်ပြည့်ဝဝသင်ယူကြရမည်။သို့မှသာအထက်တန်းအဆင့်တွင်လွယ်လင့်တကူအောင်ပွဲဝင်နိုင်ပါလိမ့်မည်။အခြေခံပညာအထက်တန်းအဆင့်သည်ပညာသင်ကာလ၌အရေးကြီးသောအဆင့်ဖြစ်သည်။တနည်းအားဖြင့်အဆုံးသတ်သေချာရမည့်အပိုင်းဖြစ်သလိုတိုက်စစ်မှူးများ၏ခြေစွမ်းကိုပြရမည့်အပိုင်းလည်းဖြစ်သည်။ဘဝတစ်ခုကိုအနိုင်ဂိုးအဖြစ်ပြောင်းလဲနိုင်သည့်အချိန်လည်းဖြစ်သည်။
        ယခုတစ်နှစ်၊နှစ်နှစ်တွင်ပညာရေးဝန်းကျင်၌လှိုင်များမငြိမ်မသက်ဖြစ်ကြရသည်။ဘွဲ့ရများကိုမူလတန်းပြဆရာ၊ဆရာမများအဖြစ်ဆွဲခန့်ခန့်ထားခြင်း၊ယင်းဆွဲခန့်ဆရာ၊ဆရာမများကိုလုပ်သက်တစ်နှစ်၊နှစ်နှစ်ဖြင့်အလယ်တန်းပြအဖြစ်ရာထူးတိုးပေးခြင်းများကိုတွေ့မြင်ကြရသည်။ပညာရေးလောကအတွက်ဝမ်းသာစရာကောင်းသောလုပ်ငန်းများဖြစ်သည်။
ပညာရေးစနစ်တစ်ခုကိုအမြန်ဆုံးအကောင်အထည်ဖော်ရာတွင်လတ်တလောအဆင်ပြေနိုင်မည့်နည်းကိုသုံးသောအခါအပ်ချလောင်းဆရာဖြစ်စေဟူသောစနစ်ပေါ်ထွက်လာခဲ့သည်။ဆရာဖြစ်ပြီးမှသင်တန်းများပေးပြီးအရည်အသွေးပြည့်ဝစေသည့်နည်းဖြစ်သည်။ဤနည်းသည်လုံးဝအပြစ်ကင်းသောနည်းတော့မဟုတ်ချေ။ထို့ပြင်မူလတန်းအဆင့်မှာပင်အရည်အသွေးကိုစမ်းသပ်ကြည့်ရန်အချိန်မရလိုက်ဘဲတစ်ဆင့်ရာထူးသို့တိုးကာအလယ်တန်းသို့တက်ကြရပြန်သည်။ထိုအခါပြဿနာရပ်များကစီတန်း၍လာလေသည်။
       မူလတန်း၊မူလွန်ကျောင်းများ၌မူလတန်းပြဆရာများရာထူးတိုးသွားသောအခါမူလတန်းကိုအမှန်တကယ်တာဝန်ယူမည့်မူလတန်းပြဆရာများမရှိသလောက်ဖြစ်ကြရသည်။မူလွန်ကျောင်းများနှင့်လခွဲကျောင်းများတွင်အလယ်တန်းပြဆရာများပြွတ်သိပ်သွားရပြန်သည်။အပ်ချလောင်းဆရာဖြစ်စေစနစ်၏ဆိုးကျိုးများဖြစ်သည်။သို့သော်နိုင်ငံတော်၏ပညာရေးဂဏ္ဍလိုအပ်ချက်အရကယင်းသို့သွားရမည့်အချိန်လည်းဖြစ်နေသေးသည်။
        အခြေခံပညာရေးတွင်မူလတန်း၊အလယ်တန်း၊အထက်တန်းစသည်ဖြင့်ဟန်ချက်ညီညီအလုပ်လုပ်မှသာလိုအပ်နေသောပညာရေးမျှော်မှန်းချက်ကိုရောက်ရှိပါလိမ့်မည်။အခြေခံအဆင့်ဖြစ်သောမူလတန်းတွင်ဟာကွက်ရှိနေလျင်မည်သို့ရည်မှန်းချက်သို့ရောက်မည်နည်း။ထို့အတူအလယ်တန်းတွင်လစ်ဟာသွားလျင်လည်းမည်သို့မှလိုရာပန်းတိုင်သို့ရောက်လိမ့်မည်မဟုတ်ချေ။ဘောလုံးအသင်းတစ်သင်းမှာကဲ့သို့နောက်တန်းနှင့်အလယ်တန်းဟန်ချက်ညီညီနှင့်အပေးအယူမျှတရန်လိုအပ်သည်။နောက်တန်းခံစစ်မရှိဘဲအလယ်တန်းတွင်ကစားသမားများနေရုံနှင့်မည်သို့မှတစ်ဖက်အသင်းကိုအနိုင်ယူနိုင်လိမ့်မည်မဟုတ်။
      တိုက်စစ်ဖြစ်သောအထက်တန်းတွင်ပြဿနာများကရှိနေပြန်သည်။လခွဲကျောင်းများကိုအလယ်တန်းကျောင်းအဖြစ်တိုးမြှင့်ခြင်း၊အလယ်တန်းကျောင်းများကိုထခွဲကျောင်းများအဖြစ်တိုးမြှင့်လိုက်ခြင်းများသည်အလွန်ဝမ်းသာစရာကောင်းသော်လည်းအထက်တန်းပြများအလွန်နည်းပါးနေသည်ကစိတ်မချမ်းမြေ့စရာတစ်ခုဖြစ်နေသည်။ဤအဆင့်တွင်အပ်ချလောင်းဆရာဖြစ်စေစနစ်မရှိချေ။တက္ကသိုလ်ဝင်တန်းအောင်မြင်စဉ်ကပညာရေးတက္ကသိုလ်သို့အမှတ်မီသူများနှင့်စာပြသက်ငါးနှစ်ပြည့်ပြီးဝင်ခွင့်အောင်မြင်သောအလယ်တန်းပြဆရာများသာပညာရေးတက္ကသိုလ်သို့တက်ရောက်ကြရသည်။ထိုမှသာအထက်တန်းပြဖြစ်ကြရသည်။
      အလယ်တန်းပြများသည်အထက်တန်းပြဖြစ်ရန်ပညာရေးတက္ကသိုလ်ဝင်ခွင့်ဖြေဆိုကြရသည်။ဖြေဆိုရာ၌လည်းအနည်းဆုံးစာပြသက်ငါးနှစ်ရှိမှဖြေဆိုခွင့်ရကြသည်။သို့သော်ရာခိုင်နှုန်းအချိုးကျနည်းပါးသောကြောင့်ပညာရေးတက္ကသိုလ်ဝင်ခွင့်ရသောအလယ်တန်းပြဦးရည်မှာအလွန်နည်းပါးသည်။ဆွဲခန့်မူပြမှတက်လာသောအလယ်တန်းပြဦးရည်များလာသော်လည်းပညာတက္ကသိုလ်ဝင်ခွင့်မှာအလယ်တန်းပြများအတွက်ခက်ခဲနေသေးသည်။အဓိအားဖြင့်အချိုးကျစနစ်ဖြင့်ခေါ်ယူခြင်းကြောင့်ဖြစ်သည်။ဤသို့ဖြင့်ပညာရေးဂဏ္ဍတွင်အလယ်တန်းပြများများပြားလာရသည်။မကောင်းဟုမဆိုသာသော်လည်းအားနည်းချက်များဖြစ်ပေါ်လာသည်။မူလွန်ကျောင်း၊လခွဲကျောင်းများတွင်အလယ်တန်းပြများလိုသည်ထက်ပိုနေကြသည်။အထူးသဖြင့်မြို့ပေါ်မူလွန်ကျောင်းများတွင်ပို၍များသည်။
       အမှန်ဆိုရလျင်ပညာရေးဟူသည်အတန်းပညာသက်သက်ကိုဆိုလိုခြင်းမဟုတ်။သို့သော်မြန်မာ့ပညာရေးသည်အတန်းပညာရေးတွင်သာလုံးလုံးမူတည်နေသေးသည်။ထို့ကြောင့်ကျောင်းသား၊မိဘ၊ဆရာများအနည်ဖြင့်အတန်းပညာရေးကိုသာအလေးထားနေကြရသည်။အတန်းပညာရေးတွင်လည်းတိုက်စစ်ဖြစ်သောအထက်တန်းအဆင့်ကိုသာပို၍အလေးထားကြသည်။တက္ကသိုလ်ဝင်တန်းတွင်ဂုဏ်ထူးများများ၊အမှတ်များများဖြင့်အောင်မြင်ရေးကိုသာအားထားကြသည်။တစ်ဖက်ကလည်းအထက်တန်းပြဆရာဦးရည်မှာကျောင်းသားဦးရည်နှင့်အချိုးမညီနိုင်သေးချေ။ထို့ပြင်အလယ်တန်းပြများကိုအထက်ပြများအဖြစ်ခန့်ထားနိုင်မည့်ပညာရေးတက္ကသိုလ်ဝင်ခွင့်မှာလည်းအချိုးကျစနစ်ကြောင့်ဝင်ခွင့်ရဦးရည်အလွန်နည်းပါးနေသေးသည်။
     ဘောလုံးတစ်သင်းတွင်ကွင်းလယ်ကစားသမားများများရုံဖြင့်လိုရင်းဦးတည်ချက်ဖြစ်သောဂိုးရဖို့ရန်အလွန်ခက်ခဲပါသည်။ကွင်းလယ်ကစားများသည်နောက်တန်းနှင့်ရှေ့တန်းတိုက်စစ်ကိုအထောက်အပံ့ပေးသောသူများသာဖြစ်သည်။အားနည်းသောနောက်တန်းကိုဝင်ကူနိုင်သော်လည်းရှေ့တန်းကိုဝင်ရောက်ကူညီရန်ခက်ခဲလှသည်။ထို့ကြောင့်တိုက်စစ်သမားများကိုမွေးထုတ်ပေးရန်လိုအပ်နေသည်။ပညာရေးတွင်လည်းအတန်းပြများများပြားစွာရှိနေသော်လည်းအထက်တန်းပြများအလွန်လိုအပ်လျက်ရှိရာအလယ်တန်းပြများကိုပညာရေးတက္ကသိုလ်ဝင်ခွင့်အချိုးကျစနစ်ကိုစဉ်းစားလိုအပ်လာသည်။သို့မဟုတ်ပါကကွင်းလယ်မှာလူပြည့်နေပြီးနောက်တန်းနှင့်ရှေ့တန်းတွင်အားနည်းနေမည်သာဖြစ်ပါကြောင်း......။            ။
                             နီဝန်းသစ်

ပြောကြသူများ

"ပြောကြသူများ"
(၁)
        "ခဏစောင့်..အရီး"
ရွာဆော်မောင်ငယ်၏စကားကြောင့်သူမအနည်းငယ်စိတ်အိုက်သွားသည်။သို့သော်စောင့်နေရုံမှအပသူမအတွက်ထပ်ပြီးအထွန့်တက်စရာမရှိ။ထို့ကြောင့်မြေပြင်တွင်ဖိနပ်တစ်ဖက်ကိုခုကာထိုင်နေလိုက်သည်။မည်မျှကြာသည့်အထိစောင့်နေရမည်ကိုသူမမသိသလိုသိလည်းမသိချင်မိ။သူတို့ခေါ်မှသွားတွေ့ရမည်ကသူမ၏တာဝန်တစ်ရပ်ဟုသတ်မှတ်ထားသည်။
မသတ်မှတ်လို့လည်းမဖြစ်။အုပ်ချုပ်ရေးမှူးသာဇံလှကဤရွာတစ်ရွာ၌သာမကအနီးပတ်ဝန်းကျင်ရွာများတွင်လည်းဩဇာကြီးသူတစ်ယောက်ဟုဆိုရမည်။စည်းကမ်းကြီးကြောင်း၊အလုပ်လုပ်ရာမှာတိကျကြောင်း၊ကျေးရွာနာရေးသာရေးများတွင်ဦးဆောင်ဦးရွက်လုပ်တတ်ကြောင်းစသည်ဖြင့်နာမည်ကြီးသည်။ရွာသူရွာသားများကလည်းသူ့စကားကိုလိုက်နာကြသည်။သူမကိုလည်းသူမ၏အလုပ်ကိုစွန့်လွှတ်ရန်အကြိမ်ကြိမ်ပြောခဲ့သည်။သူမကသာအုပ်ချုပ်ရေးမှူးကိုဆန့်ကျင်လျက်ဆက်လုပ်ဖြစ်ခဲ့သည်။သို့သော်ယခုကဲ့သို့အုပ်ချုပ်ရေးမှူးအိမ်သို့တစ်ခါမှမခေါ်ဖူးသောကြောင့်သူမစိတ်လေးမိသည်ကအမှန်။ထို့ပြင်အုပ်ချုပ်ရေးမှူး၏ယခုတစ်ခေါက်လုပ်ရပ်ကိုသူမသဘောမတွေ့ချင်။ခါတိုင်းဖြေရှင်းနေကျကိစ္စကိုယခုတစ်ကြိမ်မှာမှသူမအိမ်သို့ရွာဆော်နှင့်တစ်ဆင့်အခေါ်လွှတ်လိုက်သည်မှာသူမကိုအပြစ်ရှာလို၍၊သို့မဟုတ်ပါကတမင်အာဏာပြချင်၍ဟုသာသူမမြင်သည်။သူမအလုပ်ကလည်းအုပ်ချုပ်ရေးမှူးနဲ့ကင်းကွာ၍မရ။အုပ်ချုပ်ရေးမှူးနှင့်အဆင်ပြေမှသာသူမအလုပ်ကတည်တံ့မည်။
တစ်ခါတစ်ခါလည်းသူမအလုပ်ကိုသူမစိတ်ပျက်မိသည်။အိမ်သို့ဝင်လာတုန်းကအကောင်းကြီးဖြစ်ကြသော်လည်းအိမ်မှပြန်ထွက်သွားကြသည့်အခါစိတ်ရိုင်းကလေးများဝင်လျက်ထွက်သွားကြသည့်လူအများကိုမြင်ရတိုင်းသူမစိတ်မကောင်းချင်။သိုသော်လည်းသူမအနေဖြင့်နောက်ထပ်မည်သည့်အလုပ်ကိုမှမလုပ်တတ်သလိုလုပ်တတ်အောင်လည်းမကြိုးစားခဲ့။
ငယ်ရွယ်စဉ်အချိန်ကအခြားသူငယ်ချင်းလုံမပျိုများကလယ်ထဲတွင်ကောက်စိုက်ပျိုးနှုတ်ကြ၊ငါးရှာဟင်းခူးကြသော်လည်းသူမကယင်းအလုပ်များကိုစိတ်မဝင်စားချင်။အဖေအမေထံတွင်ဝင်ကူရင်းသာနေခဲ့သည်။အရွယ်ရောက်လာခဲသော်လည်းမိဘတို့၏လက်ရင်းအလုပ်ကိုသာဆက်လုပ်ဆဲ။ထို့ကြောင့်ပင်ကိုသာစိန်နဲ့အိမ်ထောင်ကျခဲ့ခြင်းဖြစ်မည်ဟုသူမထင်သည်။
ကိုသာစိန်ကသူမတို့အိမ်ကိုမကြာမကြာလာတတ်သည်။သူမကိုရွှန်းလဲ့ရီဝေသောမျက်လုံးများဖြင့်ကြည့်ပြီးသူ့သူငယ်ချင်းများနှင့်စကားကောင်းတတ်သည်။စီးပွားရေးကိစ္စ၊ရွာ၏သာရေးနာရေးကိစ္စမှအစနိုင်ငံရေးအခြေအနေအထိအာပေါင်အာရင်းသန်သန်ဖြင့်ပြောကြသည်။တစ်ခါတစ်ခါသူမသည်လည်းကိုသာစိန်၏ပြောစကားများကိုအလုပ်လုပ်ရင်းနားထောင်ဖြစ်ခဲ့သည်။သူမမသိသည်များလည်းပါသည်။သူမသိသည်များကိုလည်းကြားရတတ်သည်။သူမအနေဖြင့်ကိုသာစိန်၏ရီဝေသောအကြည့်များထက်ကိုသာစိန်၏ချိုသာသောစကားလုံးများကိုပိုပြီးရင်ခုန်မိသည်ကအမှန်။ထို့ကြောင့်ပင်ကိုသာစိန်ကသူမကိုမေတ္တာရှိကြောင်းပြောလာသောအခါမငြင်းမိဘဲချက်ချင်းလက်ခံလိုက်ခြင်းဖြစ်သည်။သို့သော်ကိုသာစိန့်အကြောင်းကိုပေါင်းသင်းနေထိုင်လာမှသိလာရသည်။ကိုသာစိန်ကအပြောဖြင့်သာအလုပ်လုပ်တတ်ပြီးလက်ဖြင့်အလုပ်လုပ်သူမဟုတ်။သူမကသာမိဘလက်ရင်းအလုပ်ဖြင့်ရှာဖွေကျွေးမွေးရသည်။ထို့ပြင်သားသမီးမထွန်းကား၍သူမနှင့်ကိုသာစိန်တို့မကြာမကြာစကားများဖြစ်ကြသည်။တစ်ချို့ရွာသူရွာသားများကလည်းသူမ၏အလုပ်ကြောင့်ကံတရားကဒဏ်ခတ်သည်ဟုဆိုကြပြန်သည်။
မည်သို့ပင်ဆိုစေကာမူမိဘများဆုံးပါးသွားသောအခါကိုသာစိန်ကိုအားကိုးပြီးဘဝကိုရုန်းကန်ခဲ့သည်။ကိုသာစိန်ကသာသူမ၏အားကိုးကိုမခံယူဘဲစကားလုံးများဖြင့်အလုပ်လုပ်တတ်ဆဲ။သူမကိုမှီခိုဆဲ။သူမမညည်းညူခဲ့သည်ကိုသူမကိုယ်သူမအသိဆုံးဖြစ်သည်။သူမ၏အလုပ်ကနာမည်သာဆိုးသော်လည်းခေတ်မည်မျှပြောင်းပြောင်းရိုးအီသွားခြင်းမရှိ။အသုံးနည်းသည်များသည်သာကွားခြားသည်။
...........×............×............×..........
(၂) ဥက္ကဋ္ဌခေတ်မှအုပ်ချုပ်ရေးမှူးခေတ်သို့ပြောင်းသွားသော်လည်းသူမအလုပ်ကမည်သို့မျှမပြောင်းလဲဘဲပုံမှန်လည်ပတ်နေသည်ဟုဆိုရမည်။အခြားနေရာများမှနာမည်အမျိုးမျိုးတပ်ကာရောက်လာသောပစ္စည်းများကသူမကိုအနည်းငယ်စိတ်ညစ်ရစေသည်။သူမအတွက်ပြောင်းလဲခြင်းဆိုသည်ကပြိုင်ဆိုင်မှုများလာခြင်းပင်ဖြစ်သည်။ကျန်သည့်အရာများကဘာမှပြောင်းလဲမသွားဟုသာသူမမြင်မိသည်။ရွာကိုလျှပ်ပြက်သကဲ့သို့လျှပ်တပြက်ရောက်လာကြသောမြို့ပေါ်ကလူတစ်ယောက်စနှစ်ယောက်စပြောသောကျေးရွာမီးလင်းရေး၊စာကြည့်တိုက်ဖြစ်မြောက်ရေးများကသူမအတွက်အရေးကြီးသောအကြောင်းအရာများမဟုတ်။ရွာသူရွာသားများကလည်းပြောသူတို့ပြန်လျှင်သူမဆီသို့တန်းတန်းမတ်မတ်လာတတ်ကြသည်ချည်းပင်။
သူမဆီရောက်လျှင်သူတို့သိသမျှကိုရင်ဖွင့်ကြသည်။တစ်ခါတစ်ခါပါတီဆိုသောစကားများကိုလည်းကြားရသည်။တစ်ခါတစ်ခါဒမီန်ပရေဆီဆိုသည်များလည်းကြားရပြန်သည်။နားမလည်သော်လည်းနားထောင်း၍ကောင်းသည်ဟုသူမထင်မိသည်။ထို့ကြောင့်လည်းယင်းအကြောင်းများပြောနေကြလျှင်သူမဂရုစိုက်ပြီးနားထောင်ဖြစ်သည်။သို့သော်အာပေါင်အာရင်းသန်သန်ဖြင့်ပြောကြသောလူတို့သာပြောင်းသွားသည်။သူတို့ပြောသောအရာတို့ဖြစ်ထွန်းပေါ်ပေါက်လာသည်ကိုကားသူမမမြင်မိ။
............×...........×...........×.........
(၃)     ကိုသာစိန်ဆုံးသည့်နေ့ကရွာတွင်ဘုန်းကြီးမဟုတ်ဘဲတရားဟောမည့်သူများရောက်နေသည်ဆို၍သွားပြီးပင့်ရန်အသုဘချသူများကိုသူမတိုက်တွန်းကြည့်ဖူးသည်။သူတို့ကအသုဘချရာ၊အလှူပြုရာမှာဟောသည့်တရားများမဟုတ်ဟုဆိုကြသည်။သူမနားမလည်သော်လည်းရွာဦးဆရာတော်ကကိုသာစိန့်အသုဘတွင်တရားဟောပြောခဲ့သည်။
ကိုသာစိန်ဆုံးသွားသည်ဆိုသော်လည်းသူမအလုပ်ကိုသူမဆက်လုပ်ခဲ့သည်။အလုပ်ကပုံမှန်လည်ပတ်နေဆဲဖြစ်သည်။ပြောင်းလဲသွားသည်ကဤရွာတွင်သာဇံလှအုပ်ချုပ်ရေးမှူးဖြစ်ခြင်းပင်ဖြစ်သည်။သာဇံလှကအုပ်ချုပ်ရေးမှူးဖြစ်သည်ဆိုသည်နှင့်သူမ၏အလုပ်ကိုတိုက်ခိုက်လာသည်။မရောင်းရမဝယ်ရဟုသတ်မှတ်လာသည်။ရောင်းလို့တွေ့ပါကထောင်ဒဏ်ဟုပင်ဆိုလာသည်။လာနေကျလူများပင်သူမဆီသို့အလာကျဲသွားကြသည်။လာကြသော်လည်းခိုးကြောင်ခိုးဝှက်ဖြင့်သာလာကြရသည်။ထို့ပြင်အုပ်ချုပ်ရေးမှူးသာဇံလှကိုယ်တိုင်ရွာထဲတွင်ပတ်၍စနည်းနာပြီးအပြစ်ပေးသည်ဟုကြားရပြန်သည်။သို့သော်သူမနှင့်ထိပ်တိုက်မတွေ့ဖြစ်သေးသည်ကသူမအတွက်ကံကောင်းသည်ဟုဆိုရမည်။တွေ့ဆုံလာသော်လည်းသူမအတွက်အဆင်သင့်ဖြစ်အောင်ကြိုတင်စီမံထားသည်။စိတ်ထဲတွင်ကားတထင့်ထင့်။
.........×.............×..........×...........
(၄)     ဆိုင်းမဆင့်ဗုံမဆင့်ဘဲသူမဆီသို့အုပ်ချုပ်ရေးမှူးသာဇံလှရောက်လာသောအခါခြေမကိုင်မိလက်မကိုင်မိဖြစ်ရပြန်သည်။ဖွက်တန်သလောက်ဖွက်ထားသော်လည်းရောင်းရန်တင်ထားသည့်ပုလင်းများကအုပ်ချုပ်ရေးမှူးသာဇံလှအတွက်သက်သေအခိုင်အမာရသွားစေသည်။သူမအမျိုးမျိုးတောင်းပန်ကြည့်သည်။မရ။သာဇံလှကစာရွက်တစ်ရွက်ပေါ်၌သူမကိုလက်မှတ်ထိုးစေသည်။နောက်ဆုံးရှေးထုံးနည်းလာအောင်ကြောင်းဖြာဆိုသည့်အတိုင်းလစဉ်ကြေးပုံစံဖြင့်ပြေလည်သွားရပြန်သည်။
အလုပ်ကိုပုံမှန်ဖြစ်စေရန်ပုံမှန်ဖြင့်သူမလည်ပတ်ခဲ့သည်။အနှောင့်အယှက်ကင်းစွာရှေ့ဆက်ဖြစ်သည်။သို့သော်မနက်ကရွာဆော်မောင်ငယ်လာခေါ်ပြန်သည်။မည်သို့ဆက်ဖြစ်မည်ကိုသူမသိ။ပြေလည်ပါစေဟုသာဆုတောင်းနေမိသည်။
       " အစ်မမဲမ..ရောက်နေတာကြာပြီလား.."   
သူမမည်မျှကြာကြာအထိတွေးနေမိသည်မသိ။စကားသံကြောင့်မော့ကြည့်လိုက်သောအခါအုပ်ချုပ်ရေးမှူးသာဇံလှဖြစ်နေသည်။သူမထိုင်နေရာမှထလိုက်ကာ
      "ဘာကိစ္စလဲ..သာဇံလှ..ငါ့ကိုအခေါ်လွှတ်လိုက်လို့.."
သူမကသိလိုစိတ်ဖြင့်အုပ်ချုပ်ရေးမှူးသာဇံလှကိုမေးလိုက်သည်။သာဇံလှကခေတ္တမျှစဉ်းစားဟန်ပြုပြီိးမှအသံတိုးတိုးဖြင့်
"ဟုတ်တယ်..အစ်မရယ်....ချက်အရက်တွေကိုဖမ်းမလို့မြို့ကပုဂ္ဂိုလ်တွေရောက်နေကြတယ်.."
       "ဟင်..ဒါဆို..ငါဘာလုပ်ရမှာလဲ"
သာဇံလှ၏စကားကြောင့်သူမအလန့်တကြားဖြစ်ကာပြန်မေးလိုက်သည်။ရွာမှာဆိုလျှင်သာဇံလှနှင့်ကိစ္စပြီးနိုင်သော်လည်းမြို့ကပုဂ္ဂိုလ်များနှင့်ဆိုလျှင်တော်ရုံနှင့်ကိစ္စပြီးမည်မဟုတ်မှန်းသူမစဉ်းစားမိသည်။ထို့ပြင်ရုံးပြင်ကန္နားသို့လည်းသူမမသွားချင်။
     "ငါ..ဘာလုပ်ရမှာလဲ..သာဇံလှ..ဟင်"
သူမစိုးရိမ်တကြီးထပ်ဆင့်မေးလိုက်သည်။သာဇံလှကခေါင်းကိုလက်ဖြင့်ကုတ်ပြီးစဉ်းစားရကျပ်သည့်ပုံစံဖြင့်
"အကျယ်ကြီးမပြောပါနဲ့အစ်မ..ကျွန်တော်...ပွင့်ပွင့်လင်းလင်းပဲပြောမယ်နော်..သူတို့အိမ်ပေါ်မှာရောက်နေကြပြီ..ဒါပေမယ်..အမအနေနဲ့ဟိုဟာတွေကိုဝှက်ထားလိုက်လို့ရသေးတယ်..သူတို့နည်းနည်းကြာဦးမယ်"
သာဇံလှကအရေးကြီးသည့်ပုံဖြင့်ပြောသည်။
"ဪ...အေး..အေး..ကျေးဇူးပဲသာဇံလှရယ်..ဒါနဲ့နည်းနည်းကြာဦးမယ်ဆိုလို့သူတို့ကအပေါ်မှာဘာလုပ်နေကြတာလဲ..ဟင်"
သာဇံလှကသူမအနားသို့တိုးကပ်ကာအသံခပ်အုပ်အုပ်ဖြင့်
    "ဘီယာသောက်နေကြတာ.."
   "ဪ....."
သူမသည်ဘာစကားမှမပြောလိုက်တော့။သူမ၏အတွေးထဲ၌ကိုသာစိန်၏မျက်နှာကိုသာပြေးမြင်မိတော့သည်။
"ဪ..ပြောသူတွေ..ပြောသူတွေ..ပြောကြသူတွေ.."
                                  # အဘာသား

ထွက်ပေါက်

                "ထွက်ပေါက်"
(၁)    နယုန်မိုးသေးမြက်သားမွေးဆိုသော်လည်းယခုနှစ်နယုန်မိုးကားသည်းထန်လွန်းနေပြီ။ဤနယုန်မိုးသားတို့သည်မိုးရာသီ၏နိမိတ်၊မိုးရာသီ၏ရှေ့ပြေးလက္ခဏာ။သည်လက္ခဏာများသည်ပင်သူ့ကိုတဖန်နိုးထရန်လှုပ်နှိုးနေပြန်သည်။
       "ဟူး..."
သူသက်ပြင်းရှည်ကြီးတစ်ချက်ကိုမှုတ်ထုတ်လိုက်သည်။မိုရာသီအတွက်စဉ်းစားလိုက်တိုင်းအရာရာအားလုံးကသူ့အတွက်မသေချာ၊မရေရာ။ဟုတ်သည်။တစ်ခါတစ်ခါသည်မိုးရာသီကိုသူကြောက်နေမိသည်။သို့သော်ကြောက်၍လည်းမရပြန်။သည်မိုးကြောင့်သာစား၊ဝတ်၊နေရေးဆိုသောလူ့တာဝန်များကိုဖြေရှင်းနိုင်သလိုသားသမီးများကိုလည်းပညာသင်ပေးနိုင်ခြင်းဖြစ်သည်။သည်မိုးသည်သူ့အတွက်အတိတ်၊ပစ္စုပ္ပန်၊အနာဂတ်။သို့သော်မိုးအတိတ်သည်နားခိုစရာကောင်းသောဂေဟာလေးတစ်ခုဟုထင်ခဲ့ဖူးသည်။အတိတ်တို့သည်ကြည်နူးစရာ။လွမ်းမောစရာ။ပျော်ရွှင်ဖြစ်ခဲ့ဖူးသည်။သူ့စိတ်အာရုံတို့သည်လည်းအတိတ်ဆီသို့တရွေ့ရွေ့...။
...............×.............×...........×........
(၂)
       "ဆန်းမောင်..မင်းတို့လက်မထပ်ကြသေးဘူးလားကွ"
      "ဟုတ်တယ်ကွ..မင်းနဲ့လှမယ်အကြောင်းကိုတစ်ရွာလုံးပြောကုန်ပြီ"
သူငယ်ချင်းများဖြစ်ကြသောအောင်သိန်းနှင့်ကျော်လင်းတို့၏စကားကြောင့်သူတစ်ချက်ပြုံးမိသည်။ဟုတ်သည်။သူ့ကိုအိမ်ကမင်္ဂလာဆောင်ပေးမည်ဟုပြောနေသည်မှာကြာပြီ။တစ်ရွာလုံးကလည်းသူနှင့်လှမယ်ကိုသဘောတူကြသည်။အထူးသဖြင့်သူနှင့်လှမေသည်တစ်ရွာတည်းသားချင်းလည်းဖြစ်၊လယ်သမားသားသမီးချင်းလည်းဖြစ်သောကြောင့်နေနှင့်လရွှေနှင့်မြဟုပြောနေကြခြင်းဖြစ်မည်။သူကလည်းလှမယ်နှင့်အတူနေချင်လှပြီ။
       "ဝါမဝင်ခင်တော့ဖြစ်မယ်ထင်တယ်ကွ"
သူကမရေရာသေးသည့်အနာဂတ်ကိုတွေးရင်းပြန်ပြောလိုက်ပြီးကောက်စိုက်နေသောလှမယ်ကိုတစ်ချက်လှမ်းကြည့်လိုက်သည်။လှမယ်တို့လုံမပျိုတစ်သိုက်သည်မက္ကာလာ(ခမောက်)ကိုယ်စီဆောင်းလျက်အားကြိုးမာန်တက်ဖြင့်ကောက်စိုက်နေကြဆဲ။ကောက်စိုက်သမများကစကားပြောဖို့အချိန်မရအောင်အလုပ်များနေကြသလောက်သူတို့လယ်ထွန်သားများထံမှ"ဘား..ဘား..ဒီး..ဒီး"ဟူသောနွားများလိုက်မောင်းသံကအဆက်မပြတ်ပေါ်ထွက်လျက်ရှိသည်။
........×..........×.........×...........
(၃)
သီတင်းကျွတ်လ၏နှင်းစက်များကတဖြောက်ဖြောက်ကျကာအရာအားလုံးကိုအေးမြစိုစွတ်စေသလိုသူ၏နှလုံးသားတို့သည်လည်းအချစ်နှင်းစက်များကြောင့်အေးမြစိုစွတ်နေသည်။ဟုတ်သည်။သူထင်ထားသလိုဝါမဝင်မီကသူနှင့်လှမယ်တို့လက်ထပ်ဖြစ်ခဲ့သည်။တစ်ရွာလုံးလည်းပျော်ခဲ့ကြသည်။နှစ်ဖက်မိဘများလည်းပီတိဖြစ်ခဲ့ကြရသည်။
နှစ်ဖက်မိဘများသည်သူတို့အတွက်စပါးတောင်း၅၀၀ကိုလက်ဖွဲ့ပေးသည်။ထိုစပါးကိုရောင်း၍အိမ်ကလေးတစ်ဆောင်ဝယ်လိုက်သည်။ထို့နောက်အဖေ့ဆီမှလယ်တစ်ယှဉ်း(၆.၄ဧကကျော်ကျော်)ကိုငှါးပြီးလုပ်ဖြစ်သည်။အဆင်ပြေသည်ဟုဆိုရမည်။အငှါးသား(သူရင်းငှါး)တစ်ယောက်နှင့်သူကိုယ်တိုင်ကြပ်ကြပ်မတ်မတ်ဖြင့်အားသွန်ခွန်စိုက်လုပ်ဆောင်မှုကြောင့်စပါးအထွက်တိုးခဲ့သည်။ထို့ပြင်ဝမ်းသာကြည်နူးမှုကနှစ်ထပ်ဆင့်ဆိုသကဲ့သို့လှမယ်သည်လည်းကိုယ်ဝန်လွယ်ထားရသည်ဟုသိလိုက်ရသောအခါအတိုင်းမသိပီတိဖြစ်မိသည်။သူ့အတွက်ဘဝသည်ပြည့်စုံပြီဟုပင်ထင်မှတ်ခဲ့သည်။
.............×.........×.............×......
(၄)
"သာသနာ့အမွီခံ...တပည့်တော်တပည့်မရို့မှာသံသရာဝဋ်ဆင်းရဲမှကင်းလွတ်ပါရခြင်းအကျိုးငှါ..."
ရခိုင်အဆိုတော်ဦးမောင်သိန်း၏သီချင်းသံကြောင့်သူ၏စိတ်များကမည်သည်ကိုသတိရ၍မည်သည်ကိုလွမ်းဆွတ်လေသည်မသိဘဲမျက်ဝန်းအိမ်မှမျက်ရည်များစီးကျလာမိသည်။အလှူ့အမဖြစ်သောလှမယ်ကိုကြည့်လိုက်လျှင်လည်းမျက်ဝန်းတွင်မျက်ရည်များစိုလျက်။ပီတိမျက်ရည်သာလျှင်ဖြစ်လိမ့်မည်ဟုထင်မိသည်။အမှန်ဆိုရလျှင်သားကြီးကျော်ခိုင်သုံးနှစ်သားတွင်သမီးငယ်သျှင်အိမ်သူကိုမွေးဖွားခဲ့သည်။သားနှင့်သမီးအတွက်သူ၏လုံ့လဝိရိယများကိုနှစ်ဆမြှင့်ပြီးလယ်ထဲတွင်အားစိုက်လုပ်ခဲ့သည်။လယ်ကလည်းအားစိုက်လျှင်အားစိုက်သလောက်အထွက်နှုန်းတိုးခဲ့သည်။ထို့ကြေင့်ပင်သားကြီးကျော်ခိုင်အသက်ကိုးနှစ်တွင်သင်္ကန်းစည်းပေးနိုင်ခြင်းဖြစ်သည်။လယ်သမားတို့၏ဘဝကိုစဉ်းစားမိလျှင်ကျေနပ်စရာ၊ရောင့်ရဲစရာ၊တွယ်တာစရာဟုသူထင်သည်။ထို့ပြင်သမာအာဇီဝလုပ်ငန်းဖြစ်၍မိမိကိုယ်ကိုပင်တောင်သူဦးကြီးအဖြစ်ဂုဏ်ယူနေမိသည်။
............×...........×..........×..........
(၅)
ရာသီအလီလီပြောင်းလာခဲ့သော်လည်းနယုန်လ၏မိုးကားအငြိုးကြီးစွာရွာသွန်းနေပြန်သည်။ပတ်ဝန်းကျင်တစ်ခွင်လုံးလည်းမှုန်မှုန်မှိုင်းမှိုင်း။သည်အချိန်သည်အခါသည်သူတို့လိုလယ်သမားများအတွက်လယ်သို့ဆင်းချိန်။သို့သော်သူကအိမ်အောက်တွင်စုပုံထားသောထွန်တုံးများကိုကြည့်ပြီးခေါင်းကိုတွင်တွင်ခါနေမိသည်။
       "ဘာတွေတွေးပြီးဒီလောက်ခေါင်းခါနေရတာလဲ..အဖေကြီး"
   လှမယ်၏စကားကြောင့်သူ့အတွေးများရပ်တန့်သွားသည်။
      "ဘာမှမဟုတ်ပါဘူးကွာ..လယ်ထဲဆင်းရမလားလို့စဉ်းစားနေတာ"
      "အင်း..အငှါးသား(သူရင်းငှါး)တွေလည်းမရှိတော့.."
   လှမယ်ကစကားကိုဆုံးအောင်မပြောဘဲရွာနေသောမိုးကိုကြည့်ပြီးငေးနေသည်။ခဏနေမှ
      "သားကြီးဆီကလည်း..ဖုန်းမလာတာကြာပြီနော်..ဖေကြီး"
      "အေးဟာ..ဟိုတလောကတစ်ခါဆက်ပြီးကတည်းကမဆက်တာကြာပြီ..သမီးဆီကကောဖုန်းဆက်သေးလား"
       "သမီးဆီကဆက်တယ်..ပိုက်ဆံတောင်မှာထားသေးတယ်"
       "ဟူး....."
သူသက်ပြင်းမောကြီးတစ်ချက်ချလိုက်မိသည်။စဉ်းစားလိုက်လျှင်အရာရာတိုင်းကရင်မောစရာ။သားတစ်ယောက်၊သမီးတစ်ယောက်ရှိသည်ဟုသာဆိုရသည်။သူ့အနားမှာတစ်ယောက်မှမရှိ။သားကြီးကဘွဲ့ရပြီးသည်နှင့်ထိုင်းသို့ထွက်သွားသည်မှာ(၃)နှစ်လောက်ရှိပြီ။ပထမတစ်နှစ်၊နှစ်နှစ်မှာငွေပို့ပေးနိုင်သော်လည်းနောက်ပိုင်းနှစ်များတွင်ပုလိပ်များဖမ်း၍ပြေးရ၊ရှောင်ရသည့်အတွက်အဆင်မပြေဟုဆိုသည်။လယ်အလုပ်ကိုလုပ်ရန်ခေါ်သော်လည်းမလုပ်ချင်ဟုဆိုပြန်သည်။
     ရွာမှာလယ်လုပ်မည့်လူငယ်၊လူရွယ်ပင်မရှိတော့သလိုကောက်စိုက်မည့်လုံမပျိုများလည်းမရှိကြတော့။ယောက်ျားလေးများကကချင်၊ထိုင်း၊တရုတ်စသည့်ဘက်သို့ရသည့်နည်းဖြင့်ထွက်နေကြသည်။ရွာမှာနေပြီးလယ်အလုပ်ကိုမလုပ်ချင်ကြတော့။ဟုတ်လည်းဟုတ်သည်။လယ်တစ်မိုးလုပ်ပြီးမှရသည့်ငွေကမဆိုစလောက်သာသာ။လယ်သမားဘက်မှကြည့်ပြန်လျှင်လည်းစပါးဈေးကမရှိ၊မြေဆီ(မြေဩဇာ)များကဈေးကြီးသည့်အတွက်ကြိုတင်ချေးယူထားသည့်စိုက်ဘဏ်ငွေကိုပင်လျှင်အနိုင်နိုင်ဆပ်နေကြရသည်။အငှါးသား(သူရင်းငှါး)များကိုမည်သို့ဈေးကြီးပေး၍ငှါးနိုင်မည်နည်း။
မိန်းကလေးတို့သည်လည်းကောက်မစိုက်ကြတော့။တစ်နေ့မှာမှ(၁၅၀၀)မျှပေးနိုင်သည့်လယ်သမားတို့ဆီမှာအလုပ်လုပ်၍မိန်းကလေးများအတွက်အဆင်မပြေကြတော့။ထို့ကြောင့်အဆင်ပြေနိုင်မည့်ရန်ကုန်၊ထိုင်း၊တရုတ်၊မလေးတို့ကိုရသည့်နည်းဖြင့်ထွက်ကြပြန်သည်။လက်မခံနိုင်သော်လည်းအပြစ်မဆိုသာဟုထင်မိသည်။
      "ငေးလှချည်လား..ဖေကြီး..ဘာတွေများတွေးနေတာလဲ"
      "အေးကွာ..ရွာမှာကလယ်လုပ်မယ့်အငှါးသား(သူရင်းငှါး)တွေမရှိ၊ကောက်စိုက်မယ့်မိန်းကလေးတွေလည်းမရှိတော့..ငါတို့ဘယ်လိုလယ်ထဲဆင်းကြမလဲ.."
မယ်ကမည်သည့်စကားမှပြန်မပြောချေ။ပြောမည့်စကားလည်းလှမယ်တွင်ရှိလိမ့်မည်မထင်။သို့သော်ခဏနေပြီးမှ
       "သမီးဆီကိုငွေပို့ရမယ်..အဖေကြီး"
       "အင်း...စပါးဝယ်မယ့်သူရှိလို့လား"
သူ၏စကားကိုလှမယ်ပြန်မဖြေနိုင်သည်ကိုသူသိသည်။ဟုတ်သည်။ဤတစ်နှစ်၊နှစ်နှစ်တွင်းစပါးဈေးကအကျသာရှိသည်။ထို့ပြင်ဝယ်မည့်သူများပင်မရှိဟုဆိုရမည်။ဝယ်မည့်သူရှိ၍ရောင်းမည်ဆိုသော်လည်းအရှုံးးနှင့်ရင်ဆိုင်နေကြရသည်။သို့သော်ဝမ်းရေးကခက်သည့်အတွက်သူတို့လိုလယ်သမားများကမျက်စိစုံမှိတ်ကာရောင်းချနေကြရသည်။အနာဂတ်ကိုစဉ်းစားမိတိုင်းရင်မောရသည်။
..........×............×.........×....... 
(၆)
"လယ်သမားတွေစိုက်ဘဏ်ကချေးငွေကိုပြန်ဆပ်ဖို့စပါးသိပ်ရောင်းချင်နေကြတယ်..ဒါပေမယ့်ဗျာ..စပါးဈေးကတက်ရိပ်မရှိတော့..ကျွန်တော်တို့လည်းမဝယ်ဖြစ်ဘူးလေ"
နှာခေါတာ(စပါးပွဲစား)မောင်လုံး၏စကားကိုနားထဲမှာပြန်ကြားမိတိုင်းလယ်သမားဘဝကိုသူစိတ်ကုန်ချင်မိသည်။အားကိုးအားထားရာမရှိသည့်လယ်သမားဘဝ၊နိုင်ချင်သူတိုင်းနိုင်ပြီးလုပ်ချင်သူတိုင်းလုပ်ယူခြင်းခံနေရသည့်လယ်သမားဘဝကိုသူစိတ်ကုန်မိသည်။သူ့လယ်မှထွက်သောစပါးကိုသူ့စိတ်ကြိုက်ရောင်းခွင့်မရှိဘဲဝယ်သူရှိမှရောင်းရမည်ဆိုသည်မှာမဖြစ်သင့်ဟုထင်မိသည်။သို့သော်သူမည်သို့မျှမတတ်နိုင်။တတ်နိုင်သည့်ခွန်အားလည်းသူ့မှာမရှိ။
       "ဆန်းမောင်..ဝေး..ဆန်းမောင်"
   အိမ်ရှေ့မှခေါ်သံကြောင့်လှမ်းကြည့်လိုက်သည်။သူငယ်ချင်းကျော်လင်းဖြစ်သည်။ 
       "ဘာလဲ..ကျော်လင်း"
       "အပြင်ခဏ..ထွက်ခဲ့ကွာ"
  သူအပြင်သို့ထွက်လာသည်။ကျော်လင်းပုံစံကအရေးကြီးသည့်ပုံစံဖြစ်နေသည်။ခေါင်းမှာလည်းမက္ကလာ(ခမောက်)ဆောင်းထားသေးသည်။
       "ဘာလဲ..ကျော်လင်း"
       "လာမှာသာလာစမ်းပါ..ဟိုရောက်ရင်သိမှာပေါ့ကွ"
ကျော်လင်း၏ခေါ်ရာနောက်ကိုသူလိုက်ခဲ့သည်။
........×........×...........×.............
(၆)
သူအံ့ဩမိသည်ကအမှန်။လူသုံးရာလေးရာခန့်ရှိမည်ထင်သည်။အလံကိုယ်စီကိုင်ပြီးစီတန်း၍သွားနေကြသည်။ကြွေးကြော်သံများကိုလည်းကြားနေရသည်။သို့သော်ထိုအသံများကိုရှင်းလင်းစွာမကြားရ၍အာရုံစူးစိုက်ပြီးနားထောင်လျက်ကျော်လင်းနောက်မှခြေလှမ်းသွက်သွက်ဖြင့်လိုက်လာခဲ့သည်။
လူအုပ်ကြီးမှကိုင်ထားကြသောဆိုင်းဘုတ်များ၊အလံများကိုသူအသေအချာမြင်လိုက်ရပြီ။ကြွေးကြော်သံများကိုလည်းပီပြင်သူရှင်းလင်းစွာကြားလာရပြီး။ထို့ကြောင့်ကျော်လင်းနောက်မှနေ၍လူတန်းကြီးထဲသို့တိုးဝင်လိုက်သည်။ထို့နောက်လူတန်းကြီးအော်နေသောကြွေးကြော်သံများအတိုင်းအသံကုန်အော်လိုက်သည်။
"-စပါးကိုအစိုးရမှပေါက်ဈေးသတ်မှတ်ပြီးဝယ်ပေးရေး..ဒို့အရေး"
"-စိုက်ဘဏ်ငွေဆပ်ရမည်ကိုဆိုင်းငံ့ထားရေး..ဒို့အရေး"
"-ကုန်ဈေးနှုန်းများကိုလျော့ချပေးရေး..ဒို့အရေး"
လူတန်းကြီးသည်မမောပန်းနိုင်ဘဲလမ်းမကြီးတစ်လျှောက်တစ်ရွေ့ရွေ့ချီတက်နေသလို၊ကြွေးကြော်သံများကလည်းကြားရသူတို့ကိုကြက်သီးမွှေးညှင်းထစေသည်။သူတို့အတွက်အနာဂတ်တို့ကလင်းထိန်လျက်ရှိသည်ကိုမြင်ယောင်နေမိသည်။နယုန်လ၏မိုးစက်တို့သည်ပင်တစ်ဖြောက်ဖြောက်ရွာသွန်းလျက်သူ့တို့ကိုအားပေးနေသည့်အလား......။     ။
                                           အဘာသား