ပီတိစားပြီးအမှန်အားဖြစ်ပါစေ

        "တစ်ပြားမရှိ
          တပည့်မရှား
          ပီတိကိုစား
          အားဖြစ်၏" တဲ့။မှန်ပါတယ်။ကျောင်းဆရ၊ဆရာမတွေ ဟာတစ်ပြားမှမရှိပါဘူး။ပီတိကိုစားနေလို့အားဖြစ်နေပါပြီ။တပည့်တော့မရှားဘူးပေါ့။
         ဘယ်သူစခဲ့တဲ့စကားမှန်းမသိပါဘူး။ကျောင်းဆရာဘဝ ကိုထင်ဟပ်စေတဲ့စာပိုဒ်လေးပါပဲ။ကျောင်းဆရာဘဝဆိုတာဒီကဗျာပိုဒ်လေးနဲ့ထပ်တူရှိနေမှကျောင်းဆရာဘဝပီပြင်လားမှမသိတာ။ဘယ်အချိန်မှာပေါ်ပေါက်ခဲ့မှန်းမသိတဲ့ကဗျာလေးဟာယနေ့ခေတ်ထိတိုင်မှန်နေတာကတော့အံ့ဩစရာပါပဲ။
        ဒိနေ့ခေတ်ဟာဒီမိုကရေစီခေတ်ပါ။ဥပဒေအထက်မှာ ဘယ်သူမှမရှိပါဘူး။ပညာရေးဝန်ထမ်းတွေလည်းဒိလိုပါပဲ။ဘယ်ဌာနဘယ်လိုရှိပါစေပညာအလင်းပြပဂ္ဂိုလ်ဆရာ၊ဆရာမပညာရေးဝန်ထမ်းတွေဟာကိုယ်ကျင့်တရားကောင်းမွန်ရပါမယ်။လာဘ်ပေးလာဘ်ယူမှုတွေ၊ဥပဒေကိုခွထိုင်မှုတွေကင်းရှင်းရမယ်ပေါ့။ကိုယ်ကျင့်တရားကောင်းမွန်ရေးဟာမိမိကိုယ်တိုင်လိုက်နာရုံသာမကမိမိရဲ့တပည့်တွေကိုပါဒီလိုစိတ်ဓာတ်တွေရှိအောင်သင်ကြားရပါမယ်။၂၀၁၁ခု၊စက်တင်ဘာလပညာတန်ဆောင်မှာပြည်ထောင်စုသမ္မတမြန်မာနိုင်ငံတော်သမ္မတဦးသိန်းစိန်ရဲ့ဇူလိုင်လ၂၈.၂၉ရက်နေ့ရခိုင်ပြည်နယ်၊တောင်ကုတ်၊အမ်း၊မင်းပြားနှင့်မြောက်ဦးမြို့များသို့သွားရောက်ခဲ့တဲ့ခရီးစဉ်မှာပြောကြားခဲ့တဲ့အမှာစကားကိုကောက်နှတ်ဖော်ပြထားပါတယ်။
           "ပညာရေးဂဏ္ဌမြင့်မားမှသာတိုင်းပြည်ဖွံ့ဖြိုးတိုးတက် အောင်လုပ်ဆောင်နိုင်မည်ဖြစ်ကြောင်း၊ဆရာ၊ဆရာမများအနေဖြင့်မိမိတို့တပည့်များကိုအမှန်တကယ်တတ်ကျွမ်းအောင်သင်ကြားပေးရန်လိုကြောင်း၊တပည့်များကိုပညာတတ်ရုံသာမကကိုယ်ကျင့်တရားကောင်းမွန်သူများ၊စည်းကမ်းကောင်းမွန်သူများ၊ဥပဒေကိုလေးစားလိုက်နာသူများဖြစ်အောင်သင်ကြားပေးရန်လိုကြောင်း၊ထို့အတူမိမိတုင်းပြည်ကိုချစ်မြတ်နိုးပြီးပြည်ထောင်စုစိတ်ဓာတ်စွဲမြဲထက်သန်သူများဖြစ်အောင်ငယ်စဉ်ကတည်းကလေ့ကျင့်ပျိုးထောင်ပေးသွားရန်လိုကြောင်း"စသည်ဖြင့်ဖော်ပြထားပါတယ်။
           သမ္မတကြီးပြောခဲ့တာအလွန်မှန်ပါတယ်။ပညာရေး ဂဏ္ဌမြင့်မားမှသာတိုင်းပြည်ဖွံ့ဖြိုးတိုးတက်အောင်လုပ်ဆောင်နိုင်ပါမယ်။ပညာမြင့်မှလူမျိုးတင့်ပါတယ်။အမှန်ကပညာရေးဂဏ္ဌဆိုတာအလွန်ကျယ်ပြန့်ပါတယ်။ဆရာ၊ဆရာမတွေသာမကပညာရေးဌာနတစ်ခုလုံးမှာရှိနေတဲ့ဝန်ထမ်းတွေပါ ပါလာပါပြီ။ သင်ကြားရေးပိုင်းသာမကတော့ပါဘူး။အုပ်ချုပ်တဲ့မြို့နယ်ပညာရေးမှူးတွေ၊စစ်ဆေးတဲ့လက်ထောက်မြို့နယ်ပညာရေးမှူးတွေပါပါဝင်လာပါပြီ။နောက်ပြီးခရိုင်၊ပြည်နယ်စသည်ဖြင့်အဆင့်ဆင့်တစ်နိုင်ငံလုံးပါလာပါပြီ။သူတို့အပါအဝင်ပညာရေးဌာနမှပညာရေးနဲု့သက်ဆိုင်တဲ့ပုဂ္ဂိုလ်တွေအားလုံးပါဝင်ကြိုးစားပါမှပညာရေးမဏ္ဌိုင်ကြီးခိုင်မြဲပါမယ်။တိုးတက်ပါမယ်။
           ပညာရေးမဏ္ဌိုင်ကြီးခိုင်မြဲဖို့ပညာရေးဝန်ထမ်းတွေ ကြိုးစားကြရပါမယ်။ပညာရေးဝန်ထမ်းဆိုတာပညာရေးတာဝန်ကိုအမှန်တကယ်ထမ်းဆောင်တဲ့ပုဂ္ဂိုလ်တွေပါ။အမှန်တကယ်လိုအပ်တဲ့ပညာရေးဂဏ္ဌကိုဝင်ရောက်ဖြည့်စွက်တဲ့သူတွေပါ။ပညာရေးဌာနမှပညာရေးဝန်ထမ်းတွေဟာပညာရေးဝန်စီးတွေမဖြစ်သင့်ပါဘူး။ပညာရေးလောကမှာအသာခိုစီးတဲ့သူတွေမဖြစ်ရပါဘူး။
          ယနေ့ပညာရေးဂဏ္ဌနိမ့်ကျမေတာဟာပညာရေးဌာန မှာအသာခိုစီးနေတဲ့ပညာရေးဝန်စီးတွေများနေလို့ပါပဲ။ပညာရေးဝန်စီးလို့ဆိုရာမှာသင်ကြားရေးပိုင်းကိုတာဝန်ယူထားတဲ့ဆရာ၊ဆရာမတွေသာမက၊ပညာရေးရုံးများမှာတာဝန်ထမ်းဆောင်မေတဲ့ပုဂ္ဂိုလ်တွေပါအကျုံးဝင်ပါတယ်။သင်ကြားရေးပိုင်းကကျေးရွာကျေးလက်တွေမှာတာဝန်ထမ်းဆောင်နေတဲ့ဆရာ၊ဆရာမတွေဘယ်လောက်ဇွဲကောင်းကောင်းနဲ့ကြိုးစားပါစေရုံးဝန်ထမ်းတွေအကျင့်ဖောက်ပြန်လျှင်လည်းဒီမြို့နယ်၊ဒီပြည်နယ်ဟာပညာရေးဂဏ္ဌတိုးတက်မှုရှိမှာမဟုတ်ပါဘူး။ထို့အတူပါပဲရုံးဝန်ထမ်းတွေဘယ်လောက်ဇွဲသန်သန်နဲ့အလုပ်ကိုကြိုးစားပါစေသင်ကြားရေးပိုင်းကဆရာ၊ဆရာမတွေအကျင့်ပျက်နေလျှင်လည်းဒီမြို့နယ်၊ဒီပြည်နယ်၊ဒီနိုင်ငံဟာဘယ်တော့မှပညာရေးမဏ္ဌိုင်ကြီးခိုင်မြဲမှာမဟုတ်ပါဘူး။
          ပထမဆုံးအနေနဲ့ဆရာ၊ဆရာမတွေရဲ့တာဝန်သိမှုကို ပြောပါရစေ။တာဝန်ယူဖို့အရင်ဦးဆုံးတာဝန်သိဖို့လိုပါတယ်။ပညာရေးဌာနမှာဆရာ၊ဆရာမတစ်ယောက်အဖြစ်တာဝန်ထမ်းဆောင်တော့မယ်ဆိုပညာရေးဂဏ္ဌမှာတစ်ထောင့်တစ်နေရာကတာဝန်ယူမယ်ဆိုတဲ့တာဝန်သိမှုပါပဲ။ဒီတာဝန်သိမှုမပါဘဲဘယ်သူမှဆရာ၊ဆရာမဖြစ်မလာပါဘူး။တာဝန်သိတဲ့အတွက်တာဝန်ပေးခြင်းခံရတာပါ။လစာများများရမှ၊ကျူရှင်ပြရမှမဟုတ်ပါဘူး။နိုင်ငံတော်ရဲ့လိုအပ်ချက်၊မိမိတိုလူမျိူးတစ်မျိုးလုံးရဲ့လိုအပ်ချက်အတွက်တစ်ထောင့်တစ်နေရာကတာဝန်ယူမှုပါပဲ။
         "ကိုရင်ငါးမမျှားဘူး"လို့မြန်မာစကားပုံတစ်ခုရှိပါတယ်။ ကိုရင်ဆိုရင်ငါးမမျှားပါဘူး။ငါးမျှားလို့တွေ့တဲ့ပုဂ္ဂိုလ်ဟာကိုရင်မဟုတ်တော့ပါဘူး။ဆရာ၊ဆရာမတွေလည်းဒီလိုပါပဲ။တာဝန်သိသိကြီးနဲ့တာဝန်ယူမှုလစ်ဟင်းတာဟာဆရာ၊ဆရာမမပီသလို့ပါပဲ။ဆရာ၊ဆရာမမဟုတ်လို့ပါပဲ။ပညာရေးမှာအသာခိုစီးတဲ့ဆရာ၊ဆရာမအမည်ခံသက်သက်နဲ့အချောင်သမားပါပဲ။
          နောက်တစ်ခုကပညာရေးရုံးဝန်ထမ်းတွေပါ။မြို့နယ် ပညာရေးမှူးရုံး၊ပြည်နယ်ပညာရေးမှူးရုံးတွေရဲ့လုပ်ဆောင်ချက်ပါပဲ။သူတို့ရဲ့လုပ်ဆောင်ချက်တွေဟာဆရာ၊ဆရာမတွေအပေါ်အလွန်မှထိရောက်ပါတယ်။တစ်ခါကဆရာတစ်ယောက်နဲ့စကပြောဖြစ်ခဲ့ပါတယ်။သူဟာမြို့နယ်ထဲကကျေးရွာတစ်ရွာမှာတာဝန်ထမ်းဆောင်ခဲ့တာအနှစ်၂၀နီးပါးရှိပါပြီတဲ့။ပညာရေးဌာနကိုဝင်ရောက်ခဲ့တာလည်းအနှစ်၂၀လောက်ရှိပါပြီတဲ့။ဒါပေမယ့်လစာကိုတစ်ခါမှအပြည့်မရဖူးပါလို့ဆိုပါတယ်။ရုံးဖြတ်စရိတ်၊ဘာစရိတ်၊ညာစရိတ်၊လူကြီးလာစရိတ်စသည်ဖြင့်ဘာမှန်းမသိဘဲတစ်လတစ်လသုံး၊လေး၊ငါးထောင်စီအဖြတ်ခံရပါတယ်တဲ့။ဆရာ၊ဆရာမတွေခမျာမလောက်ရတဲ့လစာထဲဟိုကဖြတ်၊ဒီကဖြတ်နဲ့လကုန်လို့လစာထုတ်တာမဟုတ်ဘဲရုံးမှာစာရင်းရှင်းဖို့သွားသလိုပါပဲတဲ့။
        စဉ်းစားစရာတွေပါ။ဘာကြောင့်ဒီလိုတွေဖြစ်နေရပါသ လဲ။ရုံးဝန်ထမ်းတွေရဲ့အကျင့်ပျက်မှု၊တစ်နည်းအုပ်ချုပ်သူရဲ့ခြစားမှုတစ်ခုလို့ပဲဆိုပါရစေ။အုပ်ချုပ်တဲ့သူတွေအကျင့်ပျက်နေသမျှသင်ကြားရေးပိုင်းကဆရာ၊ဆရာမတွေညည်းညူရမှာပါပဲ။ဆရာ၊ဆရာမတွေညည်းညူပါသော်......။ပီတိစားပြီးအမှန်အားမ ဖြစ်တော့ပါဘူး။
         တပည်းမရှား
         တစ်ပြားမရှိလို့အားဓမ္မကျူရှင်တွေထပ်ထပ်ပေါ်လာဦး မှာပါ။ဆရာ၊ဆရာမတွေရဲ့တာဝန်သိမှုတွေထပ်လျော့လာပါဦးမည်။တာဝန်သိမှုဆိုတဲ့တာဝန်သိစိတ်အရှိဘဲတာဝန်ယူထားတဲ့သူတွေရှိနေသမျှကာလပတ်လုံးဒီနိုင်ငံ၊ဒီလူမျိုးဟာဘယ်တော့မှတိုးတက်မှာမဟုတ်ပါဘူး။
         သမ္မတကြီးပြောခဲ့တဲ့တပည့်တွေကိုပညာတတ်ရုံသာ မကကိုယ်ကျင့်တရားကောင်းမွန်သူတွေဖြစ်အောင်ဘယ်လိုမွေးထုတ်ပါမလဲ။မိမိကိုယ်တိုင်ကိုယ်ကျင့်တရားမရှိမှတော့ဘယ်သူ့ကိုကိုယ်ကျင့်တရားကောင်းရေးပြောလို့ရမှာတဲ့လဲ။ပညာရေးဝန်ထမ်းတိုင်းကိုယ်ကျင့်တရားကိုလက်ခံကျင့်သုံးရန်အချိန်တန်ပါပြီ။ဥပဒေကိုခွထိုင်မှုတွေကင်းရှင်းဖို့အချိန်တန်ပါပြီ။ပညာရေးဝန်ကိုစီးမနေတော့ဘဲပညာရေးတာဝန်ကိုအမှန်ထမ်းဖို့အချိန်တန်ပါပြီ။
        ဒီမိုကရေစီခေတ်နှင့်အညီကိုယ်ကျင့်တရားကောင်း ကောင်းမွန်မွန်နဲ့တာဝန်သိပြီးတာဝန်အမှန်ယူတတ်ပြီဆိုမှသာပညာရေးဂဏ္ဌတစ်လုလုံးပီတိကိုစားပြီးအမှန်အားဖြစ်ပါတော့မည်။      ။
                                         နီဝန်းသစ်
##....တိုးတက်ရေးသတင်းလွှာ