ဘဝအတွေးများ

        တစ်နေ့ကဆယ်တန်းအောင်ခါစ
မိန်းကလေးတစ်ယောက်နဲ့စကားပြောဖြစ်ခဲ့ပါတယ်။ဆယ်တန်းအောင်ပြီဆိုတော့ဘာဆက်လုပ်မလဲလို့မေးမြန်းမိခဲ့ပါတယ်။သူကဆယ်တန်းတော့အောင်ပါတယ်။အမှတ်ကနည်းတယ်ဆိုတော့ဘာမှလုပ်လို့ရမှာမဟုတ်ပါဘူးတဲ့။ဒါကြောင့်တက္ကသိုလ်တက်မယ်ပေါ့။အဝေးသင်နဲ့ဘွဲ့ယူပါလားဆိုတော့၊အဝေးသင်တော့မတက်ပါဘူး။အဝေးသင်တက်တယ်ဆိုတာဘာမှအတွေ့အကြုံမရဘူးတဲ့။ပြီးတော့အဝေးသင်တက်တယ်ဆိုတာအသက်ကြီးတဲ့သူတွေမှသာတက်တာတဲ့။ပြီးတော့ရည်းစားလည်းထားလို့မရဘူးတဲ့။
          ကျွန်တော်လည်းထပ်ပြီးဘာလို့အဝေးသင်မှာရည်းစား ထားလို့မရတာလဲဆိုတော့ကောင်မလေးကဟူး...တက္ကသိုလ်(day)မှကောင်လေးချောချောလှလှတွေပိုက်ဆံချမ်းသာတဲ့သူတွေလာတက်တာတဲ့။လူ့ဘဝမှာပိုက်ဆံမချမ်းသာရင်ဘာလုပ်မှာလဲတဲ့။အော့...ကျွန်တော်သိလိုက်ပါပြီ။ လူငယ်တွေရဲ့အတွေးဆိုတာ။
           လူငယ်တွေကပိုက်ဆံချမ်းသာချင်တယ်။ခေတ်ပေါ် ပစ္စည်းတွေကိုလိုချင်ကြတယ်။ကားဆိုရင်ကား၊လျှပ်စစ်ပစ္စည်းဆိုလျှပ်စစ်ပစ္စည်း၊ဆက်သွယ်ရေးပစ္စည်းဆိုရင်ဆက်သွယ်ရေးပစ္စည်းတွေကိုmodelအမြင့်ဆုံး၊အကောင်းဆုံး၊အသစ်ဆုံးမှကိုင်ချင်သုံးချင်ကြတယ်။ဒါမှဘဝမှာအကောင်းဆုံးပျော်ရွှင်မှုအရှိဆုံဒလို့ထင်တတ်ကြပါတယ်။
            ကျွန်တော်တို့တတွေရဲ့မျက်စိအမြင်မှာအကောင်း ဆုံးဆိုတဲ့ပစ္စည်း၊အသစ်ဆုံးဆိုတဲ့modelတွေကတကယ်ကောရှိရဲ့လား။ယနေ့modelအမြင့်ဆုံးဟာမနက်ဖြန်အဟောင်းဖြစ်ကုန်ပါပြီ။အသစ်အသစ်ပေါ်လာတဲ့ပစ္စည်းတွေရဲ့နောက်ကိုလိုက်လို့ကျွန်တော်တို့တကယ်မီနိုင်ရိုးလား။
   တစ်တောင်ပေါ်တစ်တောင်ဆင့်
   တောင်အမြင့်ပတ်ခြံရံ
   တစ်တောင်ဆုံးပြန်တော့
   တစ်လုံးကျန်ပြန်ပေသမို့
   ဖန်ဖန်လည်အားအင်နိုးလို့ရယ်
   ကြိုးလျှောက်ရပြန်  .....တဲ့။ထိပ်ဆုံးသို့တက်တိုင်းထိပ်ဆုံး ဆိုတာရှိနေသေးတာပဲမဟုတ်လား။တစ်တောင်ဆုံးပြန်တော့လည်းတစ်လုံးကျန်နေတာပဲမဟုတ်လား။ဘယ်မှာများဆုံးမှာလဲ။
        ကျွန်တော်တို့တတွေဘယ်သို့လျှောက်ပြီးဘယ်ဆီမှာ များနားရမှာလဲ။အောင်မြင်မှုတွေရဖို့၊ငွေကြေးချမ်းသာခြင်းတွေရဖို့တစ်နေကုန်တစ်နေခန်းကြိုးစား၍များကျွန်တော်တို့ရဲ့လိုအင်ကိုဖြည့်ဆည်းနိုင်ပြီတဲ့လား။ဒါဆိုကျွန်တော်တို့ဘာကိုများတန်ဖိုးထားရှာဖွယ်ရပါမလဲ။
        နည်းပညာတွေတိုးတက်နေတဲ့ခေတ်မှာထိုင်နေလို့ လည်းဘာမှဖြစ်လာမှာမဟုတ်ပါဘူး။တစ်ယောက်နဲ့တစ်ယောက်၊တစ်အုပ်စုနဲ့တစ်အုပ်စု၊တစ်နိုင်ငံနဲ့တစ်နိုင်ငံပြိုင်ဆိုင်ပြီးသူ့ထက်ကိုယ်ဦးစတမ်းမှာကျွန်တော်တို့ဘာကိုလုပ်နေမှာလဲ။နည်းပညာတွေကိုအမီလိုက်မှာလား။ငွေကြေးပိုင်ဆိုင်မှုတွေကိုအမီလိုက်မှာလား။
        မနက်ဖြန်အတွက်ယနေ့ပြင်ဆင်ခြင်းသည်အကောင်း ဆုံးထိုးစစ်ပါပဲ။ကျွန်တော်တို့တတွေဟာအနာဂတ်အတွက်ကြိုတင်ပြင်ဆင်ရင်းနေ့တွေ၊လတွေကိုကုန်ဆုံးကြပါတယ်။ဘဝရည်မှန်းချက်အများအပြားကိုအကောင်အထည်ဖော်ကြပါတယ်။အောင်မြင်မှုတွေရှိသလို၊ကျဆုံးမှုတွေလည်းကြုံရတာပါပဲ။နည်းပညာကိုလိုက်ရင်း၊ကြီးပွားမှုကိုလိုက်ရင်းဘဝပျော်ရွှင်မှုတွေလည်းပျောက်ဆုံးခဲ့ကြရပါတယ်။ကျွန်တော်တို့ရဲ့ဘဝပျော်ရွှင်မှုတွေဘယ်ရောက်ကုန်ပြီလဲ။
          အောင်မြင်မှုအတွက်ကြိုတင်ပြင်ဆင်ရင်း၊ငွေကြေး ပြည့်ဝမှုအတွက်ပြင်ဆင်ရင်းဘဝပျော်ရွှင်မှုတွေပျောက်ဆုံးကာကြောင့်ကြစိတ်တွေ၊တောင့်တစိတ်တွေကဘဝရဲ့အရသာကိုအမှောင်ချခြင်းခံကြရပါတယ်။
         တကယ်တော့ဘဝဆိုတာသီအိုရီတွေ၊ကော်ရော်လာရီ တွေနဲ့ညီမျှခြင်းချလို့မရပါဘူး။ဘဝဆိုတာဘဝပါပဲ။ဘဝမှာငွေကြေးကအဓိကလား၊အောင်မြင်မှုကအဓိကလား။ဘာများအဓိကလဲ။
         ကျွန်တော်တို့တတွေဟာငွေကြေးရှာဖွေမှုသက်သက် တစ်ခုတည်းကြောင့်ဘဝရပ်တည်နေတာမဟုတ်ပါဘူး။အောင်မြင်မှုသက်သက်တစ်ခုတည်းကြောင့်လည်းဘဝရပ်တည်နေတာမဟုတ်ပါဘူး။ယင်းတို့နဲ့ဆန့်ကျင်ဖက်ဖြစ်တဲ့ဆင်းရဲခြင်း၊ကျဆုံးခြင်းဆိုတာလည်းဘဝပါပဲ။
          ငွေကြေးဥစ္စာမပြည့်စုံလို့လည်းဝမ်းနည်းစရာမဟုတ် သလိုအောင်မြင်မှုမရှိလို့လည်းငိုကြွေးစရာမဟုတ်ပါဘူး။ပြည့်စုံခြင်းဆိုတာရှိလျှင်ယင်းနဲ့ဆန့်ကျင်ဖက်မပြည့်စုံခြင်းဆိုတာရှိမှာပဲ။ကျဆုံးခြင်းဆိုတာရှိလျှင်လည်းအောင်မြင်ခြင်းဆိုတာရှိမှာပါပဲ။
         ဘဝရဲ့ပျော်ရွှင်မှုဆိုတာဟာအောင်မြင်ခြင်း၊ကျဆုံးခြင်း တွေအပေါ်မှာမူမတည်ပါဘူး။အောင်မြင်ခြင်း၊ကျဆုံးခြင်းဆိုတာတွေဟာလောကဓံပဲဖြစ်ပါတယ်။လောကဓမ္မ၊လောရဲ့ဖြစ်ခြင်း၊ပျက်ခြင်းသဘောတရား၊လောကအမှန်တရားပဲဖြစ်ပါတယ်။လောကဖြစ်ခြင်း၊ပျက်ခြင်းသဘောကိုဘယ်သူမှပြုပြင်ဖန်တိ်းလို့မရပါဘူး။လုပ်ယူလို့လည်းမရပါဘူး။ရှောင်ရှားလို့လည်းမရပါဘူး။
          ဘဝပျော်ရွှင်မှုဆိုတာကတော့လူတိုင်းလုပ်ယူလို့ရတဲ့ အရာတစ်ခါပါ။မိမိရဲ့လုပ်ရပ်အပေါ်မှာအောင်မြင်မှုရှိရှိ၊မရှိရှိဘဝပျော်ရွှင်မှုကိုရယူလို့ရပါတယ်။တကယ်တော့ဘဝပျော်ရွှင်မှုကိုရယူချင်သူဟာမိမိရှေ့မှာရှိတဲ့အရာကိုတန်ဖိုးထားရုံဖြင့်ရယူနိုင်ပါတယ်။မိမိရှေ့မှာရှိတဲ့အရာဟာရေနွေးကြမ်းတစ်ခွက်ဖြစ်ပါစေတန်ဖိုးထားပြီးအရသာရှိရှိသောက်တဲ့အချိန်ဟာဘဝရဲ့ကျေနပ်မှုကိုရရှိစေပါတယ်။မိမိရဲ့မျက်စိရှေ့မှာရှိတဲ့အရာဟာလောကရဲ့တန်ဖိုးအရှိဆုံးအရာပါ။နောက်ဘာပဲလာပါစေပေါ့။ယခုလက်ရှိမိမိတန်ဖိုးထားရမယ့်အရာကိုတန်ဖိုးထားပြီးမိမိလုပ်နေတဲ့အလုပ်ကိုကျေကျေနပ်နပ်နဲ့တမ်ဖို့းရှိရှိအကောင်းဆုံးလုပ်ဆောင်ခြင်းဟာဘဝပျော်ရွှင်မှုကိုရရှိစေပါတယ်။
          မိမိစိတ်ကျေနပ်စွာလုပ်ဆောင်နေခြင်းဟာဘဝရဲ့ ပျော်ရွှင်မှုအရှိဆုံးအချိန်ပါ။တစ်တောင်ကိုတက်နေစဉ်နောက်ထပ်တောင်တစ်လုံးအတွက်စဉ်းစားနေစရာမလိုပါဘူး။နောက်ထပ်တောင်တစ်လုံးကိုလည်းလှမ်းမျှော်စရာမလိုပါဘူး။ယခုလုပ်နေတဲ့အရာသာမိမိဘဝရဲ့အဓိကအလုပ်ဖြစ်ပါတယ်။မိမိအလုပ်အပေါ်မှာသာကျေကျေနပ်နပ်နဲ့လုပ်ပါစေ။ဘဝပျော်ရွှင်မှုဆိုတာရရှိလာမှာပါ။ရင်မောစရာလည်းမရှိတော့ပါဘူး။အားသစ်လောင်းစရာလည်းမလိုတော့ပါဘူး။
          နောင်လာမည့်ဘေးကိုတွေးကြောက်နေခြင်းဟာဘဝ ပျော်ရွှင်မှုကိုပျောက်ဆုံးစေပါတယ်။ရေသောက်မဖြစ်၊ထမင်းစားမဖြစ်တော့ပါဘူး။ရေတစ်ခွက်သောက်ခြင်းဟာလည်းဘဝရဲ့ရသတစ်ခုပါပဲ။မိမိရှိမှာရှေ့တဲ့ဖန်ခွက်၊ဖန်ခွက်ထဲကရေကိုဖြည်းဖြည်းချင်းအရသာရှိရှိသောက်လိုက်ခြင်းဟာမိမိကိုယ်ကိုမိမိကျေနပ်စေပါတယ်။တကယ်လို့သာလူတစ်ယောက်ဟာသူ့ရဲ့တစ်နေ့တာမှာကျေနပ်စရာတွေချည်းသာဖြစ်နေခဲ့လျှင်ဘဝဆိုတာတကယ်ပျော်စရာပါပဲ။ဘဝကိုပျော်ရွှင်မှုအပြည့်နဲ့လျှေညက်လှမ်းရမှာဖြစ်ပါတယ်။
           ကမ္ဘာကျော်ပုဂ္ဂိုလ်တစ်ဦးကတော့ပျော်ရွှင်မှုဆိုတာ ကျွနှုပ်တို့ရောက်ရှိရမည့်နေရာမဟုတ်ဘူးတဲ့။ပျော်ရွှင်မှုဖြင့်သာလိုရာပန်းတိုင်ကိုချီတက်ရပါမ်ာတဲ့။ကျွန်တော်တို့ဟာကျွန်တော်တို့ရဲ့ခေတ်၏စိန်ခေါ်မှုကိုဘဝရဲ့ပျော်ရွှင်မှုတွေနဲ့ပဲစိန်ခေါ်ကြရပါမယ်။ဆယ်တန်းအောင်ခါစမိန်းကလေးလိုအမှတ်မကောင်းလို့စိတ်ညစ်စရာတွေ၊ပိုက်ဆံချမ်းသာတဲ့အသိုင်းအဝိုင်းထဲဝင်ဖို့စီမံကိန်းတွေကိုကြိုတင်တွေးပြီးရင်မောစရာမလိုပါဘူး။အသစ်အဆန်းတွေဖြစ်တဲ့modelသစ်တွေကိုလိုပ်ပြီးစိတ်မောပန်းမှုတွေကိုယူနေစရာမလိုပါဘူး။ကျွန်တော်တို့ရောက်ရှိရမည့်နေရာကိုသာပျော်ပျော်ရွှင်ရွှင်နဲ့လျှောက်ကြရပါမယ်။
            တကယ်တော့ဘဝပျော်ရွှင်မှုကိုရရှိသူတိုင်းဟာလော ကဓံတရားဖြစ်တဲ့အောင်မြင်မှု၊ဆုံးရှုံးမှုအပေါ်မှာလိုက်ပြီးဇာတ်ဆရာအလိုကျလိုက်ကနေမှာမဟုတ်တော့ပါဘူး။မိမိတို့ရဲ့အချိန်ကိုတန်ဖို့းရှိရှိအသုံးချပြီးမိမိတို့ရဲ့ရှေ့မှာရှိတဲ့အရာကိုတန်ဖိုးထားအသုံးချသွားကြမှာဖြစ်ပါတယ်။ပြီးတော့ပျော်ပျော်ရွှင်ရွှင်နဲ့သူတို့ရဲ့ပန်းတိုင်ကိုအရောက်လျှောက်လှမ်းကြပါလိမ့်ယ်။
                                       နီဝန်းသစ်
##.....တိုးတက်ရေးသတင်းလွှာ