ကျွန်တော်ရို့ဘဝတိကားအတွေးတိနဲ့ပြည့်နီတတ်ပါရေ။ ကိုယ်စီကိုယ်စီအတွေးတိနဲ့ကိုယ်စီကိုယ်စီဘဝတိကိုအတွေးတိအတိုင်းပုံဖော်တတ်ကတ်ယင်းအတွေးသစ်စိတ်ကူးသစ်တိလေ့မကန်မကန်ပါ။မတွေးဘဲမနီနိုင်ရေအတွက်ကျွန်တော်ရို့ရေနိစိုင်နဲ့အမျှတွေးနီကတ်ပါရေ။
အတွေးတိနဲ့ပတ်သက်လို့ကျွန်တော်ရို့အချေခါသင်ခ ရရေယုန်နဲ့လိပ်ပုံပြင်ကိုတောင်အတွေးသစ်တိနဲ့ပုံဖော်ခကတ်ပါသိရေ။သိပြီးသားဖြစ်ကေလေ့စကေချေလားကြည့်ကတ်ပါမေ။
ယုံနဲ့လိပ်ပုံပြင်မှာယုန်နဲ့လိပ်အပြီးပြိုင်ကတ်ပါရေ။ ယုန်ကအယင်ပြီးလားခပြီးကေခြုံပုတ်တစ်ခုကိုရောက်တေအခါလိပ်ကိုစောင့်ဖို့ဆိုပနာတစ်ရေးအိပ်ပါရေ။လိပ်ကတော့ခါမရပ်မနားဘဲတရွိရွိနဲ့ကြိုးစားလို့ပန်းတိုင်ကိုလားခပါရေ။လိပ်ရေအိပ်ရာကနိုးလို့ပန်းတိုင်ကိုပြီးလာရေခါလိပ်ကပန်းတိုင်မှာရောက်နီပါယာ။ပြောချင်စော်ကလူတိရေအလုပ်တစ်ခုကိုလုပ်ရေအခါဖြေးဖြေးနဲ့မှန်မှန်မရပ်မနားဘဲလုပ်ကေကိုယ့်ထက်အင်အားကြီးကေလေ့ကောက်ရိုးပုံမီးတိုက်အလုပ်လုပ်တေလူကိုအနိုင်ယူနိုင်ရေဆိုစော်ပါ။အဓိကအလုပ်ကိုဖြေးဖြေးနဲ့မှန်မှန်လုပ်လားကတ်ရဖို့ဖြစ်ပါရေ။
ယုန်နဲ့လိပ်ပုံပြင်ကိုဆက်ထားပါသိရေ။နောက်တစ် ခေါက်စိန်ခေါ်ပွဲအပြီးပြိုင်ကတ်ပါရေ။ဒေခေါက်ခါယုန်ရေလိပ်ကိုစောင့်ဖို့လမ်းမှာမအိပ်ပါယာ။ပန်းတိုင်ကိုအရောက်ပြီးလားပါရေ။ပန်းတိုင်ကိုရောက်မှအနားယူပါရေ။သဘာဝကိုယ်ထည်ကပင်ယုန်ရေလိပ်ထက်အင်အားကြီးပါရေ။အပြီးမြန်ပါရေ။ပုံမှန်သဘာဝအရယုန်နိုင်စော်အဆန်းမဟုတ်ပါ။လူသားတိဆိုစော်လေ့သဘာဝအတိုင်းခွန်အား(ကာယဗလတစ်ခုတည်းမဟုတ်ပါ)ကြီးရေ၊လုပ်ရည်ကိုင်ရည်ရှိရေလူစော်ခွန်အားနည်းရေ၊လုပ်ရည်ကိုင်ရည်မရှိရေလူကိုအမြဲတမ်းအနိုင်ရရှိနိုင်ပါရေ။
ယုန်နဲ့လိပ်ပုံပြင်ကိုဆက်ပါသိရေ။နောက်တစ်ခေါက် စိန်ခေါ်ပွဲအပြီးပြိုင်ကတ်ပါရေ။ယေကေလေ့ဒေခေါက်ခါလိပ်ကသူရို့အယင်ပြိုင်ခရေနေရာကိုပန်းတိုင်အဖြစ်မသတ်မှတ်ဘဲနောက်တစ်နီရာကိုပန်းတိုင်အဖြစ်သတ်မှတ်စီပါရေ။ယုန်လေ့လက်ခံပနာအပြီးပြိုင်ကတ်ပါယာ။ယုန်ရေပန်းတိုင်ကိုအယင်ရောက်အောင်ပြီးပါရေ။ယေလေ့ပန်းတိုင်ကိုမရောက်ခင်ချောင်းတစ်ချောင်းကကြားခံနီပါရေ။ယုန်ကရီမကူးတတ်တေအတွက်ပန်းတိုင်ကိုမရောက်နိုင်လိုက်ပါဗျယ်။လိပ်ကတော့ခါအသာအသာနဲ့ပြီးလာပနာချောင်းကိုကူးလို့ဟိုဖက်ကမ်းကပန်းတိုင်ကိုရောက်လားပါရေ။လူတိဆိုစော်လေ့ကိုယ့်ထက်ဘလောက်ပင်ခွန်အားကြီးလီပတ်စီယင်းသူ၏အားနည်းချက်ကိုရှာတတ်ကေအနိုင်ယူနိုင်ပါရေ။
ယုန်နဲ့လိပ်ပုံပြင်ကတော့ခါနောက်ဆုံးwinwinနဲ့အဆုံး သတ်လားပါရေ။ယုန်ကိုလိပ်နောက်ကုန်းမှာတင်ဗျယ်ချောင်းကိုကူးလို့နှစ်ကောင်အတူတူလားနိုင်ရဖို့ဆိုလားပါရေ။ယုန်နဲ့လိပ်ပုံပြင်ကိုတန့်ဗျယ်ကျွန်တော်ရို့သိရေအတွေးတိကနီစကေဆွဲကြည့်ကတ်ပါမေ။
ကေဒါရကျီးမင်းအကြောင်းကိုလူတိုင်းသိပါလိမ့်မယ်။ ကေဒါရကျီးမင်းနဲု့ကျီးအပေါင်းရို့ရေလယ်သမားတစ်ယောက်ပိုင်ရေစပါးခင်းကစပါးတိကိုစားသောက်ကတ်ပါရေ။နောက်ဆုံးလယ်သမားကကိုင်းထောင်ဗျယ်ဖမ်းလို့ကျီးမင်းကိုမိပါရေ။ကျီးမင်းက (၁)ကြွီးမြီဟောင်းကိုဆပ်ရ၏
(၂)ကြွီးမြီသစ်ကိုလည်းချီးပီးရ၏
(၃)အစဉ်လိုက်သောရွှေအိုးကိုလည်းမြုပ်ရ၏လို့ဆို ပါရေ။အဓိပ္ပယ်က(၁)အိုမင်းမစွမ်းရေမိဘကိုကျွေးမွေးရခြင်း(၂)အရွယ်မရောက်သိရေသားသမီးတိကိုကျွေးရခြင်း(၃)အိုမင်းမစွမ်းရေကျီးအိုတိကိုကျွေးရခြင်းရို့ဖြစ်ပါရေ။ယင်းအဖြေတိကြောင့်ကျီးမင်းရေသီဘေးကလွတ်လားရပါရေ။လယ်သမားကလေ့ကျီးမင်းကိုလေးစားလို့စပါးခင်းချေတစ်ခင်းပီးလိုက်ပါရေ။
ကျွန်တော်ရို့ဆက်ကြည့်ကတ်ပါမယ်။တစ်ခါကခဲဝါတစ် ကောင်ရေမွေးမြူရေးသမားတစ်ယောက်မွီးမြူထားရေကြက်ခြံထဲကကြက်တိကိုလာရောက်စားသောက်ပါရေ။စားပြီးကေလေ့ကြက်တိဖမ်းယူလားပါသိရေ။ယင်းချင့်ကိုမွေးမြူရေးသမားကတွိလို့ခဲဝါကိုကြိုးကွင်းနဲ့ပစ်လို့ဖမ်းရေခါမိပါယာ။ယေခါခဲဝါက
(၁)အိုမင်းမစွမ်းရေမိဘကိုကျွေးရရေ
(၂)အရွယ်မရောက်သိရေသားသမီးတိကိုကျွေးရရေ
(၃)အိုမင်းမစွမ်းရေခဲဝါအိုတိကိုလေ့ကျွေးရရေလို့ဆို လာပါရေ။ကျွန်တော်ရို့ရာမွေးမြူရေးသမားဆိုကေခဲဝါကိုပြန်လွှတ်လိုက်ပါဖို့လား။ကေဒါရကျီးမင်းကိုလယ်သမားကစပါးခင်းချေတစ်ခင်းပီးရေပိုင်ခဲဝါကိုကြက်ခြံချေတစ်ခြံပီးလိုက်ရပါဖို့လား။ကျွန်တော်တစ်ယောက်တည်းရာဆုံးဖြတိရဖို့ဆိုကေနောက်တစ်ခါမလာဝံ့အောင်ယင်းခဲဝါကိုသတ်လွှတ်လိုက်ပါဖို့။အရာလူတိတော့ခါဇာပိုင်တွေးပါမေမသိပါ။
နောက်ထပ်ဆက်ကြည့်ကတ်ပါမယ်။တစ်ခါကလူမျိုး တစ်မျိုးနီထိုင်ရေဒေသစွာမြီပေါ်မြီအောက်သယံဇာတတိပေါများပါရေလတ်။ယင်းသယံဇာတတိကိုရောင်းစားဗျယ်အလုပ်မလုပ်ဘဲနီကေတောင်လုံးဝမဆင်းရဲနိုင်ပါလတ်။ယေလေ့ယင်းလူမျိုးရေဆင်းရဲမြဲဆင်းရဲ၊နိကျမြဲနိကျနီပါရေ။အကြောင်းကတော့ခါအခြားလူမျိုးတစ်မျိုးကလာဗျယ်ယင်းသယံဇာတတိကိုယူလို့
(၁)ယင်းလူမျိုးရို့၏မိဘတိအတွက်
(၂)ယင်းလူမျိုးရို့၏သားသမီးတိအတွက်
(၃)ယင်းလူမျိုးရို့၏လူအိုတိအတွက်အသုံးချကတ်လို့ ဖြစ်ပါရေလတ်။ဒေသခံလူမျိုးတိလေ့ယင်းကိစ္စကိုသိရေခါဇာပိုင်လုပ်ရဖို့လဲစိုင်းစားဖို့ကျပါယာထော။ကေဒါရကျီးမင်းကိုပိုင်ပြန်လွှတ်လိုက်ပြီးကေစပါးခင်းချေတစ်ခင်းပီးလိုက်ပါဖို့လား။ကျွန်တော့်သဘောအရခဲဝါကိုပိုင်သတ်လွှတ်လိုက်ပါဖို့လား။
ကျွန်တော်ရို့ရေအတွေးတိကိုယ်စီနဲ့ရှင်သန်ကတ်ပါရေ။ ဒေအတွေးတိကိုရပ်တန့်လို့မရနိုင်ပါ။အတွေးဆိုစော်ရေဘဝကိုပုံဖော်ရေနီရာမှာထပ်တူကျနိုင်ပါရေ။လူမျိုးတစ်မျိုးကိုပုံဖော်ရေနီရာမှာသဏ္ဌာန်တူနိုင်ပါရေ။နိုင်ငံတစ်နိုင်ငံကိုထုဆစ်ရေနီရာမှာညီမျှခြင်းကျစီနိုင်ပါရေ။
ကျွန်တော်ရို့ရေကျွန်တော်ရို့၏ဘဝတိကိုကျွန်တော်ရို့၏ အတွေးတိနဲ့ပုံဖော်ယင်းရှင်သန်လားဖို့ဖြစ်ပါကြောင်း....။ ။
အဘာသား
Tuesday, February 7, 2017
အတွေးများ(၂)
Subscribe to:
Post Comments (Atom)
No comments:
Post a Comment