"တစ်ရွာမပြောင်းသူကောင်းမဖြစ်"၊"ရီကြိုင်ရာမြက်နုရာ" စရေစကားတိရေအယင်ရှိခေတ်ကပင် ရှိခရေစကားတိပါ။ လူတိစွာ တစ်နီရာကတစ်နီရာကိုလားဗျယ်လုပ်ကိုင်စား သောက်ရစော်ရေ အဂုခေတ်ကပင်ဟုတ်ဖိုမထင်ပါ။ အယင် ခေတ်တိကပင်ရှိခလို့ ဒေစကားတိပေါ်လာစော်ပါမနင်းယေ။
လူတိရေ ကိုယ့်ရပ်၊ကိုယ့်ဒေသမှာ လုပ်ကိုင်စားသောက် လို့အဆင်မပြေရေခါ နောက်တစ်နီရာတစ်ဒေသကို လားဗျယ် ရီကြိုင်ရာကိုရှာကတ်ရစော်ပါဗျယ်။ဒေပိုင်ဂျီးယာထိုင်နီလို့ ဇာရ ပါဖို့လဲ။တစ်ရွာမပြောင်းသူကောင်းမဖြစ်ဆိုပါမနင်း။ ဒေတစ်ရွာ မပြောင်းသူကောင်းမဖြစ်ဆိုရေစကားနဲ့ပတ်သက်လို့ ဒေနိ ခေတ်မှာ ကကောင်းသိသာလာပါရေ။ ကျွန်တော်ရို့ရခိုင်လူငယ် တိအတွက်ဆိုကေပိုလို့ မှန်လပါဗျယ်။ ရွာတစ်ရွာ၊ရပ်တစ်ရပ်မှာ လူပျို၊ကာလသားတိမရှိသလောက် ရှားပါးလားစော် ဒေ တစ်ရွာ မပြောင်းသူကောင်းမဖြစ်ဆိုရေ စကားကြောင့်မဟုတ်ပါလား။ တစ်ချို့တစ်လီရွာတိမှာဆိုကေ ယောကျားဆိုလို့ နို့သောက်နဲ့ တုတ်ထောက်အဆင့်လောက်ရာကျန်ပါဗျယ်။ လုပ်နိုင်ကိုင်နိုင် ယောကျားသားတိက အားလုံးရီကြိုင်ရာမြက်နုရာကို ရှာဖို့လား ခကတ်ပါဗျယ်။
ဇာကြောင့်ရီကြိုင်ရာကိုလူငယ်တိ ထွက်လားခရရေလဲ လို့တစ်ချက်စိစစ်ကြည့်ကတ်ပါမေ။ပထမဆုံးပြောရဖို့ဆိုကေ အလုပ်အကိုင်ရှားပါးလို့ရာဆိုရပါဖို့။ နောက်တစ်ခု အလုပ်လုပ် လို့ရကေတောင်မှ လစာနည်းပါးလို့။ဝင်ငွေမကောင်းလို့။ နောက်တစ်ခု အတွိအကြုံအသစ်ရှာဖို့ စရေအချက်တိကိုတွိရ ပါရေ။ကျွန်တော်စဉ်းစားမိသလောက်ပါဗျယ်။ ချမ်းသာချင်ရေ၊ အောင်မြင်ချင်ရေ ရခိုင်လူငယ်ချေတိ တဆတ်ဆတ်ရခိုင်ပြည် မှာနည်းလာစော်ကို လက်မခံချင်ဘဲ လက်ခံနီရပါဗျယ်။ လား ကတ်တေဒေသတိကလေ့ တစ်ယောက်နဲ့တစ်ယောက်တော့ ခါမတူ။တစ်ချို့ကစင်္ကာပူ၊တစ်ချို့ကထိုင်း၊တစ်ချို့ကမလေးရှား၊ တစ်ချို့က ကချင် စရေပိုင်လားကတ်ပါရေ။
ကျွန်တော်ပြေချင်စော်က အခြားဒေသတိကိုလားစော်၊ ရီကြိုင်ရာကိုရှာစော်၊တစ်ရွာမပြောင်းသူကောင်းမဖြစ်ဆိုရေ စကားတိကို ကောင်းရေ၊မကောင်းလို့ဝေဖန်ပြချင်စော်မဟုတ် ပါ။ကောင်းရေဖက်ကကြည့်ကေကောင်းပါရေ။မကောင်းရေ ဖက်ကကြည့်ကေမကောင်းပါ။တစ်ယောက်နဲ့တစ်ယောက် အမြင်တူစော်ကမဟုတ်ပါ။မြေကိုဂျီးယာချစ်ရဖို့ဆိုလို့လည်း ဇာရပါဖို့လဲ။လူငယ်ချေတိလေ့ အတောင်ကိုဆန့်ဗျယ် ပျံချင်ရေ နင်းရာ။ယေဒါလေ့ တစ်ခုပြောချင်စော်က(လူငယ်တိကိုပြောစွာ ပါရာ)တစ်ရွာပြောင်းမှရာသူကောင်းဖြစ်ဖို့လား။ရီကြိုင်ရာကို ရှာမှရာရီကြိုင်ကိုသောက်ရဖို့လား။မြက်နုကိုတွိမှရာ မြက်နုကို စားရဖို့လား။သေသေချာချာစိုင်းစားကြည့်ကတ်ပါမေ။
အမှန်တကယ်အောင်မြင်ချင်ရေ လူတစ်ယောက်စော် ကိုယ့်နေရာကိုယ့်ဒေသကနီဗျယ်ကြိုးစားကေလေ့အောင်မြင် နိုင်ပါရေ။အချိန်တော့ခါနည်းနည်းပီးဆပ်ရပါဖို့။ကျိန်းသီပါ။ မအောင်မြင်ဆိုစော်လုံးဝမရှိ။ကိုယ်ဇာဖြစ်ချင်လေ။ဇာလုပ်ချင် လေလို့ ပထမဆုံးကိုယ့်ကိုကိုယ်မီးကြည့်ပါ။ကိုယ်ဖြစ်ချင်စော် ကိုတွိဗျယ်၊အေ..ကိုယ်ဖြစ်ချင်စော်ရေ အမှန်တကယ်ကိုယ့် စိတ်ကပြင်းပြင်းပြပြတောင်းဆိုနီဗျယ်ဆိုကေ မဖြစ်လို့လုံးဝ မရှိပါဗျယ်။ဖြစ်ကိုဖြစ်လာရပါဖို့။ဒေနီရာမှာစိတ်ဆန္ဒပြင်းပြရေ ဆိုစော်ကို တဆိကေရှင်းပြပါမေ။စိတ်ဆန္ဒပြင်းပြရေဆိုစော် မိမိစိတ်၊မိမိခန္ဓာကိုယ်မှာ အတောင်းတဆုံး၊အဖြစ်ချင်ဆုံး၊ မလုပ်မဖြစ်၊လုပ်ကိုလုပ်ရဖို့၊မလုပ်လို့်ကိုလုံးဝမရဆိုရေစိတ်ပါ။ တစ်နည်းမိမိစိတ်ကိုလွှမ်းမိုးနီရေအဖြစ်ချင်ဆုံးဆန္ဒတစ်ခုပါ။ မြင်သာအောင် ဥပမာ တစ်ခုပီးပါမေ။
တစ်ခါက ပညာရှိတစ်ယောက်ဘက်ကို တပည့်တစ် ယောက် ပညာသင်ဖို့ ရောက်ပါလတ်ပါရေလတ်။တပည့်သေ ရေပညာရှိဘက်မှာတစ်နှစ်၊နှစ်နှစ်ပညာသင်ပါရေ။ယေဒါလေ့ ပညာကမတတ်။ပိုးသာကုန်မောင်ပုံစောင်းမတတ်ဆိုရေပိုင် ပါဗျယ်။နောက်ဆုံးဆရာကတပည့်ကိုခေါ်ဗျယ် မင်း အမှန်တ ကယ်ပညာသင်ချင်လာ အမှန်တကယ် ပညာတတ်ချင်လာလို့ မီးဖို့ကျပါဗျယ်။တပည့်ကလေ့ အမှန်တကယ်ပညာသင်ချင်ရေ အမှန်တကယ်ပညာတတ်ချင်ရေလို့ဖြေပါရေလတ်။ ယေခါ ဆရာကတပည့်ကို ချောင်းကမ်းစပ်ကိုခေါ်ဗျယ် ချောင်းကိုတိုး ချပလိုက်ပါရေ။တပည့်ရေရီကူးဖို့မတတ်တေအတွက် လက်ကို ယက်ခြီးကိုယက်နဲ့ အသက်မသီရရေး ရီကိုယက်ဗျယ်ကမ်း နားကသစ်ကိုင်းတစ်ခုကိုရအောင်ကိုင်လိုက်ပါရေလတ်။ယင်း ခါမှရာ ဆရာက ပညာတတ်ချင်ရေဆိုကေ ရီမြုပ်လို့ ကိုယ့် အသက်မသီရရေးအတွက်ကြိုးစားပိုင် ပညာကိုလေ့ ဒေပိုင်ကြိုး စားရဖို့လို့ဆိုလိုက်ပါရေလတ်။ယေခါမှရာတပည့်လေ့ ပညာကို ကြိုးစားသင်ယူလားရေလို့ဆိုပါရေ။ပြောချင်စော်က မိမိရေ ဇာအတတ်ပညာပင်မဆို၊ဇာအရာကိုပင်မဆို၊အမှန်တကယ် ကိုယ့်အသက်တစ်ချောင်းရှင်ဖို့အတွက်ရရာကိုလှုပ်ရှားရုန်းကန် ပိုင်ကြိုးစားဖို့ဆိုကေ မဖြစ်လာနိုင်စရာအကြောင်းမရှိပါ။
လူ့ဘဝမှာချမ်းသာချင်လာ၊အောင်မြင်ချင်လာ စိတ် ဆန္ဒပြင်းပြင်းပြပြနဲ့ရာကြိုးစားကေ ဇာနီရာဇာဒေသမှာပင်ဖြစ် ဖြစ် ရဖို့စော်ပါရာ။ကိုယ့်ဒေသမှာက တစ်ခုလေ့မရှိ ဇာပညာရ လို့ ဇာတိုးတက်မှုရှိဖို့လဲလို့စိတ်အားငယ်မနီပါကေ့။ဒေလောက် လေတ်မှာဇာအားငယ်စရာလိုပါလေ။ပထမဆုံးကိုယ်ဇာဖြစ်ချင် လေ၊ဇာလုပ်ချင်လေလို့ ဆုံးဖြတ်ချက်တစ်ခုချပါ။ကိုယ့်ကိုကိုယ် ဇာလိုချင်းမှန်းတောင်မသိကေ ဘဝကြီးကကိုယ့်ကို ဇာလာပီးပါ ဖို့လဲ။ယင်းပိုင်ကိုယ့်ကိုကိုယ်ဇာဖြစ်ချင်မှန်းတောင်မသိကေ နိုင် ငံခြားမပြောကေ့ နတ်ပြည်လားတောင် တစ်ခုလေ့ရခဖို့ မဟုတ်ပါ။
ပြောရဖို့ဆိုကေ သူများလုပ်ထားရေ အလုပ်တိမှာ ကိုယ်ကလညးဗျယ် အငှါးခံဖို့အစား ကိုယ့်နီရာ ကိုယ့်ဒေသမှာ ကိုယ့်ရည်မှန်းချက်ချေကို အကောင်အထည်ဖော်ကေ ကိုယ့်အ တွက်၊ကိုယ့်မိသားစုအတွက်၊ကိုယ့်လူမျိုးအတွက်ပိုလို့မကောင်းပါလာ။သူများငါးခွက်ကအကျန်ကိုစားဖို့အတူ ကင်းစွန်းဟင်း ကိုဖြစ်ဖြစ် ပပူချေစားပလိုက်ပါဖို့နမ်းရာ။လူများဘက်ကအကျန် ကိုစားစော်ထက်ပိုလို့အားမဖြစ်ပါလာ။ခန္ဓာကိုယ် အားမဖြစ်ကေ တောင်စိတ်ဓာတ်အင်အားတော့ခါ ဖြစ်ပါရေနမ်းရာ။ပြောဖို့ဆို ကေကိုယ်ဖြစ်ချင်ရေစိတ်ဆန္ဒတစ်ခုရာလိုပါရေ။ကိုယ်ရေချမ်း သာချင်လာ၊အောင်မြင်ချင်လာ။ချမ်းသာချင်ကေစီးပွားရေးလုပ်။ ချမ်းသာလာပါလိမ့်မေ။ခုနှစ်ခါလဲကေ ရှစ်ခါတော့ပြန်ထရပါဖို့။ အမှန်ကစီးပွားရေးဆိုစော် လူတိလိုအပ်ချက်ကိုဖြည့်ပီးစွာပါရာ။ ကုမ္ပဏီထောင်နိုင်မှမဟုတ်၊အရင်းအနှီးများမှမဟုတ်ပါ။ ကိုယ့် နီရာ ကိုယ့်ဒေသမှာ လူတိဇာလိုအပ်လဲ၊ဇာကို ကိုယ်ကလူတိ အတွက်ဖြည့်ပီးရဖို့လဲဆိုရေ အချက်တိကိုကြည့်ဗျယ်ဖြည့်ပီးရ ပါဖို့။
လိုအပ်ချက်ကိုဖြည့်ပီးစော်နဲ့ပတ်သက်လို့ ကျွန်တော့် အတွိအကြုံတစ်ခုကိုပြောပြပါမေ။ကျွန်တော်ရေဘောလုံးပွဲ ကြည့်ရစော်ကို ကကောင်းဝါသနာပါ ပါရေ။ကိုယ်တိုင်ရာ ဘော လုံးကျောပ်ဖို့မတတ်စော်။ပရီးမီးယားလိတ်၊ချန်ပီယံလိတ်ဆို ကေတသ်ပွဲမလွတ်ကြည့်ဖြစ်ပါရေ။ပြောချင်စော်ကဘောလုံးပွဲ အကြောင်းမဟုတ်ပါ။ တစ်ရက်နိ ကျွန်တော်ရေ ချန်ပီယံလိတ် ဗိုလ်လုပွဲ မန်ယူနဲ့ဘာကာ ပွဲကိုကြည့်နီမိပါထရေ။ဘောလုံးပွဲ ကလေ့ကောင်းလိုက်စော် မပြောပါကေ့။ပြောရဖို့ဆိုကေ နောက်ဖဲတောင်ထလို့မလားချင်ပါဗျယ်။ယင်းအချိန်မှာ ကျွန်တော့်စိတ်ထဲမှာ ကွမ်းတစ်ယာလောက်စားပလိုက်ချင် စိတ်ပေါ်ပါလတ်ပါရေ။ဘောလုံးပွဲကိုလေ့မလွှတ်ချင် ကွမ်းလေ့ စားပစ်ချင်နီပါဗျယ်။ပါးစ ကလေ့ချိုင်နီပါဗျယ်။ယင်းအချိန် "အကိုရို့...အခင်ရို့..ကွမ်းယာယူကတ်ပါဖို့လား...၊လိုအပ်ကေ ယူကတိပါ"လတ်။အကောင်ချေတစ်ယောက် ကွမ်းဗန်းခန်ချေ ကိုင်ဗျယ်ဘောလုံးပွဲပြရေရုံမှာရောင်းလာပါရေ။ဝယ်စားပလိုက် ကတ်စော်လေ့ ကွမ်းခံ တစ်ခုလုံးပြောင်ပါလားပါရေ။အပြင်မှာ ကွမ်း(၁၀၀)ဖိုးကို ၅ ယာ။ရုံထဲမှာယင်းကောင်ချေဘက်က ၃ ယာရပါရေ။ယေကေလေ့ယင်းကောင်ချေမှာကွမ်းကုန်ပါလားပါ ရေ။ပြောချင်စော်က လူတိလိုအပ်နီချိန်မှာ၊တောင့်တနီချိန်မှာ၊ လူတိလိုအပ်ချက်ကိုဖြည့်ပီးလိုက်တေ စီးပွားရေးအသေးစား ချေတစ်ခုလို့ဆိုချင်ပါရေ။
စီးပွားရေစလုပ်ဖို့ဆိုကေမိမိဒေသမှာ ဇာပိုင်အခြေအ နေကို ဂဃနဏ သိပြီးကေဒေအချိန်ဇာလိုအပ်နီလေလို့သိဖို့ ပထမဆုံးစဉ်းစားရပါဖို့။နောက်တစ်ခုက စီးပွားရေးနဲ့ပတ်သက် လို့ (၁) ကိုယ်လုပ်တေလုပ်ငန်းရေလူတိုင်းနဲ့တိုက်ရိုက်ပတ် သက်နီရပါဖို့။ (၂) လူတိုင်းကခေါင်းမခါနိုင်၊မငြင်းပယ်နိုင်၊ လက်မလွှတ်နိုင်ရေလူတိုင်း၏လိုအပ်ချက်ကိုဖြည့်ပီးနိုင်ရေလုပ် ငန်းမျိုးဖြစ်ရပါဖို့။ (၃) ယင်းလုပ်ငန်း၏အရင်းအနှီးရေကိန်းသေ အဖြစ်တည်တည်ငြိမ်ငြိမ်အမြဲရှိနီပြီးကေဝင်လာဖို့ငွေကြေးကရာကိန်းရှင်အဖြစ်အမြတ်အစွန်းဖြစ်နီရပါဖို့။ဒေပိုင်ရာဆိုကေ အောင်မြင်ရေစီးပွားရေးတစ်ခုဖြစ်လာပါလိမ့်မယ်။အတိုချုပ် ပြောစော်ပါရာ။အမှန်ကစီးပွားရေးလုပ်ဖို့ဆိုစော်တိကျပြတ်သား ၊ရှင်းလင်းရေ ရည်မှန်းချက်တိ၊အစီအစဉ်တိအများကြီးလိုပါရေ။ နောက်မှဆက်ပါမေ။
နောက်တစ်နည်းအနီနဲ့ လူငယ်တိရေစီးပွားရေးမလုပ် ချင် အောင်မြင်ရေလူရာဖြစ်ချင်ရေဆိုပါဖိ။အောင်မြင်ချင်ကေ မိမိအောင်မြင်ချက်ရေနယ်ပယ်ဘက်ကိုဇောက်ချလုပ်ကိုင်ပါ။ ယကေလေ့ အောင်မြင်စော်နဲ့ချမ်းသာစော်တူချင်မှတူဖို့ဆိုစော် ပထမဆုံးသိထားသင့်ပါရေ။ဆရာကြီးပီမိုးနင်းရေ စာရီးဆရာ ဘက်မှာအောင်မြင်ပါရေ။ချမ်းသာရေလူတော့ခါမဟုတ်ပါ။ ယင်းအတွက်မိမိအောင်မြင်ချင်ရေ နယ်ပယ်ကိုဆုံးဖြတိပါ။ အပြီးကေဇောက်ချလုပ်ပါလို့ရာပြောချင်ပါရေ။
ကျွန်တော်အထက်ကပြောခရေစီးပွားရေးလုပ်ရဖို့နည်း လမ်းတိရေ မှန်မမှန်ဆိုစော်မသိပါ။ဇာဖြစ်လို့လဲဆိုကေကျွန်
တော်ရေ အောင်မြင်နီရေစီးပွားရေးသမားမဟုတ်လို့ပါ။လက် တွိကျင့်ကြည့်မှသိရပါဖို့။ဒေဆောင်းပါးမှာကျွန်တော်ပြောချင် စော်ကစီးပွားရေးလုပ်နည်းမဟုတ်ပါ။ကျွန်တော်ရို့လူငယ်တိရေ အောင်မြင်ဖို့၊ချမ်းသာဖို့ တစ်ခြားတစ်မြေတစ်ရီကိုလားဗျယ် ဟင်းစားဆီးဖို့မလိုဆိုစွာရာဖြစ်ပါရေ။ရီကြိုင်ကိုရှာဖို့အစား ကိုယ့်ဒေသမှာရီတွင်းတူးကေပိုမကောင်းပါလာဆိုရေ စိတ်ဆန္ဒ တစ်ခုကြောင့်ပါ။ကိုယ့်ဉာဏ်စွမ်း ဉာဏ်စရှိသလောက် ကိုယ်ကိုတိုင်အတွက်၊ကိုယ့်မိသားစုအတွက်၊ကိုယ့်လူမျိုးအ တွက်အကျိုးပြုနိုင်ဖို့လိုပါရေ။ဒေခေတ်စကားနဲ့ပြောကေ ဦးနှောက်ယိုစီးမှုမရှိစီချင်ပါ။အမှန်မှာက ဒေသတစ်ခုတိုးတက် ဖိုဆိုစော်ဒေသခံလူတိအပေါ်မှာအများကြီးမူတည်ပါရေ။ ဒေသ ခံလူတိကမကြိုးစားဘဲထွက်ဗျယ်လားခကေ ကိုယ့်ဒေသကို ဇာသူလာလို့တိုးတက်အောင်၊ ကောင်းအောင်လုပ်ပါဖို့လဲ။
ဖန်ခွက်ထဲကယိုစိမ့်ထွက်လားခရေ ရီနီရာမှာ လီအစား ထိုးဝင်ရောက်လာပါရေ။လစ်ဟာလားခရေနီရာလို့ကမရှိပါ။ ကျွန်တော်ရို့ရခိုင်ဒေသမှာလေ့ရခိုင်လူငယ်တိ ယိုစိမ့်ထွက်လား ခကေ ယင်းနီရာမှာ အရာတစ်ခု အစားထိုးဝင်လာဖို့စွာပါဗျယ်။ ကျွန်တော်ရို့စဉ်းစားဖို့အချိန်ကျပါဗျယ်ယေ။
နိဂုံးချုပ်အနေနဲ့ ကျွန်တော်ရို့လူငယ်ချေတိရေ ကီကြိုင် ရာကိုဂျီးယာရှာနီဖို့အစား ကိုယ့်ဒေသမှာရီတွင်းချေတိတူးကတ် စီချင်ပါရေ။အပြီးကေကိုယ့်ဒေသမှာလေ့ကိုယ်ဖြစ်ချင်ရေလုပ် ငန်းတစ်ခုကိုပြင်းပြင်းပြပြ တစိုက်မတ်မတ်လုပ်ကေ ဖြစ်နိုင် ပါရေဆိုစော်ပြောလိုက်ချင်ပါရေ။ အားလုံးအတူတူ ပက်ခုံးချင်း မအက်ဘဲလက်ချင်းဆက်ဗျယ် ခရီးဆက်ကတ်ပါမေလို့ ဆန္ဒပြု ယင်း.......။ ။။
အဘာသား
##....ဝံသရက္ခိတမဂ္ဂဇင်း
No comments:
Post a Comment